5 labik hu palih ruah piah peih ngak iek dalam danak dak 1 triệu ha padai chất lượng glaong bhum ĐBSCL lac di 5 bhum taneh hu asal karei gauk. Nan lac TP Cần Thơ, Sóc Trăng, Kiên Giang (taneh lakhun mbak), Đồng Tháp (taneh akaok halau), Trà Vinh (taneh bồi, phù sa).

Tỉnh Trà Vinh tut angan tame ngak 8.831ha tal thun 2025 saong jaik 14 ribau ha tal thun 2030. Ta-eng bilan đông xuân 2024, tỉnh tut angan tame ngak Danak dak haong mblang taneh labaih 6.000ha.

Ong Trần Trường Giang, Yam ndok Sở Ngak nong saong patagok palei pala tỉnh Trà Vinh brei thau, tinh hu taneh ngak padai lac 82 ribau ha. Sa thun ngak hu labaih 1 triệu tấn, dang ka 7 dalam bhum. Piah peih ngak dom bruk dalam danak dak, tinh hu bruk kham merat biak praong. Dalam nan 2 HTX Ngak nong Phát Tài saong HTX Ngak nong Phước Hảo, huyện Châu Thành daok caga tame ngak iek:“Trà Vinh palih ruah 2 HTX piah tame bruk ngak iek. Trà Vinh lac labik oh daok dalam danak dak VnSat nan ye tame ngak danak dak ini lac bahrau bahrang. Jalan ngak lac khaol dahlak bac megru saong kham merat ngak, khik kajap jalan ngak di dự án”.

Tỉnh Kiên Giang hu 12 dalam 15 huyện hu mbaok tame ngak danak dak ini. Urak ini tỉnh hu padang Mban tacei pato danak dak saong hu Phaok akaok UBND tỉnh ngak akaok mban, dalam nan hu dom sở ngành saong puk palei gam hu mbaok tame. Ong Lê Hữu Toàn, Akaok Sở Ngak nong saong patagok palei pala khan lac: “Dalam tukvak drei daok kuhria caga, danak dak biak caong hu dom bruk ngak iek piah peih ngak pambak prong. Tỉnh brei pataom tame pambuak bruk siam piah peih ngak chip bruk ngak iek ini. Khaol dahlak hu panuac brei palih ruah ngak iek 2 bhum hu asal biak karei. Sa lac bhum 4 kieng Long Xuyên, njauk padang 1 bruk ngak iek jaik 100 ha. Sa bhum njauk ngak iek tra lac bhum raong hadang – ngak padai biak karei praong labaih 100 ribau ha, meblah 50% dalam negar.  

Anak meta mboh lac, bruk “khai thác tín chỉ” carbon meng pala padai lac ngak hu saong oh daok langiu dom bruk ngak paglaong chất lượng, năng suất, patrun pandap panda buh tame ngak bhian randap. Meng bruk pandar dom jalan pala drak yau buh khak lân, pandar veik, ngak veik pon nerang, pandar khak hữu cơ, urang ngak padai meda cakak trun hu biak rilo khí thải carbon.

Ong Trần Thanh Nam, Thứ trưởng Mentri Ngak nong saong patagok palei pala brei thau: hadei di bilan 7 tal bilan 9 tal tuk yuak padai Hè Thu blaoh, meda hu bruk ngak ginup abih meng pala ngak tal hadom nerak tahuak tabiak saong tabiak hu padai trun tathuak nerak, meng nan meda peih prong tabiak dom tỉnh, bhum karei piah ngak di mangaok 180.000ha padai.“Bruk ngak iek hu peih ngak meng bilan hè thu ini, peih ngak tui jalan pala drak saong duk hu hadom nerak tahuak tabiak. Tukvak ngak iek ini dui atah dalam klau vụ padai meng duk iek hu hadom nerak tathuak tabiak. Meng nan, Mentri meng hu tabiak harak công nhận tanut tahuak nerak dahlau di tuk pandar prong tabiak ka taong abih danak dak. Meng nan meng pambuak pagam tame haong gilang pariak dunya”.

Ini lac danak dak meda daong salih jalan ngak mbang pala drak di bhum ĐBSCL dalam gah padai brah, nan ye hu biak rilo kapul nyaom dunya caik hatai tal saong urang nong jeng biak njauk hatai pachreih tui. Gilang pariak dunya jeng mboh lac ini danak dak prong di bhum châu Á- Thái Bình Dương piah meng nan pambak prong tabiak dom taneh aia châu Á./.