Kadung jien bac Vừ A Dính peih bruk jao pok jien thun bac 2020-2021 ka anek saih, sinh viên bangsa takik

UBND tỉnh Ninh Thuận bahrau hu harak payua dom sở, dom mban, dom gah, dom puk palei, dom jabat Trung ương daok dalam tỉnh ka bruk peih ngak pathau khan tuk urang jakar, công chức nao ngak bruk langui tỉnh. Tui nan, hu panuac kakei brei takik ba urang jakar, công chức, viên chức nao ngak bruk langui tỉnh dalam vaktu urak ni, mbiah tal tuk pasang iek abih dom urang njom Covid-19 dalam bhap bini. Meyah bruk njauk nao, dom jabat njauk pathau khan ka UBND tỉnh song Sở Y tế, pasak pasang iek ruak kik, tuk mai veik brei pathau khan vaktu ngak bruk, taom gaok urang halei, urak ni, pren yava yau habar) piah hu pasang iek pren yava tui adat urak ini.

Pasak Pasang iek ruak kik tỉnh Bình Thuan brei thau, hu ba urang ilamu negar langiu mboh yau njom SARS-CoV-2 nao daok karei saong mek mẫu dut iek ruak mbang ka 2. Nan lac urang likei negar Indonesia, tame negar drei harei 6/5 di mblang kapal haoh Tân Sơn Nhất saong nao Bình Thuận, brei daok karei chip. Dut iek ruak di harei 7/5 brei mboh urang njom SARS-CoV-2, gah y te brei ba tame taong ruak di Sang iek ruak Đa khoa tỉnh Bình Thuận. Langiu di nan, urang y tế saong urang peih radaih taduan raok di mblang kapal haok jeng hu brei daok karei, mek mẫu dut iek ruak Covid-19.

Bộ chỉ huy quân sự tỉnh Tiền Giang brei thau hu labaih 200 rahra drei meng Malaysia mai brei dok karei di tỉnh umo meng 18 thun tagok hu plaik phiếu palih ruah urang ka Quốc hội song urang ka Hội đồng bhap bini dom pakat pak di labik brei dok karei. Dom urang ni hu pathau khan, tacei pato cambaih laih piah peih ngak quyền song bruk di rahra palih tabiak dom menuac tame jabat dân cử. Kapul palih ruah hu padang ngak karei di mBan palih ruah xã Long Định, huyện Châu Thành.

Sở Pathau khan saong Truyen thong Ban raya HCM pambuak saong Sở Nội vụ Ban raya birau peih bruk ba tame pandar phầm mềm daong ka bruk palih ruah urang ka QH mbang XV saong urang ka HĐ bhap bini dom pakat vaktu 2021 – 2026. Phần mềm nan hu dom bruk yau ye: vak angan cử tri saong in thẻ cứ tri, brei thau ka bruk trun tagok di cử tri, bruk cử tri nao palih ruah, pataom veik bruk palih ruah…Ngan saong dom bruk nan, phần mềm daong ka dom đơn vị ba tame bruk palih ruah, duah thau, tui iek, tacei pato, ba ngak bruk hu mbuan, samar saong lagaih jang.

Di TPHCM, Kadung jien bac Vừ A Dính song kalup kapul “Kayua Hoàng Sa – Trường Sa anit ranam” hu peih bruk jao pok jien thun bac 2020-2021 ka anek saih, sinh viên bangsa takik, anek di urang lin Biên phòng dok bac da-a dalam ban raya. Tong abih pok jien bac hu jao lac 225 pok, yaom meng 1 triệu tal 1triệu 500 ribau đồng. Hu padang ngak meng thun 1999, hadei di 22 thun, Kadung jien bac Vừ A Dính đhu alin hadiah labaih 90.000 pok jien bac ka anek saih bangsa takik. Kalup kapul “Kayua Hoàng Sa – Trường Sa anit ranam ” yaom lac bahrau padang hu 7 thun min hu alin 20.000 pok jien bac ka anek di urang tong chap ikan song anek di urang jakar, urang lin tasik , urang lin Biên phòng.

WHO hu panuac brei thau dahlau lac châu Phi meda broh tagok jit ruak Covid-19 birau kayua kurang caccine, suai peih bruk klauk jru saong biến chủng birau tamuh tabiak. Dom vaccine tal châu Phi tok hu 1% dalam dom vaccine di dunya, tui WHO, trun dut saong 2% dahlau di ini dom adit. Mbang pajeng ba vaccine akaok meti brei ka 41 taneh ia châu Phi tui danak dak Covax meng bilan 3 min 9 taneh ia mbiah tal ini birau brei klauk jru hu ¼ jru taduan hu, dalam tuk nan 15 taneh ia peih ngak oh ka tal meteh dom mbang jru hu parabha brei. Bruk klauk jru di châu Phi biar abih di dunya.

Vaccine Sputnik-Light hu tut angan di Nga. Ni lac vắc-xin klauk sa mbang ka 2 di dunya hu ba pandar. Vaccine sa mbang Sputnik-Light pacang Covid-19 mboh hu siam tal 79,4% tui langyah dữ liệu 28 harei hadei di tuk klauk ka dom urang Nga hu klauk sa mbang dalam danak dak klauk jru prong song oh klauk jru mbang ka 2 kayua njauk makna hagait dalam vak tu meng harei 5/12/2020 tal harei 15/4/2021. Tui roh duah di pasak Gamaleya, vaccine Sputnik-Light meda pacang veik tong abih anek ruak di virus SARS-CoV-2.

Twitter brei kareik dom tài khoản hu padang piah klak rabha dom bruk brei thau meng blah web di Tổng thống Mỹ dahlau diah Donald Trump, kayua plaih njiak bruk kareik tài khoản. Ong Trump njauk pakauk pandar Twitter, yaom lac dahlau di nan ong hu labaih 88 trieu urang tame iek. Rilo mạng xa hoi karei jeng pakauk Tổng thống Mỹ dahlau diah hadei di bruk urang pachreih tui ong ba gauk tame sang Quoc hoi Mỹ harei 6/1/2021.

Urang lang: Ái Nghiêm – Hani Pha – 08/05