Labik tame tabiak di urang ngak hu pasang iek catang

Mentri LĐTB saong XH birau pok tagok Rajaei dự thảo nghị định ka bruk ramik veik jien bilan padeih hưu, jien daong BHXH saong jien daong yaok bilan. Tui nan, meng harei 1/1/2022 brei ramik tagok 15% jien padeih hưu, jien daong BHXH saong jien daong yaok bilan ka dom urang daok mbang tui sarak ini. Meng bruk tagok nan, tui kuhria jien tagok jang di kadung jien karja dalam thun 2022 lac 6.319 tỉ đồng saong jien bayar meng kadung jien bảo hiểm xã hội tagok 20.591 tỉ đồng.

UBND tỉnh Bình Phước bahrau hu harak samar drah ka bruk peih labik  daok veik dok di  doanh nghiệp dalam dom labik ngak cong  piah pacang caga jit  Covid-19. Dom urang ngak hu parabha di sa tuk vak brei lagaih hoang labik dok, doanh nghiệp samar pambuak bruk song gah y tế peih bruk dut iek, tuk hu  âm tính meng brei dok di  doanh nghiệp. Dahlau di nan,  Bình Phước hu panuac ieu dom urang mai veik tỉnh brei hu harak dut iek  âm tính song  SARS-CoV-2 dalam  5 harei , atau peih bruk test samar haong yaom 238.000 đồng/sa mbang.

Harei 2/7, Sở Y tế Bình Thuận brei thau lac daok brei padeih taduan urang tame iek ruak, jru ruak di Sang iek ruak Đa khoa tỉnh tal tuk hu panuac khan birau. Dahlau di nan, Sở Y tế hu 2 mbang brei thau padeih taduan urang tame iek ruak, taong ruak di Sang iek ruak Đa khoa tỉnh piah duh ka bruk pacang caga jit Covid-19 kayua pambuak tal urang njom SARS-CoV-2 di Khoa Sản. Dom urang prein yawa siam hu brei nao sang, langiu di khoa ndih tapui brei dut iek ruak mboh am tinh saong SARS-CoV-2 dahlau 24 tuk, urang ruak saong gauk gar brei daok karei di sang ginup 14 harei.

Tổng Công ty Du lịch Sài Gòn hu dong pabak bruk ndik dok, mbang menyum rilo harei ka dom urang ngak bruk y tế lac:  1.050 y, bác sĩ, gru pato, sinh viên y khoa… halan hatain meng gah brak bahrau par tame dong ka ban raya.HCM pacang caga jit  Covid-19. Dom urang ngak y tế hu dok di 5 khách sạn nan lac Continental, Kim Đô, Oscar, Đệ Nhất song  Thiên Hồng meng harei  1/7, hu duh dom var mbang mesup, mbang melam ka tong abih urang dalam kapul. Saigontourist jeng hu caga  khách sạn New World Sài Gòn taduan kapul chuyên gia y tế, bác sĩ.

Harei 2/7, gah chức năng tỉnh Thừa Thiên - Huế brei tame duah dom urang ngak daok lahik di thủy điện Rào Trăng 3. Vaktu 5, labik duah urang lahik meng gah ala kraong Rào Trăng tagok tal sang may điện. UB bhap bini tỉnh iew dom gah hu mbaok tame duah, brei tacei ba tani tanat, drah samar meng rilo jalan siam abih, lagaih abih piah samar duah mboh dom atau urang daok lahik. Bruk duah nan breikhik kajap siam mekre salamat ka menuac duah, pandap panda saong jam raih mac moc.

Chứng nhận kỹ thuật số ka Covid-19 piah pasiam veik gah  du lịch bhum Liên minh châu Âu (EU) hu batabiak pandar meng akaok bilan 7/2021, brei adat ka po pandar nyu hu nao mai dalam  27 negar dalam EU song 4 negar pambuak bruk lac  Ai-xơ-len (Iceland), Na Uy, Thụy Sĩ hong  Lích-ten-xtên (Liechtenstein) bo oh brei dok karei atau ngak dom harak gar dut iek karei. Min, meyah  jit ruak di sa negar dalam EU daok jhak nao biak samar atau hu dom anek ruak bahrau  di  SARS-Cov-2, ye dom urang mai meng negar ni brei ngak tui hukum brei dok karei yau dahlau deih.

Urang dang akaok Triều Tiên Kim Jong-un brei padeih bruk dom urang ngak praong pakat glaong hadei di “ bruk trak damak” dalam kham merat pacang caga jit ruak praong Covid-19. Meng bilan 1/2020, Bình Nhưỡng brei kareih pabah mbang tapen negar piah pacang caga jit tuk hu dom urang ruak akaok meti di Trung Quốc. Mbiah tal harei ini, Triều Tiên oh brei thau lac hu menuac njom ruak Covid-19. Min, dom urang langyah mboh lac, bruk rah tabiak birau abih brei mboh  bruk njom mbak Covid-19 di taneh ia ini.

Philippines hu panduan ba labaih 14 ribau urang  hadei di tuk patagok tanut lac ceik pui Taal pruh tagok pakat  3. Viện ceik pui song Địa chấn Philippines brei thau harei 1/7, ceik pui Taal hu pruh geing magma jhuk glong  1.000 mét, saong meda  pruh rilo mbang dalam rilo adit. Karja pak ni dok kham merat peih bruk paatah di labik panduan ba piah pacang caga jit Covid-19. Taal lac sa dalam dom boh ceik pui dok pruh khang abih di Philippin, dom mbang pruh di ceik pui ni meng dahlau deih mbiah tal ni ngak brei jiak  6.000 urang metai ./.

Urang lang: Hanipha- Ái Nghiêm- 3/7