Khu phố 1, phường 17, quận Phú Nhuận, ban raya Hồ Chí Minh hu 78 boh sang urang Chăm. Mikva duik rai meng bruk pablei salih sit, nao pablei di grauk labik, hu tuk daok nao tal dom tỉnh karei, yau nan ye, anek taco takik hu sangka tacei pato, ba tal klak bac,  patom gauk me-in, oh hu bruk ngak tani tanat. Mboh lac dom bruk kanjah jak meda rah tabiak, ong Karim Loh, Tổ trưởng khik caga dân phố khu phố 1, phường 17 song công an  khu vực,  dom urang dalam tổ khik caga khu phố bhian taom gaok ginum biai, pathau khan jak ba mik va ngak siam dom sarak di Đảng hukum di karja, pacang cakak kol tội phạm, khik caga an ninh di puk palei. Tổ khik caga dân phố khu phố 1, phường 17 hu  4 urang, yaok urang ngak sa bruk karei di gauk. Harei, dom urang ni biak jar var ngak mbang duah jien, min tuk halei hu bruk rah tabiak, ong Karim Loh song adei saai dalam tổ hu mbaok chip, pambuak bruk song công an phường 17 langyah chip. Ong Karim Loh sahaneng lac: khin hu bhap bini dalam khu phố jia hatai, pachreih dong ye drei brei daok jaik mikva, duah thau hatai khin di mik va, ginum biai song pakat ủy, karja  langyah dom bruk  ka nyu njauk, ka nyu siam. Hu yau nan, tổ dân phố meng hu mik va dak harei dak jia tame, khan breithau rilo bruk song hu mbaok tame bruk pacang cakak kol tội phạm.  Ong Karim Loh khan lac:  

Băng tiếng Chăm

Gam song dom bruk ngak nan, ong Karim Loh dok hu mbaok langyah, ba brei siam dom urang mesao gauk, meriak gauk dalam khu phố. Hu dom boh sang diuk pasang kandah gauk, mbuan si calah gauk. Meng bruk ngak di urang dang akaok tổ hòa giải, hadei di tuk duah thau makna ba tal kandah gauk, ong Karim Loh song dom urang dalam tổ mai tal sang langyah , pato pahadar  2 duik pasang. Meng abih hatai tacei pato, langyah, ong Karim Loh song tổ hòa giải hu ba brei njauk gauk dom duik pasang kandah gauk, daong ka diuk pasang nan hu haniem phol yau dahlau deih. 

 Kinh tế sang ong Karim Loh lac pablei salih sit. Ngak Tổ trưởng khik caga dân phố jien phụ cấp biak takik , min bruk ngak biak gleih glar, min ong Karim Lohjeng daok ba abih pren yava ka bruk ngak di drei. Saai Nguyễn Túy Nga, Bí thư Đảng ủy phường 17, quận Phú Nhuận brei thau:

 “Lac sa urang khik caga dân phố, cei tuk halei jeng ba akaok nao dahlau, pacang cakak kol tội phạm, tapa nan hu daong ka jabat hữu quan hu jalan piah pacang caga dom bruk tiêu cực jang yau khik hu siam mekre dalam khu phố.

Lac sa urang jakar dân phố abih hatai ka bruk ngak, hu rilo rik dong ka bruk patagok di puk palei, ong Karim Loh hu pok brei rilo harak meyaom di UB bhap bini phường 17 song  Ủy ban bhap bini ban raya. Ong lac kreik camin hadah ka anek taco dalam sang song rilo urang bac megru, ngak tui./.