Urang halei medhi njom ruak brei dok labik karei chip 

MBan Bí thư bahrau tabiak sarak 48 ka bruk mbang Tết thun 2021.Tui nan,ieu ngak catang tui Quy định 08 di m CHTW Đảng mbang 12 ka bruk ba kaok nao dahlau di urang jakar, urang đảng; oh peih bruk nao ravang, tadhau ayuh Tết pakat angaok saong urang ngak praong pan akaok dom pakat, oh alin hadiah pandap Tết brei ka dom urang pan akaok dom pakat. Sarak ndom tal bruk kuhria ka raidiuk bhap bini dalam tuk Tết.Dalam nan biak sangka tal dom baoh sang sarak karja, urang buh prein ka CM,urang gaok kan kandah, sang kan kathaot, bhap bini bhum njauk bala meng langik tasik,jit ruak,bhum atah bayah, bhum urang bangsa takik.

Công ty Nanogen tui kuhria meda tamat tukvak ngak iek vaccine Covid-19 Nanocovax di bilan 2/2022,hadei di nan ba vaccine tame klauk ka rilo manuac.Klau urang camriep hu klauk iek vaccine dah page 17/12 urak ni ka oh mboh hagaih jhak tal prein yava.Dom urang roh duah meda peih bruk ngak iek tukvak ka 2 aval abih, tuk hu thau meng mateh dom mbang ngak iek di tukvak ka 1.Langiu di nan, tukvak ka klau tui kuhria hu ngak iek di bhum jit di Ấn Độ, Indonesia atau Bangladesh.

UBNDTPHCM bahrau brei padang dom labik brei daok karei di hotel piah pacang caga jit Covid-19 daok dalam tui iek di UBND quận huyện kayua urang brei daok karei bayar jien saong dom urang dalam kapul peih kapal haoh. Dom labik brei daok karei hu caik di dom hotel: Đông Đô, Hoa Đệ Nhất, Hương Hương, Park Royal (quận Tân Bình);New Milano (quận 7) saong Eastin Grand Saigon (quận Phú Nhuận).

Dah page ni, sang iek ruak Quân y 175 – Mintri Quốc phòng peih bruk tabiak mblang kataok trực thăng cấp cứu” camriep di abih saong camereip di abih dalam bol  lin,caik di tal angaok abih di baoh sang Viện Chấn thương chỉnh hình TPHCM. Bruk ba tame pandar mblang kapar taong ruak brei mboh dom kham marat di sang iek ruak quân y 175,paglaong prein ngak bruk, langyah dom bala y tế saong paginup jalan taong ruak meng jalan kapar ahaoh, jalan radaih saong jalan kapal hu Mintri Quốc phòng ba tabiak ka gah quân y.

Cục thuế Ninh Thuận brei thau, tal harei 15/12 mek hu 2.659 tỷ đồng, samu 98,5% kuhria mboh dahlau dalam thun 2020 di tỉnh saong abaih 100% bruk di Mintri jien padai jao brei. Thun ini, pandiak bhang haong jit ruak Covid-19 ngak kan kandah tal bruk mek jien tame kadung jien karja di Ninh Thuận, abih di nyu lac jien mek tame meng bruk du lịch. Gah thuế tỉnh daok kham merat pasang iek, parabha janih tavak je, ngak harak khoanh nợ, klak sraiy jien phat suai kak je ka dom labik oh daok hu prein piah kak je tui adat hukum. Tui nan, jien sraiy kak je dalam thun ini urak ini daok jaik 250 tỷ đồng.

Mintri Y tế saong Dịch vụ Nhân sinh Mỹ brei thau: hu 5 triệu 9 rituh ribau mbang vaccine Covid-19 Moderna ginup piah klauk ka jaik 3 triệu urang hu parabha ka dom bang di dalam negar. Vaccine Moderna brei khik dalam laar takik catang jang dut saong vaccine Pfizer-BioNTech, jeng pilih ruah siam lagaih jang ka dom bhum atah bayah saong puk palei.Dua janih vaccine jeng hu siam lagaih pacxang caga Covid-19 labaih 95%.Mỹ urak ni dang akaok dunya ka dom urang njom Covid-19 ngan haong jaik 17 triệu urang njom saong jaik 308 ribau urang metai.

Dalam 10 bilan di thun 2020, kayua jit ruak Covid-19, tuai dunya nao ravang me-in dom taneh ia di dunya trun jaik 900 triệu mbang urang (samu 72%) duk haong 10 bilan di thun blaoh.Gah du lịch khat lahik jaik 935 tỷ đôla Mỹ, rilo jang labaih 10 mbang duk saong bruk srau kadau kinh tế dunya di thun 2009. Gah Du lịch dunya hu panuac ieu dom taneh ia kham merat jang 2 mbang piah pacadu bruk nao mai, peih pabah mbang dom pabah mbang negar siam mekre, salamat.

Liên hợp quốc bahrau brei thau paok jien daong samar drak yaom 35 triệu đô la Mỹ ka bhap bini njauk gar dalam bala di mbang mesuh metak di bhum Tigray di Ethiopia.Dalam nan hu 25 triệu đô la Mỹ piah blei jru tavao, pandap panda y tế saong pandap pandar yaok harei ka bhap bini.Paok jien daok veik piah daong ka labaih 50 ribau urang nduac nao tapa negar jaik taphia nan lac Sudan.Rilo jabat daong pahla daok huac ka bruk urak ni meda palai pajoa Tigray dalam  bruk kanjak jhak meyah kurang buk daong pahla./.

Urang lang: Thu Thảo -Mousaphuong -19/12 -  06:30:00