Ndom tal buôn palei di drei, ong Ksor Dơn brei thau: taong abih menuac sia dalam buôn nan lac bhap bani bangsa J’rai, dalam nan hu 80% mikva tui đạo. Atah di ini jaik 10 thun, jaik abih dom abaoh sang bhap bini lac sang kathaot. Ralo thun gam buôn Toát lac "labik pandiak" gah an ninh, trật tự. Anak bruk yau nan, lac Bí thư chi bộ, ong Ksor Dơn biak saneng kuhria ngak habar daong ka bol drei diuk rai mekre ka agama, siam ka dunya, ba gauk cakrok patagok kinh tế, patruh eik, patrun kathaot yam tal dak padang buôn palei dak harei dak kaya meda. Ong Ksor Dơn tuk halei jeng hadar tal panuac Wa Ho pato lac: “Khin daok jaik bhap bani ye njauk gam mbang, gam daok, gam ngak meng thau hatai caong khin di bhap bani yau habar …". Ong mboh lac, khin ndom ka bhap bani thau ye njauk thau tal bhap bani, kayua yau nan ye ong tuk halei jeng kham merat jak ba mikva dalam palei.

         Ong brei bruk ka yaok urang đảng, urang hu angan je dalam buôn bhian trun tal bhap bani piah duah thau ka hatai saneng, hatai caong khin di bhap bani piah hu jalan daong ka nyu laghaih. Ong jhu ba tabiak bruk padang dom tổ, hội dalam buôn yau: Tổ an ninh dalam palei, Tổ hòa giải, Tổ mesre phun jien daong gauk ngak mbang dak padang kinh tế baoh sang piah tapa nan ngak brei jaik gauk jang, gul pataom gauk dak padang rai diuk siam mekre jang. Piah ka dom bruk ngak ba mai kein laba, ong Dơn brei thau: "ngan haong bhap bani pak ini, urang tok jia tuk urang mboh",  nan ye, sang ong tuk halei jeng diuk rai, daok dang siam gheih, dom urang anek di ong thei jeng bac tapa đại học saong hu  bruk ngak tani tanat. Langiu di bruk abih hatai hu mbaok tame dom bruk xã hội, ong daok sangka tal bruk patagok kinh tế baoh sang, paglaong rai diuk. Urak ini, sang ong hu 2 ha habei kayau, 1 ha lange, 1 ha pa-aok bleit saong hu pala njam hacih, yaok thun jien mek tame hu labaih 100 triệu đồng.

       Oh lac tok ba akaok dao dahlau dalam yaok bruk ngak di puk palei, ong daok hu jak ba mikva patagok kinh tế, mek bruk jak ba “Ngak ka salih jalan saneng, jalan ngak dalam bhap bani urang bangsa takik piah yam tagok, tabiak truh kathaot khang kajap” ngak jalan piah pamong tal rai diuk tani tanat. Ong saong dom urang jakar tỉnh, huyện dang tabiak pal tangin pato bruk, daong ka bhap bani pasiam veik bein tạp, tacei pato jalan pala drak, raong glang, mai meng nan bo bhap bani dak harei dak jia tame saong ngak tui. Mai tal buôn Toát harei ini, bruk salih bahrau daok hu mboh di grauk buôn palei, baoh sang kathaot trun daok 56% (tui tanut bahrau), uranaih dalam umo bac da-a jeng hu nao bac, sang danaok hu padang ngak siam dak harei dak ralo. Điện, aia pandar hu padang ngak ginup abih pabak siam hatai caong khin pandar di mikva dalam palei.

          Meng bruk kham merat nan, ong Ksor Dơn padang hu hatai jia ngan haong bhap bani dalam buôn Toát saong hu urang karja palei taong yaom glaong. Ong hu Ban chấp hành Đảng bộ tỉnh Gia Lai palih ruah nao pataom mbaok dalam Nyaom biai pataom iek veik 4 thun peih Bruk jak ba bac megru saong ngak tui jalan hadah krah siam mekre di Hồ Chí Minh saong taduan mek Harak meyaom di Thủ tướng Raja-ei kayua lac hu ralo thành tích dalam bruk jak ba bac megru saong ngak tui jalan diuk hadah krah siam mekre di Hồ Chí Minh”./.