Saai Nguyễn Cao Trí, umo 32 thu, palei daok di Vĩnh Long, labaih 14 nduac jru baoh thận kayua manuac ngak. Sang saai urang ngak hamu, jien mek tame trun tagok oh karo, oh ganap jien bayar ka sang iek ruak. Iek ruak suai harei gam haong nduac jru bih jien ralo ngak ka saai Trí njauk pablei taneh puk cakak piah iek ruak kik di drei. Mayah oh hu kat BHYT, bruk dui atah suan diuk di saai Trí biak kan daman:

 “Urang dalam sang lac drei ruak baoh hatai, njom anek ruak dalam darah, njauk peih jalan chuak yawa mala kakuai. Dalam rup drei tuk halei jeng hu meng 4-5 janih jru oh lac mbuan si duah. Bruk ieik ruak padam ruak oh lac bih jien padan blaoh daok caga hua tal prein yawa glao akaok. Mayah oh hu kat BHYT drei oh thau diuk mbiah tal harei ini ha oh”.

Dreih yau saai Trí, 18 thun blaoh, saai Trương Trung Hưng, umo 45 thun, njauk madeih awal meng tuk 3h page, mek radaih meng Long An nao tal sang ieik ruak Cho Ray piah haling darah. Piah hu jien ieik ruak di dom thun ini mai, saai jeng pablei taneh di palei, njauk daok sabaoh sang sit piah daok. Mai meng daok di dalam kapul urang kathaot, saai Hưng hu brei daong abih 100% jien bayar BHYT:

“Mayah oh hu kat BHYT, drei mada oh diuk tapa hu truh 5 thun. Pablei abih taneh jien jeng ganap nduac jru atah ralo di nyu labaih 5 thun, blaoh oh hu prein bayar jien ieik ruak nao tal ndih kendang. Akau mboh lac kat y te nyu biak praong. Nyu daong dom urang kathaot yau kon hulin hu jalan dui atah raidiuk”.

Di khoa Thận nhân tạo - Sang ieik ruak Cho Ray, yaok harei hu labaih 240 - 250 ka nduac baoh thận nhân tạo. Tiến sĩ, bác sĩ jru ka 2 Nguyễn Minh Tuấn, Akaok Fakulti baoh Thận nhân tạo – Sang ieik ruak Cho Ray brei thau, ralo urang ruak di nyu hu kat BHYT, daong pakurang trak damak ka urang ruak bayar jien ieik ruak. Tapi min, jeng daok hu dom dom urang ruak ka oh hu kat BHYT. Dom bac si jeng duah jalan jak urang ruak gilac mai palei blei kat bao hiem y te, kayua kayua jien nduac baoh thận biak ralo.

Thạc sĩ Lê Minh Hiển – Akaok jabat Ngak gah xa hoi, Sang ieik ruak Cho Ray kahn brei thau, Cho Ray ieu lac sa labik hujung abih, taduan ruak mai meng di dom tinh dalam nagar, dalam nan hu ralo urang ruak biak trak juon mai. Labaih 15 thun daong urang ruak baoh sang urang kan daman, mai meng hu BHYT, urang ruak meng hu daong nao ieik ruak awal, bhap bini daok kanda nao ieik ruak di hospital, ngak ka ruak dak harei dak trak jang.

Sang ieik ruak Cho Ray jeng hu ralo danak dak daong urang ieik ruak kan kathaot, ieu pakat palei brei kat BHYT awal ka dom baoh sang kathaot Ong Lê Minh Hiển lac:

 “Di dom baoh sang urang kan kathaot kan daman, khol dalak hulin daong tacei ba blei kat BHYT. Hadei di nan, nyu brei ka khol hulin dalak harak mek jien, dan haong kon hulin ieu urang daong bayar dom jien nan. Asal di nyu daong ka urang ruak hu kat BHYT, meng nan mboh lagaih jang dalam bruk ieik ruak. Dalam thun 2023, khol dalak hulin khin lakau brei daong 52 baoh kat BHYT, dan haong thun 2024, khol hulin daong brei 32 the kat”.

Tui taong yaok ieik di gah Bao hiem xa hoi Viet Nam, dalam thun 2023 tal abih bilan 4/2024, hu 10 urang ruak hu gilang jieng BHYT bayar jien biak ralo, meng labaih 2,5 ty dong tal 4,4 ty dong. Ini lac brei ka dom urang ruak trak, ruak tikik mboh, riak ieik lavik harei … Urang ruak hu kat BHYT brei bayar jien jru, jien ndap nda gah y te tapak brei bien halei oh ieik ruak meng jru hu, bayar jien ieik ruak gah ndap nda y tế di dom labih ieik ruak tui brei dalam danak dak; dom janih jru cawao, tui gah ndap ndah y te hu dalam harak brei, hu harak tacei lagaih haong brei iek ruak di labik ieik ruak, jeng ye kein raba ka urang pandar gah kat BHYT./.