Dah page ni (3/9) di Hà Nội, Mintri ngak nong saong patagok palei pala peih bruk “ginum biai pacang caga jit di anek athur”. Tal urak ni dalam negar hu 5 sruh jit manuk ada ka oh tapa 21 harei. Dut saong vaktu ni di thun blaoh, dom sruh jit tagok 2 mbang saong dom anek manuk ada njauk jit ruak njauk pametai glaong jang jaik 3 mbang. Tal puac bilan 7, abih tih jien Trung ương brei ka 58 tỉnh, ban piah daong ka urang raong glang saong jhul tagok bruk raong viek pabui lac 6.232 tỷ đồng. Anak dom panuac brei thau ka bruk hadang, seok manuk ba tame negar dương tính haong vi-rút SARS-CoV-2, Cục Thú y hu peih bruk mek mẫu dut iek jaik 200 mẫu hadang, ralaow dom janih, seok manuk ba tame meng 15 negar. Oh hu mẫu halei dương tính.

Mesup ni, Mintri  Y tế brei thau oh hu urang halei njom ruak  Covid-19 bahrau, dalam negar dok padeih di 1.046 urang ruak. Hu 746 urang hu thit ruak, 117 urang hu meng  1 tal 3 mbang dut iek mboh âm tính song caga tabiak sang iek ruak. Harei ni (3/9), Đà Nẵng peih bruk dut iek drah SARS-CoV-2 ka lambaok boh sang  piah duah thau dom urang njom  Covid-19 oh ka thau dalam bhap bini. Pagam tal urang ruak Covid-19 ka  1045 oh thau cambaih ruak mai meng halei, UBND tỉnh Hải Dương brei pa-atah di gauk di palei  Khay, xã Thống Nhất, huyện Gia Lộc, meng  0 tuk harei  3/9.

Pambuak tal bruk pate Minh Chay di Công ty TNHH Lối Sống Mới (Hà Nội) njom khuẩn Clostridium Botulinum ngak ka rilo urang njauk jru mek, Cục salamat pandap mbang di Mintri Y tế hu ieu kakei jabat Cảnh sát pasang iek Công an ban ine Hà Nội pasang iek, ramik tui njauk adat di hukum. Cục khik ramik jru tavao Mintri Y tế hu brei harak adat ka bruk ba tame negar jru Botulism Antitoxin (lac jru biak kan duah saong ka oh hu tut angan pablei di Việt Nam) peih taong ruak giải độc ka urang ruak saong janih jru ni hu mai tal Việt Nam.

Harei ni (3/9), 26.014 thí sinh di  27 tỉnh, ban  njauk kan kandah di jit  Covid-19 hu mbaok di mbang pakacah tamat  THPT 2020 mbang ka 2, rah tabiak tal harei  4/9. Thí sinh ngak 5 kadha pakacah: Ngữ văn, Toán, Ngoại ngữ, Khoa học Tự nhiên, Khoa học Xã hội. Đề thi kayua mintri pato megru ngak , khik ka samu gauk  song  kadha pakacah mbang ka 1. Mintri pato megru hu panuac ieu dom  hội đồng ngak salah bruk chấm thi suai di abih dalam harei  14/9 song harei  16/9 brei thau ka bruk pakacah.

Sở ngak nong saong patagok palei pala tỉnh An Giang brei thau, urak ni yaom ikan pra hu yaom tui kuhria meng labaih 16.500 - 18.000 đồng/kg, bier jang labaih 4.500 - 5.500 đồng/kg dut saong thun 2019. Dalam tuk nan, tui rilo baoh sang raong ikan di bhum taneran kraong CL, yaom raong ikan urak ni labaih 22.000 đồng/kg, kayua yau nan ye, urang raong khat labaih 4.000 đồng/kg. makna brei thau lac kayua jit ruak Covid-19 di dunya dui atah ngak kan kandah tal bruk sản xuất dalam negar saong blei tabiak negar langiu. Urak ni, jit ruak jeng daok rahtabiak sarau kadhau ngak ka bruk blei tabiak negar langiu ikan tra tapa dom darak pasa yau ye Mỹ, Trung Quốc, Thái Lan, Hồng Công, Trung Đông, Ấn Độ… gaok kan kandah.

Thủ tướng Nga Mikhail Mishustin nao rivang  Minsk dalam harei 3/9, tuk Tổng thống Belarus dok dang anak srau kadau chính trị prong abih dalam 26 thun pal akaok. Rilo mbang trun jalan rah tabiak di Belarus hadei di tuk Tổng thống Alexander Lukashenko, umo 65 thun, akaok bilan dahlau  brei thau  hu pok ngak gilac veik tổng thống mbang ka  6 song labaih 80% phiếu buh brei. Gah đối lập di  Belarus song  EU oh taduan mek bruk palih ruah, ndom lac mbang plaih phiếu njauk paleik saleik. 3 negar Baltic tabiak bruk trừng phạt nao mai ngan song  30 urang jakar Belarus, dalam nan hu Tổng thống Lukashenko.

Pasak pasang iek saong pacang caga jit ruak Mỹ hu ieu kakei dom urang jaka y tế di dom tiểu bang caga parabha vắc xin caga Covid-19 ka dom kapul njom mbuan njom mbak di puac bilan 10 atau akaok bilan 11. Jabat ni brei thau, vắc-xin meda hu pabak oh mek jien dahlau abih ka dom kapul mbuan njom glaong dalam nan hu dom urang ngak gah iek glang prien yava, urang ngak gah an ninh negar.

Thủ tướng Thái Lan Prayut Chan-o-cha brei adat khik catang an ninh tapen jalan negar Thái Lan - Myanmar piah pacang cakak bruk tame negar Thái Lan suan hukum  mbuan si njom mbak jit Covid-19. Thủ tướng Pra-dút brei thau yaom lac Thái Lan oh hu urang njom mbak dalam bhap bini dalam  100 harei tapa  min bruk nan oh hu makna lac jit ruak oh mbuan si rah tabiak gilac veik. Dahlau di nan, mesup 2/9, urang jakar Thái Lan hu chap mek 6 urang Trung Quốc tame Thái Lan suan hukum./.

Urang lang: Thu Thảo & H.Pha  3/9/2020 12:01:36