-Bilan tabau thun 2017-2018, amuk  Bùi Thị Mai Sương, daok di xã Mỹ Sơn, huyện Ninh Sơn pala 14 ha tabau, dalam nan hu 7 ha tabau tơ barau kaoh vụ camereip hu jaik 100 tấn/sa ha. Tal urak ini, sang kaoh hu 10 ha, daok veik 4 ha daok cang panuac di sang mac, tui kuhria yaok ha tabau laba 20 triệu đồng. Mboh lac yaom laba ini bair duk saong phun jien, pren yava buh tabiak dalam sa thun pasang iek, yau nan ye sang amuk Sương kaoh klak 1 ha tabau tơ piah salih tapa pala dom janih phun pala karei: Tabau tơ hu 100 tấn, min urak ini yaom di sang mac blei bair biak lô, kuhria tabiak oh hu laba hadom nan ye kaoh klak, salih tapa pala medar ngak sa thun bo nyu oh hu laba yau nan ye kaoh klak salih tapa phun pala karei,oh caik tra.

Sang ông Cao Văn Minh daok di palei Phú Thuận xã Mỹ Sơn pala 14 ha tabau, urak ini tabau cakrok siam, phun glaong labaih 3m.  Urak ini, dom taneh tabau di sang labaih sa thun min sang mac jeng oh ka brei lệnh piah ông kaoh. Kayua gaok lingik pandiak bhang yau nan ye phun tabau nyu thu dua akaok, ngak trun nang suất saong chữ saradang. Piah trun takik khat lihik, ông njauk pah urang ba ia tame hamu khik ẩm ka phun tabau. Suai kaoh, khat lihik dak tagok glaong, dui tui jien laba mesraiy…dom khat lihik ini urang pala tabau yau ông njauk taduan. Urak ini, ông Minh daok cang công ty brei lệnh kaoh tabau, pasalah hợp đồng piah kaoh klak sa meteh taneh pala tabau tapa pala phun njam: Dahlak kaoh klak nao blaoh pala tangei atau pala phun livik thun atau ngak bruk hagait nan, urak ini caik phun tabau rilo oh hu jien pah urang ngak bo bilan tabau thun 2017-2018  yau ini, koah tagok blaoh oh hu radaih pajeng. Kaoh tabiak hu 100 tấn daok caik 5-7 harei pajeng lac daok 70-80 tấn lac khat lihik veik blaoh thun tal oh ka thau bruk yau habal. Siam di abih lac kaoh klak meng akaok mereip.”

Bilan tabau thun 2017-2018,  lingik siam lagaih yau nan ye năng suất tabau rilo jang jaik 50% duk saong bilan tabau thun dahlau, tapa pren blei di sang mac, yau nan ye bruk blei tabau nyu suai veik, pambak tal năng suất, chất lượng phun tabau.

 -Dom thun tapa, ngak tui bruk salih phun pala, rami ramik veik gah ngak nong, uy mban bhapbini xã Mỹ Sơn hu jak ba urang bhapbini salih tapa pala jaik 500 ha tabau. Dalam nan, mblang tabau palei Phú Thuận lac libik hu ia, hu puk palei saong Công ty cổ phần tabau saradang Biên Hòa-Phan Rang quy hoạch jeng mblang tabau praong, ba jamriak saong khoa học kỹ thuật tame pala piah patagok jien mek tame ka urang pala tabau. Min, kayua sarak đầu tư, blei oh ka lagaih yau nan ye dom sang njauk kaoh klak tabau tơ yaom lac năng suất mek hu jaik 100 tấn sa hecta. Amuk Võ Quý Hợi, Phó akaok uy mban bhapbini xã Mỹ Sơn-huyện Ninh Sơn - t Ninh Thuận brei thau: Anak meta, xã peih bruk jak ba pathau khan dom sang bhapbini jhui kaoh klak phun tabau, kayua urak ini bruk praong di puk palei dalam thun 2018 lac padang mblang tabau praong di libik ini saong anak tal daa dom sang bhapbini saong  Công ty  tabau saradang dom mban, nganh, kapul nyaom daok la ginum biai haong gauk saong pamaong tal sarak daong ka phun tabau di bilan tabau thun anak tal.”

-Gah công ty cổ phần tabau saradang Biên Hòa-Phan Rang – Ninh Thuận jeng hu jalan langyah, daong piah urang bhapbini pala phun tabau suai livik. Ông Văn Hữu Thận-Phó giám đốc Công ty cổ phần tabau saradang Biên Hòa-Phan Rang – Ninh Thuận brei thau: suai livik công ty hu sarak pandar jamriak mblang tabau mẫu piah hu daong piah pala tabau tập trung meng jamriak pala meng jamriak, pasang iek meng jamriak pamaong tal kaoh meng jamriak, piah trun takik jien buh tame, trun yaom phun jien ye công ty hu daong 6.9 triệu/sa ha".

Xã Mỹ Sơn hu maong lac sa dalam dom bhum nguyên liệu praong ka phun tabau saradang, min urang bhapbini di ini daok kaoh klak phun taba piah salih tapa phun pala karei. Nan ye, karja palei saong Công ty cổ phần tabau saradang  Biên Hòa-Phan Rang njauk brei thau veik sarak đầu tư, blei tabau piah urang bhapbini sahanang hatai đầu tư pala phun tabau./.

Thúy Linh