UBND Ban raya HCM peih bruk rivang, tadhau ayuh dom urang di labik akaok pacang caga jit Covid-19

Patui danak dak Mbang nyaom oh hu kuhria dahlau mbang ka sa, page harei 10/1, QH ginum biai online ka dự án Hukum pasiam veik, pabak dom paka di Hukum Đầu tư công, Hukum Đầu tư tui jalan pambuak công tư, Hukum Đầu tư, Hukum Đấu thầu, Hukum Điện lực, Hukum Doanh nghiệp, Hukum Thuế tiêu thụ đặc biệt saong Hukum ngak tui án dân sự. Dom urang lambaok njauk hatai ka bruk pasiam veik, pabak dự án Hukum piah samar lang talaih dom kan kandah, tavak tavaiy ka jalan ngak, ka sarak saong harak gal piah jhul pakhang bruk buh jien tame, daong bruk ngak mbang pala drak, pablei salih, jhul pasamar bruk parabah pakat, parabha quyền; ba tame ngak tui sarak di Đảng saong ngak tui dom srak di Quoc hoi.

UBND Ban raya HCM bahrau patabiak bruk caik tabiak labaih 901 tỉ đồng piah sangka Tết Nguyên đán thun sak rimaong 2022, dalam nan, hu bruk rivang, tadhau ayuh, hadar dhar phor dom urang di labik akaok pacang caga jit Covid-19.Tui bruk ngak ini, ban raya HCm meda peih 15 bruk ngak yau ye peih bruk uan rok thun bahrau, uan Đảng, uan Xuân, patagok dom bruk ngak piah daong ka dom sang buh prein ka cách mạng; ngak pasiam viek dom labik kubo liệt sĩ, patau pahadar liệt sĩ saong labik patau vak angan liệt sĩ…

Jit ruak di tỉnh Cà Mau daok pacang hu siam. Rilo labik di tỉnh Cà Mau hu salih tapa “ bhum hijao” saong tỉnh ini oh daok xã bhum katam. Harei ini 10/1, Cà Mau hu 95/101 xã, phường, ban sit jit pakat dua lac bhum kanjik; daok veik 6 labik pakat xã jit pakat 1 lac bhum hijao. Yau nan min, tỉnh Ca Mau daok dang anak bruk kurang pandap y tế piah taong ruak ka urang ruak Covid-19. Yau ye, oxy lỏng saong dom kadung jru taong ruak ka urang dalam tỉnh ini daok biak takik dut saong bruk taong ruak anak meta. Meda lac dalam dom harei anak tal meda oh daok ginup piah duh ka bruk taong ruak ka urang F0 dalam tuk yaok harei hu labaih 500 mbang urang birau njom ruak. Urak ini, urang umo meng 12 thun tagok hu klauk dua mbang jru vaccine di tỉnh ini hu labaih 99%.

Di Ninh Thuận, bruk rilo kapul urang eng drei peih bruk kuac mek cuah di kraong Lu labik nao tapa xã An Hải, huyện Ninh Phước daok rah tabiak mbuan ba tal bruk oh salamat ka binek Tuấn Tú, ngak ka rilo bhap bini duh hatai. Bhap bini di pak ini brei thau, bruk kuac mek cuah di kraong Lu labik nduac tapa xã An Hải hu meng lavik mai min jabat chức năng ka oh pacang cakak, langyah tal labik tal dhua.

Page ini 10/1, sa labik ngak ia khan ( ia patau) di jalan Phú Lợi, phường Phú Lợi, Ban Thủ Dầu Một sre khí Amoniac. Thau ka bruk nan, UB bhap bini phường Phú Lợi gam haong dom gah brei panduan ba samar dom baoh sang bhap bini tal labik salamat, tui nan brei pacang labik jaik nan, oh brei bhap bini nao mai labik nan. Gah cảnh sát pacang khuah padam khuah saong daong urang gaok bala tỉnh Bình Dương jeng hu mbaok piah tame duah, pacang labik sraiy khí.

Ban Thiên Tân (Tianjin) di gah Barak Trung Quốc, lac labik daok di 15 triệu urang saong jeng lac pabah jalan praong tame ban ine Bắc Kinh, hu peih bruk dut iek axit nucleic praong abih hadei di tuk mboh hu 21 urang njom COVID-19 di dalam 1 harei, dalam nan hu 2 urang hu brei thau lac njom biến thể Omicron. Mbang tamuh jit di Thiên Tân ngak brei ban ine Bắc Kinh jaik taphia haong Thiên Tân daok dalam báo động. Pasak pasang iek saong pacang caga ruak kik Bắc Kinh harei 9/1 hu kakei bhap bini Bắc Kinh oh nao tal Thiên Tân saong dom urang di Thiên Tân jeng takik nao tal ban ine.

Urang jakar ban New York (Mỹ) brei thau bruk ba tal apui khuah trak harei 9/1 ngak brei takik abih 19 urang metai kayua mac ghang meng điện di động khut ba tal apui khuah; sauk par tabiak bak sang glong rilo tal. Dalam dom urang metai nan hu 9 uranaih, langiu di nan hu yaok pluh urang njauk rambuac. Dahlau di nan, harei 4/1, sa bala apui khuah di sa sang chung cư di ban Philadelphia ngak brei 12 urang metai, dalam nan hu 8 uranaih.

Tui yaok pataom di Cục Hải quan Hàn Quốc brei thau di harei 10/1 mboh lac bruk ngak mì mbang samar di taneh ia ini dalam 11 bilan akaok thun 2021 mek hu tanut glaong di abih ka oh bhian mboh, dalam tuk janih pandap mbang ini daok jeng bhian randap angaok dunya dalam tuk jit praong COVID-19 tamuh khang. Hu thau, dalam tukvak meng bilan 1 tal bilan 11/2021, Hàn Quốc pablei tabiak negar langiu biak rilo mì mbang samar, yaom abih tih jaik 608 triệu USD, tagok 10,6% dut saong tukvak ini di thun 2020. Mì mbang samar kayua Hàn Quốc ngak tabiak hu jeng sa pandap hu rilo manuac takre di dunya, yau sa pandap mbang samar drah hadei di tuk jit praong COVID-19 tamuh khang. /.

Urang lang: Bhumi – Thu Thao – 10/01