Bangsa H’mong: Harei 25, 26 bilan 12 saka ia bilan, urang H’mong padeih padei, caga raok Tet. Dahlau diah, bangsa H’mong oh ndung tapei chung. Urak ini ye hu ndung, min tapei chung oh lac lac kaya mbang njauk hu dalam salao lisei harei raya Tet di urang bangsa H’mong. Tui bangsa H’mong, klau kaya kan oh kurang hu lac yau ye ralo, alak saong ahar ngak meng tangei. Dalam harei Tet, rilo dinyu hu meng lac yaok baoh sang brei hu sa salao kalam ahar hu ngak meng diuk kayua urang bangsa H’mong ngak tabiak.

Bangsa Thai: Ikan nan ieu lac janih kaya mbang huak hu mbang rilo di tuk mbang huak yaok harei di urang bangsa Thai, rilo meng lac di harei Tet akaok thun, ikan lac kaya mbang oh kurang hu dom harei raya. Urang ruah ikan praong di abih piah caik karei. Nan lac ikan piah caik tagok salao kalam duh paling nan hu caik tamo drei. Dom ikan karei ye hu ngak tui bruk karei di bangsa Thai yau ye: ikan đồ, ikan sấy, ikan am, ikan srau lisei, ikan mọc, ikan tram habau ging, lạp ikan “pa lạp”… Dalam nan lac pa lạp ieu lac janih kaya mbang bangi karei abih bhian hu ngak piah payak tuai yaok mbang harei raya tet mai tal.

Bangsa Muong: Dreih yau bangsa Kinh, tapei chung lac kaya mbang hu njauk hatai abih, oh kurang hu di dalam masa harei Tet di urang bangsa Muong. Dahlau di Tet meng 2 tal 3 harei, abih urang dalam palei, dalam but pajaih pagun sanya haong gauk, pâtom gauk ndung tapei har cheng meng sang ini tapa sang diah, Tukvak ini biak lac yau harei bui sambai raya, yaom lac jal val min biak bui sambai di likei, kamei dalam palei Muong.

Dân tộc Katu: Dahlau diah, urang Katu bhian mbang Tet karei lac Tet uan lisei bahrau hadei yaok mbang yuak padai. Urak ini, urang bangsa Katu daok di Da Nang jeng mbang Tet bhap bini yau urang bangsa Kinh min jeng khik hu ilamo harei Tet karei di bangsa drei. Tui urang bangsa Katu, kaya kan mbang brei ka harei raya Tet ye oh kurang alak hu. Dua janih alak bhap bini gheih karei di urang bangsa Katu lac Tà vạt saong alak tapai. Gam haong bruk srap gap dom janih alak, sa janih ahar oh kurang hu dalam salao kalam adat duh paling ka Yang di bangsa Katu lachar  ahar A vị cuốt – ahar take kubao.

Bangsa Dao: Tet mai, yaok baoh sang urang bangsa Dao Tiền jeng hu ralo pabui masam hu ieu lac ò sui. Kaya mbang ini biak jaik taphia, oh chiat jien min oh kurang hu di dalam dom harei raya Tet. Ndap nda kaya kan tamo kaya hu dahlau dalam sang, dalam nan hu ralo pabui, sara saong lisei li-an. Kaya mbang ini pagam haong hala lot saong hala prăng lẩu, tut kruac aik amraik meng mboh hu bangi di ralo ndam sara.

Bangsa Tay: Ralo pabui am payeng lac kaya mbang danei angan di urang bangsa Tay di tinh Lang Son. Piah ngak kaya mbang ini, bangsa Tay bhian ruah pajaih pabui talang sit, ralo kajap hu asar ralo rilo, trak meng 20kg tal 30kg. Pabui hu am payeng tathak meng apui di dang bangu, payeng labaih 3 tuk ka tathak abih. Tuk kalik langiu thu, urang mek ia dalko srau haong giấm sah tagok ka kalik pabui pahe bangi…

Dom bangsa Tay Nguyen: Dalam harei Tet, kaya mbang di dom bangsa Tay Nguyen jeng dreih gauk, meng ralo am tal alak tapai. Daok bruk mbang huak saong tahanek yau habar ye tui di yaok bangsa saong yaok bhum palei. Dalam dom harei raya Tet, ndiuk hu salih ka lisei saong hu tahanek yau mukkei nan lac lisei dalam nding kreim. Ralo lac kaya mbang hu rilo dalam dom kaya mbang harei raya Tet. Urang bangsa daok di Tay Nguyen pahacih balau meng bruk am cuh. Njauk caik hatai lac kaya am saong dom kaya yau tiet canh, nem metah. Dom kaya mbang ini pandar piah payak tuai atau duh paling yang mebang.

Bangsa Cam saong Khmer: Dalam bhap bini bangsa Cam jeng yau Khmer daok di Meraong nengar di bhum taneran kraong Cuu Long ye ahar ginraong laya ieu lac janih ahar bhap bini biak bangi karei dalam dom harei raya, Tet bhap bini… Ahar ginraong laya hu ngak meng tapung brah ndiuk, saradang, baoh menuk saong baoh tapai blaoh chai klik. Meng tangin gheih ghang di dom urang kamei Cam ye ahar hu njak hu mbek jeng thaik thaot yau akaok laya. Ahar ginraong laya hadei tuk hana menyek hu tram tame ia saradang piah ahar gheih bangi oh vaiy oh tabrok. Bruk luac abih dalam bruk ngak ahar ginraong laya lac kandiuk yaok baoh tagok salao blaoh bambu thu dalam labaih 10 – 15 minit piah ka langum bangi./.