Ba jiak  350 urang Việt Nam di  châu Âu song  Châu Phi mai palei salamat

Di nyaom biai online di UB negar ka Rajaei điện tử saong dom gah pambuak tal, Thủ tướng Nguyễn Xuân Phúc taong yaom glaong Mentri Y tế, Mentri Thông tin saong truyền thông tacei pato jhul khang bruk pandar công nghệ thông tin, patagok, pandar dom công nghệ số piah rik daong haong manuac sia pacang caga jit Covid-19 di Viet Nam hu dunya taong yaom glaong. Langiu dom bruk ngak hu, Thủ tướng tacei tabiak dom bruk daok tavak tavaiy njauk samar pasiam veik. Nan lac hukum gah Rajaei điện tử oh ka salah siam jang, dom nghị định hu makna dalam oh ka ba tabiak ngak tui yau khik caga dữ liệu di menuac urang, angan je, brei thau điện tử. Tal urak ini, jeng daok 8 mentri, 25 tỉnh pandar dịch vụ karja trực tuyến  tanut 4 ala 10%, lac bruk oh siam lagaih.

Urak ni, bruk ngak padai bilan hè thu dalam negar  mek hu ja yah, gam njauk padai, gam pablei hu yaom. Tong abih padai  hè thu dalam negar hu labaih  10,76 triệu tấn, năng suất tui kuhria tagok  labaih 0,8 tạ/ha. Di bhum taneran krong Cửu Long, dalam  1,54 triệu ha padai  hè thu, tui kuhria  hu labaih  sa  triệu héc-ta hu yuak bloh Di dom  tỉnh tapen tasik  Nam Trung Bộ, Tây Nguyên song  Đông Nam Bộ, padai hè thu jeng pala njauk.

UB bhap bini tỉnh Đắk Nông tabiak sarak pacreih bác sĩ saong bác sĩ bac tagaok hadei bac đại học mai ngak bruk di dom labik iek ruak di karja dalam tỉnh Đắk Nông thun 2020. Tui nan, bác sĩ saong bác sĩ hadei bac đại học khin hu abih tih lac 36 urang. Nan lac dom bác sĩ tốt nghiệp hệ chính quy saong tốt nghiệp khá tagok saong tanut trung bình ngan saong bac hadei đại học, di dom sang bac đại học dalam saong langiu negar, oh kuhria dom urang kayua dom jabat karja brei nao bac, dom bac sĩ bac tagok atau cử tuyển. Bruk pachreih bac sĩ, bác sĩ hadei bac đại học mai ngak bruk di dom cơ sở y tế karja piah iek ruak ka bhap bini dom bangsa daok di tỉnh ini.

Dalam 2 harei  26 song  27/8/2020, dom jabat  chức năng Việt Nam, dom jabat lambaok  Việt Nam di  châu Âu song  Châu Phi gam song hãng kapan haoh negar  Việt Nam hu pambuak bruk song dom jabat chức năng dom negar pagam tal, hu  ba jiak  350 urang  Việt Nam mai palei. Tuai di angaok mbang par  mai meng labaih  20 negar, dalam nan hu uranaih umo ala  18 thun, anek saih , sinh viên bac tamat bloh danak dak, urang umo prong, urang kamei dok  metain, urang nao main  du lịch, rivang gauk gar, urang ngak  abih tuk vak ngak bruk dok gar veik

Page ini 27/8, ong Lê Văn Uy, akok Ban nội chính Tỉnh ủy Bình Phước khan brei thau, daok iew Ban Cán sự Đảng Tòa án bhpa bini tỉnh Bình Phước khan brei cambaic laic bruk bị cáo Mạc Văn Hào umo 32 thun, daok di huyện Phú Riềng, tỉnh Bình Phước menyum jru pametai rup eng pak tòa hadei 2 harei brei thau bản án phúc thẩm. Ban Nội chính Tỉnh ủy iek tui bruk pathau khan di Tòa án bhap bini tỉnh Bình Phước piah ngak brei cambaic laic  kayua habar tòa phúc thẩm saong sơ thẩm ba tabiak karei di gauk. Di mbang sơ thẩm, bị cáo Hào njauk 30 bilan guk gah langiu min tal tame phúc thẩm ye lac daok guk 30 bilan. Meyah đảng viên di tòa án dua pakat  kurang dalam tuk ngak bruk ye brei hu jalan langyah tui hukum.

Gah  Y tế dunya  (WHO) hu panauc ieu bhap bini dunya njauk jia tame  vắc-xin Covid-19 yaom lac bruk njom mbak veik daok mbuan si tamuh glong . Brei panuac dalam mbang họp báo online, muk Van Cơ-khốp – urang dang akaok nyaom  ilamu di gah tui iek dom ruak samar drah di WHO brei thau, rilo urang ndom lac vắc-xin Covid-19 lac  oh lagaih  tuk bruk njom mbak veik jeng daok hu. Min, rajaei song bhap bini dom negar meda hu dom jalan ngak oh brei adat ka  virut SARS-CoV-2 njom mbak meng menuac tapa menuac. Nan jeng lac makna di bruk  patagok vắc-xin Covid-19.

Pasak Pasang iek saong Pacang jit ruak Hàn Quốc  harei ini brei thau hu labaih 400 mbang urang njom ruak Covid-19 birau dalam 24 tuk tapa, tanut glong abih meng mbang tamuh camereip di bilan 3. Anak jit ruak rah tabiak dalam kan kandah, Rajaei hàn Quốc harei ini iew dom công ty, doanh nghiệp brei ka urang ngak bruk di sang piah plaik njiak jit ruak njom mbak birau. Mentri Y tế Hàn Quốc khan brei thau, takik di nyu 80% dom mbang njom ruak dalam adit tapa hu mboh di dom khu đô thị rilo bhap bini daok. Bruk nan ngak patagok bruk jit pambak praong  meyah karja oh pasang iek cakak saong duah hu dom urang njom mbak samu chip.

Ribuk  Bavi mesup ni  nyu tuh tame  Triều Tiên,hangin khang di abih  di bhum jiak pasak ribuk lac pakat 12.Yau nan, prein khang di ribuk  nyu trun dut song tui kuhria mboh dahlau, min anak dom kan kandah trak di mbang ribuk ni, Đài Khí tượng negar Trung Quốc jeng daok tabiak panuac brei thau ribuk sambo meriak. Piah caga pacang rabuk ini, harei ni, rilo ban di bhum  Đông Bắc Trung Quốc brei anek saih mẫu giáo, trung song  tiểu học hu padeih bac, dom jabat, đơn vị jeng hu padeih ngak  meng 12 tuk jala pandiak. Dom bruk ngak di gah langiu brei padeih, bhap bini hu kakei lac oh tabiak gah langiu meyah oh hu bruk hagait. Ni lac mbang camereip  dalam thun ni  Trung Quốc hu panuac khan ribuk sambo meriak  pakat pathau khan glong abih di negar ni./.

Urang lang: Ái Nghiêm – Hani Pha – 27/08 17:26:10