Bộ đội  Biên phòng tỉnh Bình Phước bahrau khởi tố vụ án ba menuac urang tame Việt Nam suan hukum

Dah page ni, Mintri Y tế brei thau oh hu urang halei njom nCoV. Taong abih dom urang njom meng akaok jit lac 1.046. yau nan , 24 maong tapa oh hu urang halei njom ruak bahrau, 9 urang thit ruak, sa urang metai. Taong abih dom urang thit ruak lac 755. Dom urang metai kayua Covid-19 lac 35, dalam nan 3 urang metai hadei meng 3 tal 4 mbang dut iek mboh âm tính. Dalam dom urang ruak daong taong ruak, hu 8 urang hu ruak dahlau dalam rup saong ruak trak, dalam nan hu 5 urang njauk suak yava meng mac jamriak, 2 urang daok nduac ECMO. Abih dom urang ruak trak jeng njom mbak tabiak rahra, hu asal meng sruh jit Đà Nẵng.

Kapul pacang jit Covid-19 di mintri Y tế daok di ban  Đà Nẵng brei thau ka urang ruak  Covid-19 metai, lac urang ruak Covid-19 ka 35 kuhria meng di tuk jit rah tabiak di  Việt Nam. Urang ruak 761 lac urang kamei, umo 83 thun, hu ruak suy thận tuk vak luac abih daok nduac  thận, tagok drah, tabiak darah dalam tung pruac. Mesup  3/9, urang ruak metai di  pasak  y tế Hòa Vang, njauk ruak  viêm phổi trak, suy hô hấp patagok kayua Covid-19.

UBND tỉnh Bà Rịa -Vũng Tàu bahrau hu harak payua tal mBan pato tacei pakat negar pacang caga jit Covid-19 ka sa rahra di tỉnh dương tính haong SARS-CoV-2 tuk tame negar Nhật Bản. 41 urang F1 di huyện Xuyên Mộc, ban  Vũng Tàu saong huyện Cẩm Mỹ (tỉnh Đồng Nai) hu brei daok karei, dalam nan hu 20 urang âm tính mbang camriep. Tỉnh jeng ieu kakei 112 urang F2 saong 250 urang F3 daok karei di sang. Kayua oh thau cambaih asal njom mbak yau nan ye Bà Rịa – Vũng Tàu daok caga peih bruk pacang caga jit, abih di nyu nan lac labik urang ruak atau urang taom gaok jaik haong urang ruak bhian nao tal.

Bộ đội  Biên phòng tỉnh Bình Phước bahrau khởi tố vụ án ba menuac urang tame Việt Nam suan hukum. Đào Duy Nhật (umo 29 thun) song Đào Tuấn Anh  ( umo 23 thun), dok di huyện Lộc Ninh njauk chap hu tuk dok ba  3 urang tame Việt Nam suan hukum. Urang pal akaok lac Trần Ngọc Duy (umo 28 thun) njauk chap mek tuk dok nduac dauh di Campuchia. Dom urang ni khan lac, ba urang tame  Việt Nam taduan hu 800.000 đồng/sa urang. Tui urang lin Biên phòng tỉnh Bình Phước, meng tuk rah tabiak jit Covid-19 mbiah tal ni  chap hu  53 mbang , 121 urang peih bruk ba menuac tame  Việt Nam suan hukum.

UBND tỉnh Cà Mau bahrau hu harak payua tal Mintri Quốc phòng hu panuac piah ka Thủ tướng rajaei brei buh jien tame, ngak pasiam mblang kapar haoh Cà Mau dalam vaktu 2021-2025. Tui nan, urak ni mblang kapar haoh Cà Mau lac mblang kapar pajeng tuai pakat 3C saong mblang kapar bol lin pakat 2, tok taduan dom sruh kapar sit. Bahrau blaoh, Thủ tướng rajaei jeng hatai brei buh jien tame ngak pasiam mblang kapar haoh Cà Mau mek hu tiêu chuẩn mblang kapar pajeng tuai pakat 4C saong mblang kapar bol lin pakat 2 dalam vaktu 2021 - 2025.

Liên minh châu Âu cong khin taduan hu  30 triệu mbang vắc-xin pacang  Covid-19 dalam puac thun ni. Ni lac lô vắc-xin camereip dalam thỏa thuận pambuak bruk bahrau di ni  song kapul jru tavoa rilo negar A-xtra Dê-nê-ca. Tui Ủy ban châu Âu, meyah yaok mbang hu pandar ka sa urang, ye 6-7% bhap bini  Liên minh châu Âu hu klauk jru vắc-xin pacang  Covid-19 dalam puac thun ni.

Dom urang metai kayua Covid-19 di labik Trung Đông njauk tagok tal labaih 50 ribau urang. Dom jabat y tế brei thau dom urang matai ni ka oh ndom njauk ka bruk sa negar daok njauk mesuh metak saong bruk dut iek daok biak takik yau ye Libya saong Yemen. Iran jeng lac negar njauk kan kandah trak abih di Trung Đông, hu labaih 21.900 urang metai, dalam nan labaih 380.000 urang njom Covid-19. Israel jeng dang akaok ka dom urang njom bahrau lac 3.000 urang dalam yaok harei.

Dom mbang hajan khang  kayua ribuk  Maysak rah tabiak ngak ka  4 sang mac  điện nguyên tử di  Hàn Quốc brei padeih. Công ty ni hadei di nan hu peih jamriak  phát điện jip di sang mac  Kori 1, njauk padeih peih meng thun 2017 piah khik ramik pabak  điện dalam tuk vak padeih ngak. Ủy ban An toàn Năng lượng Nguyên tử Hàn Quốc brei thau dom sang mac nguyên tử dok dalam tuk “padeih siam mekre” song tanut  phóng xạ gah dalam  dok di tanut tiêu chuẩn./.

Urang lang: Hani Pha – Thu Thảo – 04/09 10:02:59