Vaccine Made in Viet Nam daok caga pabak ginup ka 100 trieu bhap bini Viet Nam

Urak ini, jru vaccine Sputnik V akok meti 1 trieu mbang hu ngak di Viet Nam daok hu caga ba tame klauk pacang Covid-19 ka bhap bini. Ini lac jru vaccine kayua Kong ty TNHH MTV Vaccine saong Sinh phẩm ka 1 (VABIOTECH)-doanh nghiệp di Mentri Y tế ngak tabiak hu jak jeng. Jru vaccine nan hu Liên bang Nga langyah saong taong yaom njauk tui tanut ba tabiak. Prein ngak di VABIOTECH hu 5 trieu mbang jru vaccine Sputnik V yaok bilan. Meng ini, vaccine Made in Viet Nam daok caga pabak ginup ka 100 trieu bhap bini Viet Nam.

Ban raya Hồ Chí Minh urak ni hu labaih 80 ribau urang njom COVID-19 dok hu iek ruak; dalam nan hu labaih 60 ribau urang dok hu tong ruak, brei dok karei di sang ,Ong Phạm Đức Hải, Phaok akaok mban tacei jalan pacang caga jit COVID-19 ban raya Hồ Chí Minh ndom lac, piah dong ka dom F0 hu brei dok karei, iek ruak di sang hu taom gaok bilai y tế pak nan atau bilai y tế lưu động, Ban raya brei pasiam veik dom makna yau jalan talei pandiak tuk klaoh, khut , điện thoại oh hu urang pang phone … Gah y tế jeng hu panuac ieu F0 ngak njauk tui 5K di mintri y tế, peih ngak siam bruk brei dok karei, dom jalan pacang caga njom mbak piah khik caga ka menuac sia daok jaik taphia.

Dalam tukvak tapa, ban Bạc Liêu, tỉnh Bạc Liêu hu pataom tame tabung glong pacang caga Covid-19, dalam nan jhul pasamar bruk klauk jru vaccine pacang Covid-19 ka bhap bini. Tui muk Đỗ Ái Lam – Phaok akok UB bhap bin ban Bạc Liêu, ban labaih 1.400 urang oh ka hu klauk jru vaccine, ini lac dom urang umo taha nao mai kan kandah, urang jaih jo trak, urang ruak meruai song menuac dalam labik pacang veik. Nan ye, ban brei padang dom kapol nyaom klauk jru lưu động tame tal sang klauk jru ka mikva. Urak ini, ban Bạc Liêu klauk ginup dua mbang jru ka bhap bini umo meng 18 thun tagok hu labaih 72%.

Labaih 40 tuai du lịch từ Mỹ, Canada bahrau tal tỉnh Khánh Hòa padeih padei tui “danak dak passport vắc xin”. Hadei di tuk par trun, tuai hu ba nao tui jalan karei piah ngak harak gar tame VN song peih bruk pasang iek pren yava pak di mblang kapan haoh, pandar ứng dụng PC-COVID. Dalam tỉnh Khánh Hòa hu 36 labik pabak dom tanut hu adat taduan tuai du lịch dunya. Dalam nan, rilo meng lac dom labik dok ta-eng, labik du lịch, hãng lữ hành pajeng ba. Urak ni hu 5 jabat lữ hành hu brei adat peih 48 kapul tuai tal Khánh Hòa. Tui kuhria meng ni tal abih thun 2021, tỉnh hu taduan labaih 9.400 tuai du lịch dunya.

Hadei di rilo bilan brei padeih ngak bruk kayua jit Covid-19, mbiah tal ini, jaik abih dom D.N di tỉnh Đồng Nai hu mai ngak bruk veik. Yau nan min, dom D.N daok dalam tuk kurang manuac ngak bruk. Tui pathau khan di Sở Lao động - Thương binh saong Xã hội Đồng Nai, urak ini hu labaih 300 D.N khin palih ruah labaih 48.000 urang tame ngak bruk, ralo meng lac urang ngak meng tangin takai, pataom tame dom bruk yau ye kalik taghaok, menyim jhik, pandap pandar ngak meng kayau, điện tử. Kurang urang ngak, nan ye rilo D.N brei peih bruk ka urang ngak langiu tukvak, gam brei hu jalan taduan raok urang ngak meng dom tỉnh karei tame ngak bruk. D.N caong khin karja dom palei brei daong, ba mnbuan lagaih ka urang ngak hu mai veik Đồng Nai ngak bruk.

Harei ni gah Y tế dunya (WHO) hu peih sa mbang ginum biai đặc biệt piah ginum biai ka biến chủng SARS-CoV-2 bahrau, dok mbuan si njom mbak khang. Biến chủng bahrau hu ieu lac B.1.1.529, hu duah mboh di dom urang njom ruak di Nam Phi. Bruk pasang iek biến chủng bahrau hu peih ngak dalam tuk dom urang njom COVID-19 di grauk labik di dunya dok tagok. Tui panuac khan di WHO, dom labik pandiak COVID-19 hu mboh di tong abih dom labik abih di nyu nan lac châu Âu. Giáo sư Ravi Gupta di sang bac Đại học Cambridge brei thau, dom roh duah dalam balik thí nghiệm duah hu 2 đột biến di B.1.1.529 meda patagok bruk njom mbak di virus song patrun bruk thau hu kháng thể.

Hadei di dua bilan ngak iek angaok menuac, Jabat Jru tavao Châu Âu (EMA) hu khan brei thau vaccine Pfizer/BioNTech hu pacang jit ruak di nyaom uranaih umo meng 5 tal 11 thun, bo dahlau di nan tok brei pandar ka nyaom uranaih umo meng 12 thun tagok. Langiu di nan, jabat ini daok pasang iek vaccine Moderna ka uranaih umo 6 thun. Jabat ngak tabiak jru hu payua harak tagok jabat jru tavao cang pasang iek brei adat di akaok bilan 11/2021.

Mbang takhauk ghaiy pajeng urang di cư harei 24/11 di langiu tasik gah brak negar Prang ngak brei 27 urang metai lac bruk njauk duh hatai bruk di cư suan hukum di angaok tasik. Dalam thun ni, Liên hợp quốc kuhria mboh hu 1 ribau 600 urang metai atau lahik di Địa Trung Hải, pabah mbang prong tame châu Âu di dom urang di cư. Cao ủy Liên hợp quốc ka urang tị nạn dok hu panuac ieu rajaei Liên minh châu Âu pabak "jalan nao siam mekre "ka urang tị nạn" piah patrun dom urang kham nao dom mbang biak mbuan metai lahik nan./.

Urang lang: Hani Pha – Bhumi – 26/11 19:00:00