Njauk caik hatai oh uh la-ar dahlau di tuk pasram main the thao

  Uh la-ar: Mikva njauk uh la-ar tuk birau pandik. Yau pandik rak, pandik dalam ralo, pandik tuk pasram the thao, pandik ka-ing hadei di cakong trak atau kayua daok oh lagaoih ngak cadu rak…Bruk uh la-ar njuak brei ngak dalam 48 tuk meng tuk labuh pandik atau pandik kayua viêm cấp.

Uh pandiak ka dom ruak pandik suai lavik atau pandik hadei di 48 tuk, yau ye pandik kieng tangin kayua viêm rak, pandik kieng tangin hội chứng tennis elbow, pandiak tok takai kayua viem gân, pandik plak takai, pandik rak anek takai…Meyah ruak pandik suai lavik yau giãn cơ pha, ka-ing, hội chứng tennis elbow…njauk uh pandiak dahlau di tuk pasram rup pabhap daong ka dom mô cadu saong labik barah takik pandik. Njauk caik hatai lac uh pandiak hadei di tuk pasram rup pabhap meda ngak brei pandik trak jang. 

Brei caik hatai tuk uh pandiak piah takik pandik:

-Tuk rup pabhap drei ngak bruk trak jang prein, siam di abih brei uh pandiak. Pandiak ngak brei darah nduac sumu gauk, takik co thắt saong takik pandik rak.

 -Rup pabhap ngak bruk trak ye nyu pandik kayua acid lactic. Acid lactic kandong veik tuk rup pabhap glaih dlar saong kurang oxy. Uh pandiak meda daong ka darah nduac veik sumu saong tah klaak dom acid lactic tabiak truh rup pabhap.

-Pandiak siam abih piah jru ruak suai lavik. Pandik suai lavik atau pandik gilac veik. Uh pandik ngak brei pabak darah, tah klaak dom jru mek, trun pandik saong khang, catang.

-Tuk uh pandiak, njauk khik caga ka rup oh taom gaok tapak dom pandap sưởi ấm. Oh uh pandiak khangg meda ngak brei kandung. Papaok pandap ngak pandiak dalam sa blah khan piah plaih pandung. Plaih gaok pandap pandiak abih rup. Jhui uh pandiak tuk ndih. Jhui uh pandiak labaih 20 minit.

Caik hatai tuk uh la-ar piah trun pandik:

Ia patau ia khan hu pandar piah ngak pasiam laka barah. Tuk rup pabap pandik, dom mô pandik barah. Ba tal pandik, barah atau bhong. Ia patau la-ar ngak tê laka. Ia patau ngak catang rak darah saong ngak patrun darah nduac. Bruk nan meda ngak brei takik kandaong labar viêm di labik pandik.

Uh la-ar nyu daong ngak brei takik barah  saong pandik. Nyu ngak brei takik pandik ka-ing min oh dhit ruak. Uh la-ar piah ngak brei takik barah saong pandik hadei di tuk pasram rup pabhap. Njauk uh la-ar hadei di tuk pasram rup pabhap. Njauk caik hatai oh uh la-ar dahlau di tuk pasram main the thao. Uh la-ar tok brei uh labik pandik, oh uh abih rup saong jhui uh dalam labaih 20 minit di sa labik uh.

Uh biak la-ar ralo meda ngak barah mô. Brei caik hatai pandik ka-ing kayua giãn cơ ka-ing brei uh dalam 48 -72 tuk camereip, hadei di nan brei uh salih la-ar atau pandiak. Oh uh pandiak hadei di tuk pasram rup pabhap kayua mbuan ngak brei pandik rilo jang./.

Urang lang: Aí Nghiêm – 30/1