Cà na ieu lac sa janih phun tamuh eng, dom thun barau mai nyu hu mboh pala ralo di jalan tapen nagar Vĩnh Hưng, tỉnh Long An. Saai Trần Thị Ngọc Lan – Po ngak tabiak kaya mbang angan Ngọc Lan daok di huyện Vĩnh Hưng ba hatai peih padang sang ngak 9 janih kaya mai meng baoh cà na yau ye: cà na tram haong saradang, pandiak ka laman, pakacah srao haong sara amriak,... Yaok harei gait blei di urang ngak nông meng 500-700kg cà na glai hacih. Kaya ngak meng cà na u angan tanut OCOP 3 patuk tỉnh Long An, daok cang mek angan OCOP 4 patuk di akaok thun 2025.

Nai Lan khan brei thau lac, baoh cà na di Mraong nagar mada ndam gam haong hatai ranam takre di ralo bhap bini rahra, yaom kaom jeng mbiah yau nan ye ralo urang blei dalam nagar jeng ye tuai damuai langiu takre blai di masa raya:

“Urak ini yaom pablei tabiak di dalam jeng ye langiu nagar, bayar abih jeng hu raba 20%. Pasar darak Taiwan takre srau haong baoh amin, daok sara amriak kruac pablei nao Ami… tắc xí muội pablei tapa Singapore haong nagar Úc…”

Di Vĩnh Hưng, Long An, bhum palei tapen nagar hu urang di Hop tac xa Vĩnh Thuận blaoh ganap brah njam mlang saat cih ka urang blei. Di 513 ha ngak padai tui tanut glaong VietGap tok ka dalam nagar jeng ye pablei tabiak. Hadei labaih 1 tháng trun pajaih bilan Đông Xuân, urang rabu rabap iei glang sang brei ka hamu padai caga brei ka urang blei patabiak langiu nagar tapa Amirika hadei Tết Nguyên đán 2025.

Amuk Nguyễn Thị Diệu Ngân, Akaok HTX Vĩnh Thuận, huyen Vĩnh Hưng, tinh Long An, ndom mayai lac: HTX ieik mboh siam brei ka jien ndo kuria dakwah yaom kaom haong urang pablei, yaom dom urang ngak hu taduon mek abih yau nan ye hu ralo urang bui sambai:

“HTX mada neh caik phần trăm ka mikwa, brah padai halei pablei tabiak tapak, ye urang ngak hu kein tapak. Oh njauk lac kapul HTX blei padai 5.000đ pablei tabiak 6.000đ/kg. Urang blei 6.000đ ye urang ngak nong njauk hu abih”.   

Muk Châu Thị Lệ, Phaok akaok Sở Công thương tinh Long An lac: danakdak "Yaok xã yaok sa kaya" OCOP tabiak mbaok meng thun 2018, tal ini hu pamadeih taneh riya, apuh cakak, yaom kaom ilamu bhum palei, patagok jien tame brei ka bhap bini. Langiu di kaya ngak nong, ralo mbaok ndap nda karei di palei jeng hu tagok di dalam bruk pablei tabiak pasar. Mang ngak jeng di bruk ngak pablei tabiak langiu mboh thau thun 2024 di tỉnh madam ek hu 5 tỷ USD, tagok 8,5% dut tui thun 2023. muk Châu Thị Lệ ndom mayai:

“Long An barau brei biai pambuak bruk pablei haong blei kaya dalam jeng ye langiu nagar, chreih hu labaih 10 dalakasi kapul langiu nagar mai pambuak. Blaoh di nan tut tangin tame harak pahadar, pambuak bruk di kapul Hiệp hội doanh nghiệp Long An haong Hiệp hội Ralo di của Singapore jeng ye atau di urang ngak mbang di Korea, Bhum Arab Trung Đông jeng mboh caik hatai tal dom kaya di An”

Hu 650 mbang urang ngak mbang blei salih di bhum palei hu brei daong pambuak bruk pablei salih haong langiu nagar daong ka ralo urang palei peih akaok dah saneng dalam bruk ngak mbang blei salih, di kapul HTX. Ralo kaya OCOP, dom kaya di tỉnh Long An tui sami samar drah brei ka paralo thaik thaok ndap nda, pakapaok haong yaom kaom asal njauk hatai brei ka darak pasar jeng ye ilamu kaya ndap nda brei ka darak pasar waktu masa harei raya Tết./.