Urang bhapbini njauk daok saong nerak luac 10 thun kayua doanh nghiep tuh tabiak

           -labaih 50 sang urang bhapbini daok dalam hẻm 1079D jalan  Lâm Quang Ky lac dom sang gaok nerak tapak meng cơ sở chế biến Huy Nam tuh tabiak ribaong daok tapeng hẻm. Mbau bruk par tabiak trak, ia ribaong jhuk  yau gluh. Hu biak Rilo mbang urang bhapbini pok panuac tagok karja, dom gah chức năng min labaih 10 thun ini mai, bruk ini oh salih karei bo daok dak harei dak ngak nerak trak jang, cơ sở jeng daok ngak bruk, tuh tabiak alam môi trường. Amuk  Phạm Hồng Lý, urang bhapbini dalam hẻm brei thau: urang bhapbini di ini pandik harao tal ginum gauk lac yaok sang sa baok xô, sa baok kathor mek ia di ribaong ini ba tagok caik di mbang nyaom hội đồng bhapbini ban raya piah dom urang jakar thau hu bruk rambah rambup di bhapbini, min rilo urang jakar, urang đảng lac ngak yau nan oh siam, nan ye klak. Amuk Nguyễn Thị Mao, daok di ini jaik 9 thun brei thau: “Mboh pak ini lac ia mực, ia ikan blaoh jru tẩy, bọt ikan abih di nyu nan lac hoá chất di công ty tuh tabiak saoh. Jeng hu nyaom hadom mbang, min ndom blaoh hu trun kuac dom mbang lac blaoh, blaoh jeng tuh tabiak yau klak. Jeng hu ba tagok phỏng vấn, quay phim blaoh phòng tài nguyên môi trường jeng hu trun mek mẫu min hu dom harei bloh yau krung.

  - Labaih 1 adit dahlau, urang bhapbini dalam hẻm in băng rôn khẩu hiệu pandar công ty Huy Nam  oh tuh ia rerak tabiak alam moi trường, taphia nan kuhria caga vật tư piah pacang jalan ia di libik công ty tuh tabiak oh brei tuh tame ribaong. Di mbang nyaom tổ bhapbini  tự quản melam 15/1 barau blaoh, sa urang bhapbini ndom lac: ini lac bruk pandik harao rilo meng patuh tabiak, bruk glaih glan, pren yava di urang bhapbini  oh thei maong tal meng pluh thun ini mai. Công ty ngak mbang hu laba angaok pren yava di urang bhapbini, daok karja saong gah chức năng lac vô cảm, bruk vô cảm mboh biak huac”.    

-Dahlau dhiah, công ty tuh tapak tabiak ribaong, hadei di tuk gaok urang bhapbini ndom tame, công ty caik nding katak piah ba ia nerak tuh tabiak sa baok ribaong karei. Hu tuk jalan nding nyu patuh, libik ini mbau bruk trak, oh daok hu. Rilo mbang urang bhapbini ieu tổ bhapbini tự quản peih mbang nyaom daa urang dang akaok công ty, dang akaok karja mai ngak bruk saong bhapbini min gah công ty tuk halei jeng brei nhân viên mai nyaom. Hu tuk hu var nyaom oh hu thei mai nyaom, gam khu phố, urang dang akaok phường, ngak ka bruk bức xúc di urang bhapbini dak khang jang.

           -Ông Lý Trung Bình, akaok tổ bhapbini tự quản ka 8, khu phố 5 phường An Hoà brei thau: Khu phố 5 pambuak pagam saong khu phố 4, ribaong ini nduac tabiak tal cống dalam hẻm 76 jaik uy mban bhapbini phường hu jaik 500 sang bhapbini gaok kanyak jhak: Meng bruk lac akaok tổ, bhapbini caong khin nyaom dahlak hu ieu khu phố, phường daong peih mbang nyaom, daa công ty Huy Nam mai nyaom, min cang pakat angaok oh thei mai gam khu phố tal công ty, caik ka yaok pluh urang bhapbini daok cang. Jaik si tết paje bo ribaong ini biak mbau bruk, sang halei jeng kareik sir pambang, uranaih lac viêm dung, urang praong lac ruak.

          -Hu thau, oh lac ta-eng ribaong dalam hẻm 1079D gaok nerak bo dom baoh ribaong karei di phường An Hoà jeng jhuk yau gluh, jeng mbau hinye. Urang halei nao jalan Lâm Quang Ky, meng canah jalan Ngô Văn Sở tal puac jalan Trần Khánh Dư, taphia uy mban bhapbini phường An Hoà jeng mboh mbau bruk. Tui ông Lý Văn Thống Nhất, akaok uy mban bhapbini phường An Hoà, dalam phường hu tal  20 labik chế biến kaya ikan. Bruk nerak alam môi trường di phường An Hoà dak harei dak trak.

-Ông Nguyễn Quốc Sử, akaok uy mban bhapbini ban sit Rạch Giá brei thau: ban hu pambuak bruk saong Sở tài nguyên môi trường nao mek mẫu ia tuh tabiak piah dut iek, taphia nan, hu tacei pato dom gah chức năng njauk mai pak ini gam gam pasang iek đột xuất oh lac di công ty Huy Nam bo gam dom công ty karei, langyah catang bruk tuh ia nerak tabiak ngak nerak alam môi trường. Meyah dom sang mac halei daoh tuh ia tabiak meda taong phạt catang tui njauk adat hukum.

Thúy Linh