PGS-TS Trần Danh Cường, Yam ndoc Sang iek ruak Ndik pui T.Ư ndom lac bruk brei ka anek mam dalam tuk jit ruak rah tabiak yau urak ini jeng daok hu salamat min, yaom lac dom urang amaik njom ruak SARS-CoV-2 jeng oh pambak tapa ka uranaih meyah ngak njauk tui dom jalan pacang caga.

Yaom lac, urak ini, oh ka mboh cambaih ka jalan njom mbak ini, min di dunya ini hu dom uranaih birau ndih tapui tabiak hu njom virus SARS-CoV-2. Dom urang ilamu di Đại học Mi-lan, Italia hu duah thau ngan saong 31 urang kumei metian ba tame sang iek ruak kayua njom Covid-19 saong mboh hu virus ruak dalam saok(thaok) anek ginup bilan, talei tathak, mei saong ia tasau amaik.

  Tui Gru Claudio Fenizia, urang dang tabiak peih bruk roh duah, tapa duah mboh hu peih tabiak jalan roh duah dalam jang ka bruk njom mbak virus SARS-CoV-2 meng amaik tapa anek dalam tuk metian. Kayua lac meyah maong tame dom urang njom ruak Covid-19 di dunya, mboh lac dom urang kumei mbuan njom ruak ini biak glaong. Yau nan min, dom urang roh duah ndom lac, oh hu uranaih halei ndih tapui tabiak dalam tuk roh duah hu dut iek mboh hu ruak Covid-19. Kadha nan yau brei mboh virus njom pambak meng amaik tapa anek dalam tuk metian nan meda hu, min urak lac daok lac biak aval piah ba tabiak taong yaom cambaic laic ka bruk mbuan njom mbak saong dom kan kandah meyah hu. Langiu di nan, dalam tuk roh duah, dom urang ilamu duah mboh sa phản ứng viêm biak karei kayua Covid-19 dalam darah di anek dalam tian saong talei thak   di dom urang kumei ini.

Taong abih dom urang kumei hu mbaok tame roh duah jeng daok dalam tuk metian praong tukvak ka 3 di metian saong dom urang ilamu brei thau dom roh duah dalam jang daok hu ngak ngan saong dom urang kumei metian tukvak camereip di metian.

  Dalam tuk jit Covid-19 daok njom mbak praong yau urak ini, Gah Y tế dunya hu panuac kakei dom urang maik njom virus SARS-CoV-2 ba tal ruak jalan suak yawa Covid-19 njuak brei raong anek meng ia tasau amaik. Tui Tổng yam ndoc Gah Y tế dunya, yaom lac bruk njom ruak Covid -19 di uranaih biar, min dom janih ruak karei di uranaih mbuan njom biak glaong. Bruk raong anek meng ia tasau maik meda daong patagok prein pacang caga ruak, khik ka uraniah pacang hu dom ruak bhian gaok. Meyah hu mam ia tasau maik dalam 6 bilan camereip kuhria meng tuk ndih tapui tabiak, uranaih hu pabak prein khang kajap jeng yau kajap karo di harei hadei./.

Urang lang: Aí Nghiêm  20/8/2020