Pandap panda hu caga ginup piah pablei ka drak pasa 

Thủ tướng Rajaei birau hu Chỉ thị 44 ka bruk patagok dom jalan ngak piah khik ka bruk uan raok Tết thun anek sak Kubao 2021 bui sambai, salamat, patak pataom.Dalam nan,Chỉ thị di Thủ tướng Rajaei ndem cambaic laic,Uy ban bhap bini dom tỉnh, ban di trung ương tacei pato brei ngak catang dom bruk ba tabiak di karja ka pacang caga jit Covid-19, oh iek lap, paglaong bruk ngak di urang dang akaok, tuk halei jeng brei caga dahlau,tacei pato khang, sumu gauk,  ngak hu siam dom jalan pacang caga jit ruak praong Covid-19. Peih bruk cuh phao bingu tuk Tết anek sak Kubao njauk tui bruk ba tabiak di karja, lagaih saong yaok puk palei tui jalan patak pataom, oh mek jien meng kadung di karja;peih ngak pagap mbiah, ramik pasiam veik bruk peih ngak dom rija roya piah khik hu patak pataom, pacang palai pajua saong pacang caga jit Covid-19. 

Urak ni dom siêu thị di ban raya Hồ Chí Minh hu caga  bloh biak rilo pandap pandar yaok harei, meda pabak ginup 3 bilan dahlau dalam song hadei di Tết anek sak kubao tui tanut trun yaom Tết avar meng 5 - 50%.Peih akaok ka danak dak trun yaom Tết avar njauk ndom tal  siêu thị Saigon Co.op. Tui nan, labik ini hu caga pandap Tết yaom abih tih tagok tal jiak 5.000 tỉ đồng, tagok jiak 20% duh song thun dahlau.Dalam nan, kadung jien karja buh brei dahlau ka 9 nyaom pandap khik yaom tani tanat

Di ban Buôn Ma Thuột,Sở Công thương tỉnh Đắk Lắk daok peih Nyaom darak pasar – Parang iek pandap di bhum Kreh negar –Tây Nguyên – Dak Lak thun 2020. Labaih 300 labik hu pandap pablei di nyaom darak ini, dalam nan hu labaih 70 labik parang iek dom pandap di dom tỉnh bhum kreih negar –Tây Nguyên.130 labik di dom doanh nghiep, kapol nyaom dalam tỉnh Dak Lak.Dalam tuk rah tabiak Nyaom darak pasar – Parang iek pandap meda hu peih dom bruk karei yau: daong pambuak bruk pablei salih,ba mbuan lagaih ka dom HTX, labik ngak tabiak hu taom gaok saong dom gah pablei pandap; pandar iek pandap, tacei pato blei pandar ka bhap bini…Meng bruk ngak nan, meda jhul khang bruk pambuak chuỗi giá trị dalm ngak tabiak pandap, pablei pandap di dom HTX, doanh nghiệp dom palei saong urang blei pandar.

Peih ngak danak dak ilamu song công nghệ pacang caga biến đổi khí hậu (BĐKH), khik ramik drap ar meng langik tasik saong alam môi trường tuk vak  2016-2020, hu 43 dự án roh duah dalam danka dak hu peih ngak, meng nan,hu daong ba tabiak dom jalan ngak siam lagaih  piah patrun patakik  kan kandah di BĐKH, ia ndih, ia dauk, pandiak bhang, njom mbak; pandar hu siam lagaih pandap panda, jalan ngak bahrau dalam bruk pasang iek BĐKH song patrun phát thải khí sang camin lagaih song Việt Nam; pabak luận chứng ilamu ka bruk tong yaom dom drap ar prong, saong ba tabiak dom jalan ngak,khik ramik,ba pandar ka nyu lagaih, patak pataom, kein lagaih song khang kajap dom janih drap ar meng langik tasik di taneh ia.

Công an TP Hải Phòng birau mboh bruk pajeng ba matuy suan hukum, chap khik 665,2kg ma túy jru phien padauk dalam danieng pacang radaih container di mblang pataok radaih Chân Thật Hải Phòng Depot di labik pabah lamnge Hải Phòng. Dahlau di nan, tapa pasang iek, duah thau saong meng dom ilamu dalam bruk ngak,dom gah chức năng di Công an Ban Hải Phòng hu mboh bruk pajeng ba matuy suan hukum dalam container meng 1 urang negar Singapore payua mai ka Công ty CP thương mại TaKan Việt Nam labik 112 Sài Đồng, quận Long Biên, Ban  Hà Nội.

Thủ tướng Prang Jean Castex brei thau, meng di saboh mesup harei but, 23/12,Prang hu peih pabah mbang negar veik song Anh. Dom urang Pháp dok duik rai song ngak bruk di Anh hu adat nao tapa jalan tapen negar.Langui di nan, jalan tapen negar jeng hu peih ka urang Anh dok di Prang.Negar Prang jeng brei adat ka bhap bini dom negar di liên minh châu Âu song bhum Schengen,hu adat mai meng Anh, tapa negar Prang piah mai palei negar, min lac dom menuac hu bruk njauk nao.Tong abih dom urang meng Anh tame negar Prang brei hu harak lac âm tính song  vi rút Sars-CoV-2 meng dom jalan dut iek  dalam takik di abih lac  72 tuk dahlau di tuk tabiak nao  

Tổng thống Nga Vladimir Putin birau mbaoh tangin brei tapa hukum brei adat ka dom urang tổng thống dahlau diah ngak nghị sĩ luac rai, bruk nan jeng hu makna lac hu klah di truy tố luac rai.Langiu di nan,hukum ini jeng hu brei ka Tổng thống Nga palih ruah ba tame 30 dalam 170 ghe di Thượng viện Nga, dalam nan hu 7 ghe hu vaktu ngak bruk luac rai.Hukum nan lac sa binah dalam rilo salih bahrau  bo ong Putin ba tabiak dalam thun blaoh.Gah pasang iek daok tui iek dom salih birau piah duah tabiak bruk ong Putin meda ngak hagit hadei di tuk tamat vaktu ngak tổng thống urak ini.

Takik di abih 8 urang metai song 28 urang karei njauk rambuac  dalam sa mbang patuh gaok hơi di harei kabroi (22/12) di sa sang mac ngak  ia gar di ban Karachi,gah merong Pakistan.Meng bruk patuh ini,tabung sang mac jaleih.Jiak abih sang mac khut tayah.Gah dong duah brei ngak bruk harei melam piah ba dom urang njauk rambuac song dom menuac metai tabiak truh labik nan.Tuk patuh  dalam sang mac hu labaih  38 menuac dok ngak bruk./.

Urang lang: Bhumi- Hanipha- 23/12- 19:00:00