Di tabung ceik Amuk Juk Bà Đen, tinh Tay Ninh ieu lac majam rilo danak dak yang mebang ginreih piah ka yaok pluh ribau tuai damuai mai payua dom caong takre akaok thun. Thun ini, langiu bruk kakuh paling di rup patau Phật Bà Tây Bổ Đà Sơn ngak meng kang glaong abih di chau A Asia saong rup patau Di Lặc Bồ Tát meng patau sa thạch praong abih dalam dunya, tuai damuai saong urang tui agama Bhat daok hu kakuh paling rup patau Đức Phật Câu Na Hàm Mâu Ni lac sa po Bhat lambaok ka patuah jamo jien padai saong raidiuk ginup meda, hu thau tal haong angan “Po mai meng Ameh”…

Mbang akaok meti mai tal ceik Amuk Juk di tuk akaok bal pataih, sa-ai kamei Bùi Thụy Kha, sa tuai damuai mai meng Ban raya Ho Chi Minh biak mboh mekre meta ka thaik thaot gheih ghang di labik ini:

"Adei mboh biak katuak, gheih jang adei sahaneng rilo, adei mboh langiu di thaik thaot langik ceik glai blaoh daok hu yava yang mebang biak catang, adei biak mboh takre saong hu mai gilac rilo mbang di tukvak meng anak."

Dalam dom harei bilan akaok thun netahk Asaih Waw ini, hadei tukvak tapa thun bahrau, tuai damuai atah jaik hu mai rilo tal ceik Amuk, piah likau ka sa thun bahrau salamat, ginup meda, sa-ai Lê Văn Hiệp, sa tuai damuai mai meng ban raya Da Nang ndom lac:

"Ini lac mbang akaok meti adei mai tal ceik Amuk Juk Bà Đen, adei mboh thaik thaot di ini biak gheih ghang, hu biak rilo labik piah rivang iek me-in, pagap yau sang baha, drei meda tagok mai di ini maong iek dom rup patau Bhat. Harei akaok thun adei tagok mai ini langiu di maong iek dom thaik thaot gheih ghang, ye adei jeng likau ka thun bahrau baoh sang dahlak khang kadang, prein yava ginup ba saong bruk ngak tuk halei jeng siam lagaih."

Lac sa urang tuai damuai jirah mai meng Ban raya Ho Chi Minh, sa-ai Lương Hồng Phong ndom tagok dom caong khin di drei dalam harei akaok thun bahrau:

"Daok ndom ka yang mebang ye jeng likau ka taneh ia negar saong rahra hu salamat, ka taong abih rahra drei hu trei sir, haniem phol."

Hu maong iek lac yau ye harei raya praong di abih, hu rahra caong maong, raya bal Pataih ceik Amuk Juk Bà Đen lac labik rah tabiak dom adat brei mboh ka hatai iek praong anak Linh Sơn Thánh Mẫu ginreih. Salam raok thun bahrau nethak Asaih Waw, rilo bruk ba drei tame gam gam hu ba tabiak di Sun World Ba Den Mountain. Amuk Đào Thị Việt, Quyền Tổng Pasang iek Sun World BaDen Mountain brei thau:

"Raya harei bilan akaok thun ceik Amuk lac sa raya praong abih dalam thun, pagam haong raya bal pataih Di lặc dui atah tal abih bilan sa saka ia bulan. Urak ini khol dahlak daok samar drah buh jien tame ka thaik thaot, dom danak dak seni nghe thuat rilo janih jeng yau dom labik parang ka nghe thuat agama Bhat gheih karei piah mai tal sa arthak bui sambai bal pataih ka tuai damuai. Abih di nyu nan lac labik bein ưu đàm, labik pataom gauk di tôn tượng Câu Na Hàm Mâu Ni hu caga dalam sambo ameh hoàng kim, brei ngak jeng sa jirah rivang gah yang mebang aguma gheih karei abih di bhum Meraong Negar dalam bingun Tet thun ini."

Harei akaok thun peih pakak raya Pesta Ceik Amuk Juk Bà Đen thun ini hu angan “Sambo raya Tet Tay Ninh 2026” hu peih ngak praong prang dalam 18h00 harei 20/2 (lac harei 4 tet Nguyen dan) di Mblang bein anak sang ga cap tuel di labik jirah rivang Sun World Ba Den Mountain. Harei peih pakak hu dom mbang parang iek seni nghe thuat gheih ghang hu dak padang tani tanat, mekre. Hu mbaok tame danak dak, tuai damuai saong urang iek hu maong iek mbang cuh phao bangu glaong truac hadah langik Tay Ninh…

Majam danak dak daok dalam Raya bal Pataih Ceik Amuk Juk Bà Đen thun ini brei hu patui veik rah tabiak saong dui atah tal abih harei 30 bilan 1 saka ia bulan, lac harei 18/3 saka ia harei anak tal, sanya brei ba tal dom bruk jirah rivang me-in chreih mekre ka tuai damuai atah jaik./.