Bác sĩ Huỳnh Thái Tiễn iek ruak ka urang

  Bác sĩ Huỳnh Thái Tiễn (umo 27 thun) saong dược sĩ Nguyễn Tấn Phát (umo 32 thun) haong kapul ngak bruk di Sang iek ruak Q.2 (TP.HCM) halan hatian nao tame bruk mesruh pacang caga jit ruak COVID-19. Dua urang ini brei thau lac drei tut angan meng di tuk Kapul Gru jru ranaih umo TP.HCM peih tabiak danak dak gru jru ranaih umo halan hatian hu mbaok tame iek ruak, pacang caga jit ruak COVID-19. Bác sĩ Tiễn khan lac: "Thau bruk Sang iek ruak nao iek ruak COVID-19 di huyện Cần Giờ caong hu bác sĩ iek ruak ka dom urang ruak nan ye dahlak tut angan nao chip". Blaoh meng nan, yaok harei, bác sĩ Tiễn haong dom bác sĩ karei glaih glar haong bruk ngak, meblah mek veik suan yava ka dom urang ruak njaom ruak COVID-19.

Tuk halei jeng mboh suh sah anak ruak kik, prein yava di menuac sia jaik taphia nan ye “darah” halan hatian hu blaoh dalam darah di Huỳnh Thái Tiễn. Tiễn bhain randap haong dom mbang halan hatian nao tal mikva bhum atah bayah meng di tuk sa-ai daok lac sinh viên y khoa di sang bac ĐH Y dược TP.HCM. Meng harei mai ngak bruk di Sang iek ruak Q.2, Tiễn tuk halei jeng caik dom harei padeih padei piah tagok jalan haong dom mbang iek ruak ngak pahla di kapul dam dara sang iek ruak. Sa-ai lac: "Dahlak tuk halei jeng kham merat ngak abih drei piah gam saong dom gru jru chuyên môn meng Sang iek ruak Ruak nhiệt đới TP.HCM piah daong ka dom urang ruak samar siam veik prein yava".

"Hadei di yaok mbang nao tal mikva bhum atah bayah ye dahlak mboh dalam hatai bui sambai, chreih chrai. Hadom stress, hadom trak damak di bruk hit yaok harei yau par lahik abih. Yau harei ini, tuk dahlak hu mbaok tame danak dak pacang caga jit COVID-19 jeng mboh yau nan. Drei khám, drei iek glang prein yava saong taduan hu cambuai khim klao di mikva ye dalam hatai drei mboh biak bui sambai. Yaom lac dahlak hu rik hasit prein yava ka menuac sia min jeng mboh biak bui sambai. Brei nao prein yava, bruk ngak di drei jeng taduan hu veik bruk bui sambai. Nan biak lac haniem phul!" - bác sĩ Tiễn khan lac yau nan.

Dahlau di tuk padeih bruk ndom biai nao mai haong kol dahlak, bác sĩ Tiễn ndom sit lac: "Adei sa-ai vak habar ka sang dahlak takik suh sah". Mbang halan hatian nao biak samar nan ye tuk nao, bác sĩ Tiễn oh ka khan brei gauk gar thau. Kayua sang daok di Long An, sa-ai Tiễn daok sang pah di TP.HCM nan ye halan hatian lac nao chip. Sa-ai kuhria lac tuk halei salah bruk meng mai khan ka amaik ame taha thau piah takik duh hatai, meyah khan brei thau dahlau ye amaik ame duh hatai rilo jang.

Daok dược sĩ Nguyễn Tấn Phát, sa-ai bahrau siam veik prein yava hadei di mbang blac sỏi mật min jeng halan hatian nao ngak bruk di labik cách ly di Q.2. Piah sahanang hatai tame ngak bruk di labik nan, sa-ai ba diuk saong anek sit nao palei ka amaik ame daong iek glang. Sa-ai klao lac: "Dei hu diuk saong gauk gar pachreih tui, nan ye drei biak sahanang hatai nao daong pacang caga jit ruak".

Dalam dom harei rilo urang Việt Nam, hu gam dom urang negar lingiu tuh mai mblang kapal haok Tân Sơn Nhất, nan jeng lac tuk dom labik brei daok karei dak harei dak hu rlo menuac tame daok. Lac dược sĩ daok ngak bruk di khoa vi sinh Sang iek ruak Q.2 nan ye bruk di dược sĩ Phát di khu cách ly Q.2 lac gam haong dom y bác sĩ mek mẫu bệnh phẩm di yaok urang piah payua nao dut iek. Sa-ai Phát brei thau "Dalam dom urang dahlak mek mẫu bệnh phẩm hu urang dut iek mboh dương tính min drei oh duh hatai hagait. Dom urang ngak bruk pak ini thei jeng hu bảo hộ biak siam. Dahlak jeng thau khik caga rup drei plaih njaom mbak" 

Bruk ngak di labik brei daok karei meda lac oh hu tuk, oh hu maong. Tuk kapal haoh par trun, tuk dom sruh radaih pajeng menuac mai labik brei daok karei, harei atau kreh melam jeng lac tuk dom gru jru yau Phát ba tangin tame bruk ngak. Lingiu di bruk mek mẫu bệnh phẩm di dom urang tame khu cách ly, Phát saong dom y bác sĩ pak ini daok tacei pato yaok urang paglaong hatai sangka, cuk khẩu trang njauk, vệ sinh yaok harei piah khik labik daok haci hacih lac meda pacang caga jit ruak njaom mbak...

Bahrau ini, tuk mehit lac 1 bác sĩ di sang iek ruak Ruak nhiệt đới trung ương njaom ruak Covid-19, dược sĩ Phát ndom lac: "Kol dahlak brei khik salamat dalam tuk ngak bruk. Abih gauk jhui suh sah! Kol dahlak tok caong abih gauk hu khang kajap prein yava saong jit ruak samar hu jhul kadun likuk"./.

Urang lang M.Phuong  5/4/2020