Di dom sang bac langiu karja (lac tư thục, quốc tế), jien bac kayua sang bac ginum biai njauk gauk haong amaik ame

Akaok negar Nguyễn Xuân Phúc hu mbaoh tangin brei peih palao atau patrun meneing tukvak daok guk ka 3.026 urang guk saong 3 urang daok hu brei padeih cap caik guk saong 6 urang daok hu brei padeih daok guk. Sarak nan hu ba tabiak ngak tui meng harei 1/9. Meng tuk Hukum Đặc xá pasiam veik thun 2018 saong hu ba tame pandar, ini lac mbang camereip abih akaok negar brei peih palao atau brei trun meneng tukvak daok guk, dom menuac guk luac rai hu trun daok guk hu tukvak.

14 hiệp hội, ngành nghề yau: padai brah pandap mbang TP.HCM, Pandap mbang cambaih laih, Ngak saong pablei tabiak negar lingiu kaya ikan Việt Nam; Doanh nghiệp điện tử Việt Nam; Nhựa Việt Nam, Menyim jhik Việt Nam… bahrau pok panuac tagok Tổng Liên đoàn Lao động Việt Nam ka bruk oh mek jien phí công đoàn 5 bilan puac thun 2021 ka dom doanh nghiệp dalam bhum peih ngak Sarak 16. Dom hiệp hội hu panuac likau brei padeih mek jien phí công đoàn tal harei 30/6/2022 ka doanh nghiệp hu meng 15% urang ngak njauk padeih bruk, oh lac 50%. Tui dom hiệp hội, urak ini gah pablei tabiak negar langiu bahrau hu 15-20% doanh nghiệp ngak hu bruk 3 di labik, daok veik rilo meng padeih ngak.

UBND TP.HCM njauk hatai haong bruk oh mek jien bac học kỳ I thun bac 2021-2022 ka taong abih anek saih tui panuac ba tabiak di Sở Pato Megru piah klah rabha kan kandah haong bhap bini. Bruk oh mek jien bac ini hu pandar ka taong abih dom sang bac di karja. Di dom sang bac langiu karja (lac tư thục, quốc tế), jien bac kayua sang bac ginum biai njauk gauk haong amaik ame. Gah pato megru hu biai haong dom sang bac, ieu oh tagok jien bac min rilo sang bac jeng daok brei tagok 5-10%, haong makna lac jien tamuh tabiak tuk khik bruk pato bac dalam tuk jit ruak.

Sở Pato megru tỉnh Hậu Giang hu harak ieu dom gah di Sở peih bruk brei ka anek saih langiu tỉnh kayua jit ruak daok gar veik di Hậu Giang hu bac da-a di dom sang bac dalam tỉnh. Dom gah di Sở pambuak bruk haong puk palei, sang bac klak di anek saih caong khin hu bac di tỉnh Hậu Giang dalam tuk hu jit COVID-19 hu chuyển nao saong mai tapa internet; sangka daong anek saih hu taduan mek pandap bac da-a, tapuk, siphau bac da-a…

UBND tỉnh Long An ieu dom puk palei patui bruk pa-atah di gauk tui sarak 16 di Thủ tướng rajaei meng mon 12 melam 31/8 tal abih harei 13/9/2021, di dom huyện Đức Hòa, Bến Lức, Cần Giuộc, Châu Thành, Thủ Thừa, Cần Đước, Tân Trụ haong ban sit Tân An. Daok ban sit Kiến Tường haong dom huyện: Tân Hưng, Vĩnh Hưng, Mộc Hóa, Tân Thạnh, Thạnh Hóa, Đức Huệ, pandar sarak 16 meng harei 31/8 tal harei 6/9. Sở Chỉ huy pacang caga jit Covid-19 tỉnh Long An daok brei khik dom bilai pasang iek jit, oh caik ka menuac tabiak truh labik daok, tui njauk bruk lac “thei daok halei, daok nan”.

Tổng thống Mỹ Joe Biden bahrau tabiak panuac brei thau ngak salah bruk ba lin tabiak truh mblang mesruh Afghanistan. Tui nan 17 harei tapa, dom lin Mỹ peih bruk pajeng ba meng kapal haoh praong abih kuhria meng kan mai, ba labaih 120.000 urang Mỹ, urang dom taneh ia karei haong urang Afghanistan ngak bruk ka Mỹ. Hadei meng ngak salah bruk ba lin tabiak, gah Taliban tabiak panuac lac Afghanistan hu độc lập abih gah.

Rajaei dom taneh ia Liên minh châu Âu (EU) njauk gauk ba Mỹ haong 5 taneh ia karei lac Kosovo, Israel, Montenegro, Lebanon and North Macedonia tabiak truh angan dom taneh ia salamat piah nao tal di EU. Bruk nan hu ba tabiak dalam tuk dom menuac njom Covid-19 di dom taneh ia nan daok tagok khang dalam tukvak jaik di ini.

Kurang pandap mbang saong eik lipa daok dak harei dak khang di Hai-i-ti hadei di mbang megei baoh taneh khang 7,2 độ harei 14/8 meng bloh. Yaok pataom di danak dak padai brah pandap mbang dunya brei mboh, dom menuac caong hu daong pandap mbang di taneh ia bhum Ca-ri-bê ini tagok, meng 138 rabau tagok 215 rabau menuac. Sang tayah tayac, menuk ada, athur raong saong phun pala lahik abih ngak ka raidiuk di rilo menuac Hai-i-ti laik tame kan kandah jang. Ini lac taneh ia kan kathaot abih di châu Mỹ, hu ba tame angan dom taneh ia hu pandap mbang huak oh tani tanat abih di dunya./.

Urang lang: M. Phuong – Ai Nghiem – 31/08 10:34:30