Dalam ilamo phuong Dong, Athaik oh lac dalam mesruh metak saong  jalan atah bo lac thaik bingu ka bruk ngak mbang eng drei, caong khin patagok saong jak jeng siam mekre. Dalam gilang thaik binguk phuong Dong, takik mboh thaik binguk halei hu dalam sajarah dakrai suai lavik dalam raidiuk akaok sahaneng yau Athaik. Meng mblang mesruh tal labik ilamo  bhap bini, Athaik pambuak haong dom mbang nao ngak mbang, ba mai angan je gam haong bruk var rup eng. Bruk nan pabak prein khang suai lavik ka thaot binguk gam haong panuac bhian randap: “ athaik nduan hu jak jeng”

Phương Đông hu 12 nethak, Athaik  hu pagam tukvak athaik tuk langik lagaih ralo abih, salih ka bruk khang kadang saong brok tagok rilo siam mekre. Meyah kubao lac thaik binguk karo kajap, tani tanat, ye Athaik brei mboh bruk nduac, ka bruk yam tapa dom hagait daok huac kanda. Yau nan ye, dalam akaok meng lavik mai, Athaik pambuak pagam haong jalan padang mbang ngui. Urang nao atah, urang ndoa nong trak bhian hu pagamyau athaik tabiak mblang mesruh, oh huac kan kandah. Athaik oh dang sa labik saong urang caong takre hu jak jeng oh dang ta-eng labik.

Baoh panuac “athaik nduac hu jakjeng” mai meng bruk bol lin jaman phong kien meng kan, bollin ndik athaik praong rilo dalam ralo mblang mesruh. Athaik gilac veik mai hadei taong kalin blaoh lac bruk jayak praong, ngak salah bruk di drei saong khik hu rup saih, binguk yawa di drei. Meng asar kadha nan, thaok binguk athaik gilac veik brei mboh bruk jak jeng siam mekre. Tuk tame dalam raidiuk  bhap bini,  “athaik nduac hu jakjeng” yau panuac ayuh ka urang tagok jalan nao ngak mbang, pakacah, taduan bruk ngak, padang mbang ngui. Panuac tathau ayuh oh lac payua tui dom caong khin siam gheih, bo daok taduan dom hagait siam lagaih di luac jalan nao- di dom bruk kham merat, glaih glar bo urang hu ayuh yam tapa.

Dalam ilamo bhap bini Viet Nam, Athaik daok pamuak pagam dom thaok binguk saong labik po yang. Dalam nan hu Thaok binguk athaik di Thánh Gióng biak gheih. Athaik oh lac piag nao mesruh, bo lac prein khang oh halei sumu, brei mboh prein khang khik caga taneh ia palei negar.  Tuk ngak salah blaoh abih bruk, athaik par tagok langik gam haong Thanh Giong , piah caik veik dalam hatai di bhap bini ka bruk var klak rup saong akaok sahaneng hadah tagok. Di dom bhum palei, thaok binguk hu dalam rija roya, dalam kaya paling, rup srak di baha, yau thaok binguk khang kadang jeng yau khik pacing siam. Tapa nan brei mboh AThaik oh lac dalam panuac ndem yaok harei, bo daok lac hu mboh dalam adat yang mebang di urang Viet Nam.

Dalam my thuat phuong Dong, thaok binguk athaik bhian mboh thaik thaok nduac catang, pabah hangin, takai juah taneh bak khang kajap. Dom thaok binguk athaik, hu tual rilo dalam thun birau atau tuk ngak bruk hu makna praong. Athaik ini oh lac phong thuy, bo daok brei mboh jalan sahaneng: yam tagok, oh kadun likuh. Bruk tual blah thaot binguk “athaok nduac jak jeng” brei mboh jalan sahaneng  dalam ka ilamo  phương Đông: bruk jak jeng lac tapa tukvak suai lavik , oh njauk lac kaya daok halei laik mai.

Dalam ilamo bhap bini Viet Nam, Athaik tuk halei jeng pambuak pagam haong bruk nao – mai, tagok jalan saong gilac mai veik. Kayua yau nan ye, yaok bilan pataih mai, tuk urang daok kuhria ka dom bruk bahrau, thaik thaot Asaih ba makna biak karei. Nyu kakei lac: jalan anak brei ka hu bruk karo kajap saong tani tanat. Maong veik Asaih dalam ilamo Viet, drei mboh nyu oh lac anek athur di lok meng kal, blaoh daok brei mboh ka bruk diuk rai di luac raidiuk anek menuac. Saong dalam arthak akaok thun, thaik thaot Asaih jeng daok gandi gandang kakei: khin salih, dahlau abih brei khin tagok jalan, min jeng khang hatai oh huac suan jalan.

Yaom lac bruk ngak di Asaih oh daok yau dahlau diah min makna di nyu jeng daok tamo. Dalam tukvak urak ini, tuk anek menuac gaok rilo bruk palih ruah bahrau saong kateik geik meraih gauk ye thaik thaot Asaih jeng panuac kakei ka hatai ba drei tame saong yam takai nao tal anak. "Asaih nduac hu jak jeng" kayua nan oh lac sa panuac ayuh akaok thun, blaoh daok lac asal kadha kakei di dalam tukvak halei. Nan lac hatai je lac grauk bruk jak jeng jeng mai meng sa mbang nao, saong oh hu thei khin tagok jalan, khin truh tapa kan kandah, meng hu harei gilac mai sang dalam jak jeng./.