Caga padang dom jalan ngak pabak haong jhul khang bruk klauk vaccine

Page ini 24/11, di Nyaom biai Ilamu pakat negar 2021, ong Nguyễn Trọng Nghĩa, Bí thư Trung ương Đảng, Akok Mban Tuyên giáo Trung ương, Akok Mban tacei pato Nyaom biai hu bac harak pathau khan ngan saong kadha: “Patui veik, patagok ilamu bangsa; Dak padang, cak rok patagok ilamu tapa 35 thun peih bruk salih birau taneh ia; Dom jalan tacei ba, langyah ralo piah patagok ilamu, anek manuac Viet Nam tui jalan tacei di Sarak Nyaom roya XIII di Đảng”. Tui nan, harak pathau khan hu ba tabiak dom jalan ngak praong piah dak padang saong patagokyaom glaong ilamu, prein khang di anek manuac Viet Nam dalam tukvak anak tal. Tui nan, patui veik bruk peih ngak jalan salih birau di Đảng dalam tukvak birau lac tacei pato tan tu ginup bruk sahaneng, peih ngak sumu gauk, praong dalam, abih 5 jalan tacei ba tui Sarak Nyaom roya pakat negar mbang XIII di Đảng dalam bruk dak padang saong patagok ialmu, anek manuac Viet Nam pabak sumu bruk cak rok patagok samar saong khang kajap di taneh ia.

Anak bruk dom urang njaom bahrau COVID-19 di ban Thủ Đức haong dom quận, huyện daok tagaok rilo, UBND TP.HCM bahrau hu harak ieu dom labik nan samar duah thau, dut iek piah samar pasang iek hu siam jit ruak, diukrai lagaih haong bruk di jit ruak, ngak ka dom bhum pakat 2, 3, 4 hu mai veik pakat 1. Caga padang dom jalan ngak pabak haong dom bruk jit ruak dalam labik; pasang iek, pachreih ba, jhul khang bruk klauk vaccine, abih di nyu lac klauk mbang klauk ka 2, kham merat peih bruk klauk lưu động, abih di nyu lac piah nao jaik, klauk hu ka dom urang mbuan njaom ruak. Peih pacadu bruk peih ngak veik labik ngak pandap, pablei salih, peih pabah mbang veik nền kinh tế tui jalan ngak lagaih. Gam haong nan, ieu Sở Y tế brei ngak pasiam dom labik taong ruak, dalam nan hu gam dom pasak hồi sức tích cực, sang iek ruak dã chiến.

Dom harei jaik ini kayua urang njom Covid-19 tagok glong, langiu di bruk klauk vaccine, dom tỉnh, ban dalam bhum taneran kraong Cuu Long urak ini daok peih bruk taong ruak ka urang F0 oh mboh ruak saong brei daok krei F1 di sang. Di Đồng Tháp, dalam harei 23/11 hu 597 urang njom Covid-19, urak ini tỉnh ini daok taong ruak ka 5.508 urang, dalam nan hu 405 mbang urang taong ruak di sang, di labik daok. Ong Đoàn Tấn Bửu, Phaok akok UB bhap bini tỉnh caong khin dom palei khang hatai brei ngak tui, langyah dom urang ruak mboh karei dalam bruk taduan tame, taong ruak ka F0 di sang, ba mbuan lagaih ka urang ruak daok dang, iek ruak. Di tỉnh Vĩnh Long, harei kabroi 23/11 hu veik labaih 500 mbang urang birau njom ruak, ini lac urang F0 dalam harei rilo abih kuhria meng dahlau tal ini. Kayua F0 tagok glong Vĩnh Long brei ka F1 daok karei di sang.

Tỉnh Cà Mau dok gaok trak damak di bruk biến đổi khí hậu. Mboh cambaih laih di abih lac bruk glut jaleih tapen tasik dak harei dak trak . Dalam 10 thun tapa, Cà Mau lahik jiak 5.000 ha glai pacang tapen tasik. Makna prong lac kayua trak damak di biến đổi khí hậu, glut jaleih tapen tasik rah tabiak khang meng gah pai tapa gah timun. Urak ni taneh ngak glai di Cà Mau tok dok labaih 94.000 ha, samu labaih 89% duh song tanut patagok glai tal thun 2020.

Tui Pasak Kuhria mboh dahlau bruk Langik tasik pakat negar, meng ini tal puac adit, dom ban di Nam Bộ hu tanut tia cực tím UV biak glaong abih dalam negar, labaih 7.5, lac jaik tal tanut jhak biak glong. Bruk taom gaok suai saong tia UV meda ngak jhak saong ba tal mbuan ruak ung thư kalik, ung thư rilo janih yau u hắc tố, ung thư liên bào đáy, u tế bào vảy, u tuyến bã...ba tal kateik prein pacang ruak. Piah pacang caga dom kajhah jhak nan di tia UV saong pacang mebuh pandia, tuk ngak bruk langiu langik miva brei ngui cuh khan ao pacang pandiak, me-om tamo mot, ndon, camin meta…brei menyum ginup ia ka rup pabhap.

Mỹ daok pajeng ba 4 triệu liều vaccine COVID-19 tal Việt Nam, patagok abih tih dom vaccine Mỹ dong ka Việt Nam lac labaih 17 triệu mbang. Tổng thống Mỹ Joe Biden iek bruk pacang COVID-19 lac bruk prong di karja ong, saong dom kham merat dalam taneh ia brei nao gam song bruk pabak vaccine tabiak negar langiu. Langiu di bruk jao brei vaccine tapa dom jalan ngak, Mỹ hu sinya dom pok jien dong hu yaom 26,7 triệu USD piah dong ka Việt Nam pacang cakak jit prong song dong ka Việt Nam labaih 1 tỷ USD patagok hạ tầng y tế di dom tỉnh ban. Tui mintri Y tế, Việt Nam hu labaih 1,1 triệu urang njom COVID-19, labaih 900.000 urang hu pasiam veik song labaih 24.000 urang metai .

Tapa roh duah hu peih ngak dalam rilo thun di Niu Di-lân (New Zealand) hu mboh, pataih pacang mbaok pandar sa mbang hu pandar rilo dalam jit praong Covid-19 meda pabah hacih saong pandar veik tal 10 mbamg bo daok pacang hu siam virut siam jang dut saong pataik pacang mbaok meng khan bai janih 3 tal. Urang roh duah vi sinh vật học, tiến sĩ Richard Everts brei thau, pataih y te meda hu ngak hacih saong pandar veik rilo mbang meng papah hacih meng ia pandao, pambu thu piah pametai virus. Bruk ngak nan jeng rik daong tame bruk khik hacih alam moi truong, kayua janih pataik pacang mbaok nan bhian hu ngak meng pandap tổng hợp, nan ye suai ralai.

Trung Quốc bahrau tabiak jalan ngak cambaih laih dalam bruk klaak dom janih jamriak, pandap jamriak ngak nerak alam môi trường, salih tame nan, lac pandar dom janih pandap jamriak patak pataom năng lượng, kein lagaih glong piah peih bruk patagok hajao song cakak trun cac-bon. Tui jalan ngak, brei tacei pato dom doanh nghiệp duah thau, pasiam dom dom pandap abih rilo năng lượng, brei pandar dahlau dom jamriak abih takik năng lượng, jhul samar bruk klaak tabiak jamriak klauk, khut, takik siam, oh pabak hu dom tanut chuẩn năng lượng pakat negar. Gam haong nan, jeng hu panuac ieu pandar jamriak nam châm luac rai đất hiếm.

 Urang lang: Hani Pha – Bhumi – 24/11 19:00:00