Dom harei ini, rilo sang urang pala padai di huyen langiu Bình Chánh, TP.HCM daok jar var yuak padai hè thu. Sang ong Trần Văn Nhã, daok di puk 4, xã Hưng Long, huyện Bình Chánh ieu lac sa dalam dom baoh sang urang ngak nong pandar tui jalan pala ieik padai ST25 hữu cơ.

Pandar bruk ngak ini, sang ong njauk ngak tui 4 yam ngak meng bruk drak thủy phân enzyme ngan haong vitamin meng ABZ Organic – nyu lac sa janih khak drak enzyme kayua sa urang dalam Kalup kapul ngak tabiak pandap Ocop Bình Chánh ngak tabiak. Tapa di nan yuak padai mbang camriep mek hu langiu di bruk caong khin. Di mangaok mblang taneh praong 3.600m2, sang ong Nhã yuak hu labaih 1,7 tấn, glaong jang 500kg dut saong dom mbang ngak padai dahlau.

Ong Trần Văn Nhã brei thau lac, dom harei dalau daok susah tuk trun pajaih, min tapi tal hadei di mbang ngak ini, mikva sanang hatai peih praong mblang taneh pala drak saong salih tapa ngak padai tui jalan hữu cơ:

“Thun ini langik tasik biak kan kandah, min sang dahlak lac pala hu padai. Drei pandar drak khak huu co piah pala, phun padai lagaih siam, pala hu padai rilo jang abih di dalam bhum taneh ini. Dahlak mboh biak uan tabuan, tuk peih bruk pala tui jalan huu co bo yuak hu padai rilo, lagaih, ngak tui jalan huu co hu pablei ngan haong yaom glaong veik, yau nan ye mikva daok di ini mboh biak uan tabuan.”

Piah ngak padai tui huu co pala hu siam, hu baoh sal siam glaong rik tame patagok yaom glaong pandap saong prein maraik gauk, daong ka urang ngak nong cak rok patagok bruk ngak nong hu khang kajap… huyện Bình Chánh peih bruk ngak iek padai ST25 tui jalan huu co di mangaok mblang taneh praong labaih 6 ha, ngan haong 7 baoh sang daok di xã Hưng Long hu mbaok tame. Tapa vụ Hè Thu bahrau blaoh, padai tui kuhria mek hu meng 5 tal 5,5 tấn padai sa ha saong padai pablei tabiak hu doanh nghiep pataom blei glaong jang dut saong darak pasa 1.000 đồng/kg (yaom pablei padai ST25 di darak pasa lac 8.000 đồng/kg). Amuk Lê Thị Mai, Phaok Akaok Kapul urang ngak nong xã Hưng Long, huyện Bình Chánh brei thau: Padai ST25 pala tui jalan huu co yaom lac ka oh hu rilo min pandap padai lac kaya hu chat luong piah ka doanh nghiep di huyện Bình Chánh ngak tabiak pandap panda OCOP jang yau pabak ka darak pasa ngak tui panuac kakei blei.

“Băng: Kapul urang ngak nong meda peih praong bruk ngak ini, oh njauk lac sa janih peih praong mblang taneh pala padai ST25 blaoh daok rilo pajaih padai bahrau karei. Meng nan meng taong yaom hu prein lagaih di taneh riya di ini. Mayah janih padai pandar lagaih patui veik meda peih praong, peih ngak di mblang taneh praong 220ha di mangaok mblang ngak padai di dalam xã.”

Huyện Bình Chánh hu mblang taneh praong labaih 25.255 ha. Dalam nan mblang taneh ngak nong praong labaih 60% taneh di di ini. Langiu di bruk ngak nong ba mai kein laba glaong, urak ini huyện Bình Chánh daok hu labaih 1.567 ha taneh ngak padai. Dalam tuk taneh ngak nong dak harei dak takik nao kayua bruk padang sang danaok ralo đô thị hóa, huyện Bình Chánh pachreih dom urang ngak nong caga dahlau, khang hatai pandar dom pajaih padai bahrau hu chat luong glaong dalam saong langiu negar.

Ong Nguyễn Hồng Hải, Phaok Akaok Jabat Kinh tế, UBND huyện Bình Chánh brei thau lac, bhum palei hu kuhria caga tal jalan ngak padai brah langiu di bruk pablei di di labik, daok pamaong tal bruk ngak tui kakei blei saog caong pablei pandap huu co tabiak negar langiu, patagok dom yaom glaong ka urang ngak nong. Anak mata mboh lac, padai brah pala tui jalan huu co hu doanh nghiep mai blei.

“Bình Chánh meda peih praong saong cak rok patagok bruk pala padai hu nang suat, chat luong glaong. Abih di nyu nan lac bruk hu mbaok tame di doanh nghiệp meda peih tabiak jalan pablei tabiak, ngak tabiak bruk ngak saong daong ka mikva pala drak piah ka mikva sahanang hatai pala drak padai. Taphia di nan, huyen jeng daok ngak bruk haong sở ngak nong piah patui iek bruk ngak piah meng nan hu mboh, pok brei angan Vietgap ka dom pandap panda di dalam taneh ban”.

Yaom lac bruk peih ngak padai daok rilo kan kandah, njauk di nyu khin hu dom jalan buh jien tame, ngak bahrau bruk ka jalan pala drak,… min tapi tuk camriep mboh hu padai, padai hu siam, hu ralo jang hatai caong khin di urang ngak nong daok di huyện Bình Chánh. Bruk ngak hu angan siam abih nyu ieu lac pandap padai ST25 ngak tui jalan huu co di huyện Bình Chánh hu dom urang blei di Japan haong Taiwan (Cina Trung Quốc) hu brei pasang iek jalan ngak saong kuhria pambuak gauk duah jalan pablei tabiak di dalam tukvak meng anak tal. /.