Amuk Nguyễn Thị Thủy

Pachreih tui bruk “Taong abih rahra tame bruk pacang caga Covid-19”, muk Nguyễn Thị Thủy hu payua daong tal UBMT negar huyện Yên Sơn 10 triệu đồng. Amuk khan lac, hadei di tuk mehit lac Thủ tướng Rajaei haong UB Trung ương MT negar Việt Nam tabiak panuac ieu abih gauk dalam taneh ia ba tangin tame pacang caga jit Covid-19, amuk sahneng nan lac bruk njauk ngak di yaok rahra Việt Nam tuk taneh ia caong khin. Sang amuk lac sang sarak karja. Luac dalam dom thun tapa, sang amuk tuk halei jeng taduan hu bruk sangka, daong brei di Đảng, Karja. Urak ini taneh ia gaok kan kandah kayua jit ruak ye bruk rik daong piah gam haong Karja yam tapa tukvak ini, lac bruk ngak hu makna jang tuk halei karei. 

Amuk Thủy lac sa dalam dom urang taha hadah krah di tỉnh Tuyên Quang. Thun 2018, amuk hu hadah mbaok lac 1 dalam 4 urang di tỉnh hu mbaok dalam Nyaom biai pok meyaom “Urang praong thun ngak kinh tế naih joi pakat negar”. Urak ini sang amuk daok pala saong iek glang jaik 50 ha glai daok mek kayau. Amuk haong dom anek, taco hu peih sa xưởng ngak kayau, yaok thun laba hu 3 tỷ meteh, hu ba bruk ngak gam gam ka 25 urang ngak saong ngak bruk tui bilan ka 45 urang ngak dalam palei, ngan saong jien bilan meng 5 - 6 triệu đồng sa urang yaok bilan.

Meng hatai sahneng “Brei nao lac taduan mai”, amuk Thủy abih drei pachreih tui bruk padang ngak dom hạ tầng saong bruk xã hội hóa di palei. Meng thun 2012 mbiah tal ini, amuk hu alin brei 200 m2 taneh piah ngak jalan nao mai di palei Bản Pình haong Vàng On. Amuk hu daong abih tih 260 triệu đồng piah ngak jaman ka sang bac mầm non xã Trung Minh, brei kadung jien pachreih bac, padang ngak sang ilamu, peih bruk me-in Tết Trung thu ka uraniah…Bilan 12/2019, amuk Nguyễn Thị Thủy hu alin 2 ha taneh brei ka xã ngak nghĩa trang tui tanut chuẩn palei pala bahrau. Muk daok hu buh jien kadung tabiak blei 19 drei kubao, limo binai brei ka 6 sang kathaot raong tui jalan dong sang kathaot hu prein dui pandap saong hu ngak po kubao, limo anek meng kubao limo menek.

Hatung hatian di amuk Thủy biak njauk iek praong. Amuk lac camin hadah dalam bruk “Umo thun glaong, kreih camin hadah”, biak njauk haong 18 akhar meh “umo glaong hatai dak glaong, ngak camin hadah ka bruk dak padang saong khik caga taneh ia” bo Wa Hồ pok brei ka urang praong thun./. 

Urang lang: Musa-25/5