Ka 1. Rilo sarak hu makna biak praong di kreh mbang Nyaom roya XIII di Đảng

Di nyaom biai mbang ka 7, gam haong bruk taong yaom ginup abih yaok gah, cambaih laih dom bruk ngak hu, mBan Chấp hành Trung ương hu suak tabiak 5 kadha njauk bac megru, ba tabiak 5 bruk ngak praong dalam meteh tukvak daok veik di mbang XIII; mek phiếu tín nhiệm dom Ủy viên Bộ Chính trị sang mBan Bí thư. Di nyaom biai mbang ka 8, mBan Chấp hành Trung ương hu tabiak 4 Sarak praong, pasang iek, brei panuac rami ramik mBan Chấp hành Trung ương Đảng vaktu 2026-2031.

Ka 2. Bruk đối ngoại brei mboh labik dang saong angan je di Việt Nam

Dom mbang ravang pakat karja tal Việt Nam di Tổng Bí thư, Akaok negar  Cộng hòa Nhân dân Trung Hoa Tập Cận Bình, Tổng thống Hợp chúng quốc Hoa Kỳ Joe Biden saong rilo urang dang akaok pakat glaong dom taneh ia; dom mbang ravang di urang pan akaok Đảng, Karja Việt Nam tal rilo taneh ia ngak jeng dom kadha praong njauk caik hatai di đối ngoại Việt Nam. Thun 2023, Việt Nam saong Trung Quốc njauk gauk brei padang “pambuak gauk klah rabha harei hadei Việt Nam - Trung Quốc”; paglaong talei pambuak bruk tagok “Pambuak gauk praong ginup abih gah” haong Hoa Kỳ saong Nhật Bản, paglaong talei pambuak gauk tagok jeng pambuak bruk ginup abih gah, pambuak bruk praong saong pambuak bruk ginup abih gah haong 30 taneh ia, dalam nan hu 5 Ủy viên thường trực Hội đồng Bảo an Liên hợp quốc.

Ka 3. Pasiam jalan pasang iek quyền lực; jhul khang bruk pacang, caga tham nhũng, tiêu cực

Thun 2023, Bộ Chính trị patabiak rilo adat ka pasang iek quyền lực, pacang caga tham nhũng, tiêu cực dalam bruk urang jakar, duah thau, ba tabiak kaoh duas, tui iek, peih bruk kỷ luật đảng saong bruk pasang iek, kiểm toán. Dom adat ini hu daong patagok tui iek catang quyền lực di urang jakar, urang đảng, abih di nyu lac di urang dang akaok.

Baoh tapuk  "Khang hatai, kham merat mesruh pacang, caga tham nhũng, tiêu cực, rik daong dak padang Đảng saong Karja drei dak harei dak hacih sa-at, khang kajap" di Tổng Bí thư Nguyễn Phú Trọng tabiak mbaok, daong ngak brei cambaih jang jalan lý luận di Đảng drei ka bruk pacang, caga tham nhũng, tiêu cực saong dak padang, ramik pasiam Đảng.

Ka 4. Kinh tế Việt Nam cakrok tani tanat dalam sa dunya srau kadau

Thun 2023, dom bruk praong daok pamaong ngak di nền kinh tế jeng ngak hu blaoh, kinh tế vĩ mô hu tani tanat, dom cân đối praong hu khik kajap. Rilo sarak tài khoá, jien padai di tanut praong abih meng dahlau mai hu peih ngak samu gauk, ngak khang piah daong pasiam veik, patagok kinh tế - xã hội; pasiam dom jalan ngak, dom sarak piah pasiam bruk đầu tư, ngak mbang, pablei salih, tani tanat tỷ giá, yaom kaom pandap panda saong lang talaih kan kandah ka darak pasar jien padai, padang ngak, taneh riya, sang danaok.

Ka 5. Yam tagok khang dalam bruk padang ngak jalan mbak – peih tabiak jalan cakrok patagok.

Thun 2023, Việt Nam kham merat lang talaih kan kandah gah jalan ngak, sarak, ngak jeng bruk yam tagok khang ka dom danak dak hạ tầng hu makna praong yau peih bruk padang ngak nhà ga saong jalan par trun, tagok mblang kapal haok Long Thành, ngak salah jaik 700 km jalan radaih nduac samar, patagok abih tih jalan ba tame pandar lac 1.852 km. Gam haong nan, hu rilo bruk padang ngak jalan mbak karei haong yaom phun jien buh tame ngak abih tih labaih 94 rabau tỷ đồng, daong lang talaih dom labik gar gah jalan mbak, dak harei dak pasiam bruk pambuak pagam bhum, ngak jeng prein khang piah cakrok patagok kinh tế xã hội.

 Ka 6. 80 thun Đề cương ka ilamu Việt Nam

Đề cương ka ilamu Việt Nam, haong 3 kadha ngak jeng jalan di ilamu cách mạng Việt Nam, lac: bangsa, khoa học saong bol bhap, tapa 80 thun kuhria meng di tuk tabiak rai, jeng daok hadah tabiak dom yaom glaong di sa văn kiện ndung bak cương lĩnh, daok tamo yaom lý luận saong saman bahrau, daok pasang jalan ka bruk dak padang saong khik caga taneh ia.

Ka 7. Rilo bruk khuah patuh biak khang ba tal khat lahik biak trak damak

Jaik 2.000 bruk khuah patuh, jaik 150 menuac matai, khat lahik pandap panda biak trak damak dalam thun 2023, dalam nan trak damak di abih lac bruk khuah chung cư mini di harei 12 bilan 9 di quận Thanh Xuân, ban Hà Nội, ngak brei 56 urang matai saong 37 urang njauk rambus.

Tapa nan brei mboh bruk njauk báo động dalam pacang khuah, padam khuah, dalam nan hu bruk klaak luai khik iek, caik rah tabiak bruk padang ngak rilo danak dak suan adat, oh khik kajap salamat gah pacang khuah padam khuah.

Ka 8. Bruk kurang jru tavao, pandap panda y tế oh ka hu ramik pasiam tal labik tal dhua

Yaom lac Quốc hội, Rajaei saong Bộ Y tế hu tabiak rilo harak văn bản piah “talaih kan kandah” ka gah y tế, min bruk kurang jru tavao, kurang pandap panda y tế di dom sang iek ruak meng trung ương tal tinh ban jeng oh ka hu langyah tal labik tal dhua. Makna lac kayua mai meng kan kandah di jit praong COVID-19, kayua dom văn bản pháp luật daok tavak tavaiy, bruk peih to yaom blei pandap, abih di nyu lac to yaom pataom veik sa labik praong daok cuang kandah,tavak tavaiy.

Ka 9. Tabiak tukvak peih ngak bruk salih bahrau sarak jien bilan

Bruk peih ngak, salih bahrau sarak jien bilan iek tui labik ngak bruk, khik kajap bruk lac oh biar jang jien bilan daok mbang urak ini, meda hu peih ngak meng harei 01/07/2024. Bruk daok pamaong ngak abih di sarak ini, lac piah ka jien bilan biak biai jeng jien raong urang ngak saong diuk anek dalam sang, bayar jien bilan njauk piah patagok menuac ngak, pachreih paglaong prein ngak saong kein laba di bruk ngak.

Ka 10. Tani tanat dom môn pakacah tamat Trung học phổ thông meng thun 2025

Mbang pakacah tamat THPT meng thun 2025 hu peih ngak haong 4 môn, hu 2 môn bắt buộc lac Toán, Ngữ văn saong 2 môn pilih ruah dalam dom môn bac di tal bac 12. Jalan ngak ini patrun trak damak dalam pakacah saong tui bruk salih bharau di danak dak pato pakai phổ thông, taong yaom njauk prein bac, bruk bac di anek saih./.