Tui pathau khan di mintri Công Thương, yaom lac urak ni hu rilo hadah hadai dalam bruk ngak cong, di jiak abih dom tỉnh ban, abih di nyu lac ban raya  Hồ Chí Minh song dom  tỉnh gah merong, bruk ngak mbang dak harei dak hu pasiam veik, dom doanh nghiệp patagok bruk ngak tabiak piah samar  jao pandap tui dom harak pambuak bruk hu mbaoh tangin blaoh, song tapa 11 bilan di thun ni brei mboh, patagok bruk ngak cong dok bier jang rilo dut song tuk vak ni thun dahlau. Mong tame bruk di 11 bilan, thun 2021 tanut patagok bruk ngak cong di taneh ia tok tagok labaih  4-5% bier jang dut song tanut batabiak lac  tagok meng 8-9% . 

Tui yaok pataom ka oh hu ginup di Bộ đội Biên phòng, meng thun 2017 tal urak ini  rahtabiak 340 bruk ngan haong 579 gilai, 4.738 urang taong ikan njauk negar langiu cap khik, langyah. Kuhria meng akaok thun 2021 tal puac bilan 11/2021, urang taong ikan di negar drei lih tame bhum tasik negar langiu, njauk cap khik, langyah 35 mbang ngan haong 53 gilai, 447 urang taong ikan. Gilai taong ikan Việt Nam njauk negar langiu cap khik, langyah  rilo meng lac gilai di dom tinh, bal yau ye Bình Định, Bình Thuận, Bà Rịa - Vũng Tàu, Tiền Giang, Kiên Giang, Cà Mau… Makna brei thau lac kayua hatai sahaneng ngak njauk tui hukum di dom urang taong ikan daok bier, kayua kein laba di anak mata bo ngak suan piah taong cap kaya. 

Dom bruk ngak ngan saong kadha  “Palei – boh sang di kol drei” dok rah tabiak di Palei ilamu - Du lịch dom bangsa Việt Nam meng harei 1/12/2021 tal harei 2/1/2022 piah yaih khan ilamu, adat cambat tanarakum di bhap bini dom bang Việt Nam, rik dong patagok bruk pambuak talei ilamu di dom bangsa, dui pachreih tuai du lịch tal palei. Bruk ngak prong di bilan 12/2021 hu angan “Hương rừng sắc núi” gam song rilo bruk ngak ndung bak ilamu dom bangsa  Dalam nan njauk ndom tal bruk yaih khan bruk ngak meng tangin meng kan tapa bruk menyim khan bai.

Ngan haong kadha “Cak rok patagok ilamo puac tapuk dalam doanh nghiệp”, Adit Doanh nhân saong tapuk thun 2021 daok peih tabiak di jalan tapuk Nguyễn Văn Bình Ban raya HCM piah pachreih hatai puac tapuk, vak tapik jang yau peih bruk ilamo puac tapuk dalam doanh nghiệp, doanh nhân...Adit ini daok rik tame paglaong prein khik ramik saong prein maraik gauk di doanh nghiệp. Bruk bahrau di Adit thun ini lac mban peih bruk hu peih tabiak bruk pilih ruah Top 100 baoh tapuk njauk hu di 8 kapul asal kadha dalam tủ tapuk di doanh nghiệp. 

Tập đoàn Điện lực Việt Nam (EVN) brei thau,  danak dak brei darah ngak pahla “adit bhong EVN” mbang ka VII hu angan  "Ribau ribau boh hatai- sa hatung hatai" kayua urang jakar, urang ngak di EVN saong dom jabat hu mbaok tame brei darah, tui kuhria hu peih tabiak meng harei  6 tal harei  12/12 dalam negar. Dalam nan, hu  4 labik prong lac: Hà Nội, ban raya. Hồ Chí Minh, ban Đà Nẵng song ban Cần Thơ.

Dom bruk brei thau ka sa mbang kurang manuac ngak di Canada daok brei mboh cambaih laih, tuk dom bilik cấp cứu di rilo sang iek ruak njauk kariek pambang kayua kurang y tá, dom quan pablei pandap mbang njauk trun tukvak ngak bruk… Bruk ini hu meng dahlau mai, min kayua bruk dak harei dak rilo jang kayua jit praong Covid-19 rahtabiak saong dui atah. Meng puac bilan 10 blaoh, Rajaei Canada hu pathau khan sa jalan ngak biak tham vọng lac ba viek 1,2 triệu urang tame negar dalam 3 thun anak tal piah pachreih bruk ngak mbang saong langyah 2 bruk dalam sarak pasa manuac ngak (rahra daok taha nao saong manuac manek daok takik viek), abih di nyu nan lac pamaong tame dom doanh nhân, urang ngak hu ilamo glaong tame Canada.

I-xra-en hu peih mbang pakacah urang siam binai pakat dunya di labik padeih padei Biển Đỏ di Ê-i-lát (Eilat) dalam harei  12/12 anak tal, yaom lac daok hu adat oh brei urang negar langiu tame I-xra-en piah pacang cakak bruk njom mbak di biến thể COVID-19 bahrau O-mi-rôn (Omicron). Akaok mintri Du lịch I-xra-en Ra-vô-rốp (Yoel Razvozov) brei thau,bruk ni hu papar binguk di  174 taneh ia. I-xra-en hu dom jalan pacang cakak jit lagaih song hu panuac sinya oh klaak  bruk ni.

Dom harei ni, dom urang takre cà phê di Hàn Quốc ba gauk tuh mai Ban Gangneung –lac labik hu brei thau lac pasak di cà phê, piah hu mbaok tame harei roya cà phê. Hadei di 2 thu padieh kayua jit Covid 19, ni lac mbang ka 13 harei roya cà phê Gangneung hu peih tabiak saong pachreih hu yaok piluh tuai mai hu mbaok. Sajarah cà phê di Hàn Quốc camriep meng jaman patao Gojong tuk ong nao tị nạn di labik lambuak negar Nga di thun 1896 saong manyum 1 ly cà phê di pak ini. Tuk mai gilac Gangneung, labik biak hu angan je ngan haong ilamo ce, ong hu brei peih 1 quan cà phê dalam văng patao di drei, hu daong ngak ka cà phê jeng bhian randap, hu rilo manuac thau tal di ban jaik tapen tasik ini./.

Urang lang: Thu Thảo & H.Pha – 4/12/2021