"Thei nao pak halei thei leiy, kanar hadar tal harei pachip daa pluh bingun bilan klau". Jeng yau ralo bhap bani di dom tỉnh, bal karei dalam negar, bhap bani bal raya Hồ Chí Minh jeng brei mboh ilamu meng kan siam gheih “Menyum aia hadar tal halau aia” ngan haong ralo jalan ngak karei di gauk. Dalam harei pachip daa po Hùng thun ini, Đoàn Sĩ, Urang vak di bal raya  Hồ Chí Minh hu kadha vak “Urang anek gah meraong pamaong tal taneh Tổ ”:

        Yaok harei, Công viên Tao Đàn hu yaok ribau mbang urang yam takai mai ngan haong ralo mục đích karei di gauk. Mai ma-in bui, giải trí, piah tận hưởng bầu khí trong lành… saong jeng hu urang duah mai tal kalan kakuh Po Hùng pak ini piah cuh sa mbaik gilau ngan haong hatai di drei. “Kalan pahadar dom Po Hùng” tok meblah sa mblang taneh sit dalam khuôn viên Tao Đàn, min gilac lac tâm điểm ka yaok bhap bani tuk yam takai tal ini. Ong Nguyễn Mạnh Dũng lac: Dahlak daok pak gah Barak saong jeng hu tagok tal Đền Hùng pak  Phú Thọ, daok urak ini tame ini mboh baoh kalan ini sit sot min nyu daok dalam mblang bein phun hijao biak mekre. Lac anek taco taneh Việt drei njauk kanar hadar tal muk kei di drei, kanar hadar tal harei pachip daa po Hùng nan lac ong akaok ong akei di drei. Taong abih 54 bangsa jeng hu tabiak meda sa amaik ame.

       Daok ngan haong bhap bani quận 9, bal raya Hồ Chí Minh, Kalan pahadar dom Po Hùng dalam mblang bein – Dakrai sajarah Ilamo bangsa bal raya Hồ Chí Minh dalam phường Long Bình, quận 9 hu jeng labik bhian randap ka bhap bani labik ini dalam harei pachip. Ong Lê Xuân Sanh daok di khu phố 2, phường Tăng Nhơn Phú A, quận 9 brei thau: dalam rai diuk di drei, ong hu 3 mbang yam takai tal Kalan Po Hùng di Phú Thọ. Meng tuk Kalan pahadar dom Po Hùng dalam Mblang bein – Dakrai sajarah Ilamo bangsa peih pakak saong ba tame pandar ye thun halei ong jneg hu mbaok piah cuh gilau pahadar tal ong akaok ong akei di drei. Ong Sanh lac: Ong akaok ong akei nao mai dahlau, anek taco yam takai tui hadei. Thei prong khang ye yaom samar, daong ba urang kan rambah. Taneh aia drei kaya meda, meng châu ini châu diah. Po Hùng padang riya taneh, caik angan negar Văn Lang. Tapa dakrai sajarah nan lac labaih 4000 thun dak padang saong khik iek taneh aia yeu nan ye anek taco drei njauk patui veik patagok ilamo siam gheih di bangsa drei. Bo dahlau abih njauk thau ong akaok ong akei drei lac thei. Nan lac Po Hùng.

      "Thei nao pak halei thei leiy, kanar hadar tal harei pachip daa pluh bingun bilan klau". Panuac ndom ini yau mbang tame dalam glo akaok di yaok urang  Việt Nam khaol drei. Ngan haong sa-ai Nguyễn Đức Nghĩa daok di khu Bến Đò, phường Long Bình, quận 9 ye harei 10 bingun bilan 3 hu jeng harei thiêng liêng. Sa-ai Nghĩa brei thau drei puac harak báo, iek tivi mboh thaik binguk dom ong taha, amuk taha dâng cúng lễ vật, cuh gilau biak prong prang dalam harei Pachip daa po Hùng, tỉnh Phú Thọ drei jeng khin nao ralo min oh hu điều kiện. Urak ini Kalan pahadar dom Po Hùng dalam Mblang bein – Dakrai sajarah Ilamo daok jaik sang ye thun halei sa-ai jeng tame sirah. Sa-ai Nghĩa daok jak ba ayut sahabat, gauk gar ngak jeng sa nyaom jaik 150 urang piah meng thun  2011 tal ini, thun halei jeng tame Kalan pahadar dom Po Hùng dalam dom harei ngak pachip. Sa-ai lac: Ini jeng lac tukvak piah ka adei sa-ai taom gaok gauk, bac megru gauk dalam bruk ngak mbang, tangi rivang gauk, tadhau ayuh pren yava ka gauk. Akaok mereip tok hu dom adei sa-ai daok pak Bei Gon hadei di nan pambak prong tal dom tỉnh bal karei yau: Bình Thuận, Bà Rịa - Vũng Tàu, Đắc Nông, Cà Mau, Cần Thơ, urak ini daok hu gam pak Hà Nội tra. Ini lac thun ka 6, saong jeng kuhria caga hu 4 drei pabui quay saong sa drei limo paghang piah dâng cúng. Ini lac kadha biak bui sambai kayua lac hu ralo manuac urang hadar tal halau gha saong pachreih tui bruk ngak di dahlak. Dahlak caong khin ngak jeng ilamo menyum aia hadar tal halau aia.

     Kalan pahadar po Hùng không oh njauk lac tok labik tôn nghiêm piah ka bhap bani mai tưởng niệm, kakuh ong akaok ong akei di drei bi ini daok lac labik piah pato tacei ilamo halau gha ka rai rah dam dara uranaih; lac labik ka anek saih, sinh viên, tuai damuai atah jaik mai rivang ma-in. Sa-ai Hoàng Bảo Khang daok ngak bruk di Khu Công nghiệp Biên Hòa, tỉnh Đồng Nai brei thau: Tal harei pachip daa po Hùng ye adei saong ayut sahabat di drei duah mai dom labik kakuh po Hùng yau dalam Khu du lịch Suối Tiên, atau di Khu Công viên – Dakrai sajarah bangsa piah cuh gilau pahadar tal ong akaok ong kei di drei. Ini jeng lac tukvak piah ka adei saong ayut sahabat mai nao ma-in bui sambai.

     Tui ong Cao Hữu Niên – Akaok Ban Khik iek Mblang bein – Dakrai sajarah – Ilamo bangsa bal raya Hồ Chí Minh, yaok thun pak ini peih ngak dua  lễ prong nan lac harei Tết Nguyên đán saong harei Pachip daa po Hùng. Thun ini, Lễ hội giỗ Tổ hu peih ngak dalam prong prang, hoành tráng jang saong hu ralo janih bahrau ngan haong binah ngak adat saong binah nyaom ma-in. Ndom ka ngak adat, langiu di adat cuh gilau, pok bingu daok hu adat pok cúng bánh Tét. Langiu di bruk ngak adat, Ban Khik iek Mblang bein Dakrai sajarah Ilamo bangsa bal raya Hồ Chí Minh daok pambuak bruk haong dom jabat karei peih ngak ralo bruk bui ma-in yau: nyaom tapuk, parang iek thư – họa – trà Việt, blaoh biểu diễn võ meng kan saong dom kadha ma-in bhap bani karei. Ong Niên brei thau: Langiu di lễ chính thức di bal raya daok hu dom bruk ngak karei hu peih ngak biak tani tanat yau Hội trại truyền thống “Hadah hadai but pajaih  Tiên Rồng” mbang ka 9 ini jeng hu 14 jabat hu mbaok tame, ngan haong labaih  1.200 trại sinh. Langiu di nan daok hu hội pakacah jhul gai dom kadha ma-in bhap bani, tamia rối aia saong thun ini patui veik peih ngak pandap mbang chay saong duh miễn phí oh mek jien di mikva.

      Gam haong bhap bani daok grauk labik dalam negar, dom harei ini, bhap bani bal raya caik angan Wa tuk halei jeng pamong tal palei negar bhummi ong akaok ong akei di drei ngan haong hatung hatai iek prong pablak haong niềm tự hào piah kakaei gauk trách nhiệm dak padang taneh aia khang kajap kaya meda./.