Jaik tal harei Kate di palei Cam Hamu Tanran, xã Phước Hữu, huyện Ninh Phước, tỉnh Ninh Thuận maong yau chreih chrai tagok. Thei jeng bui sambai, chreih chrai uan raok harei Kate. Sa-ai Sử Thị Đin saong adei Hàm Nguyên Thanh Ngân, daok di palei Hamu Tanran Tân Đức bui sambai lac:

Ong Nguyễn Đặng Quốc Trung, Phaok akaok UBND xã Phước Hữu, huyện Ninh Phước, tỉnh Ninh Thuận brei thau:

 "Xã pambuak haong mban padang ngak harei Kate hu jak ba 300 urang tamia di mblang caoh mbanh piah salam uan harei Kate jaik tal. Di mblang caoh mbanh tamia piah raok khan ao Po. Karja palei jeng sangka pambuak saong mban  padang ngak piah ngak brei jak jeng harei Kate thun ini. Bruk raok Kate thun ini chreih chrai jang. Rilo urang daoh tamia patagok hatai biak glaong. Tamia dom kadha tamia ndung bak ilamu bangsa, daong tame bruk salam uan harei Kate".

Kate daok lac tuk piah yaih khan ilamo Cam tal tuai damuai daok dalam saong langiu taneh ia. Di labik yu lit bhap bini Khánh Ly Farmstay, dom duk padeih di ini jeng hu tuai kakei dahlau. Kate thun ini, Khánh Ly Farmstay daok padang ngak dom danak dak daoh tamia, yaih khan alat ragam, yaih khan dom kaya pandap mbang bingi di bangsa Cam Ninh Thuận. Sa-ai Hán Thị Khánh Ly, palei hamu Tanran Tân Đức, xã Phước Hữu, huyện Ninh Phước, tỉnh Ninh Thuận lac:

Ba drei tame bruk uan raok Kate, dom urang ngak lan di palei hamu Craok oh padeih tangin, kham merat ngak tabiak rilo kaya pandap ndung bak ilamo Cam piah yaih khan bruk ngak lan Cam tal tuai damuai atah jaik. Sa-ai Phú Thị Đan My, Palei hamu Craok, ban sit Phước Dân, huyện Ninh Phước, tỉnh Ninh Thuận lac:

Piah ngak gheih meta maong ka tuai damuai tuk mai ravang me-in di palei Hamu Craok, ong Vạn Quan Phú Đoan hu ngak sa labik ilamo lan, haong sang gak, daning haluk piah tuai damuai thau ka raidiuk, adat cambat jeng yau bruk khik ramik ilamo di urang Cam. Ba drei tame yu lit palei lan am Hamu Craok pambuak haong duah thau ilamo Cam lac sa bruk hadah krah dui pachreih tuai mai tal Ninh Thuận dalam tuk Kate thun ini:

Jaik tal harei Kate di dom palei Cam mboh chreih chrai tagok. Mai haong Ninh Thuận, mai haong palei lan am meng kal, ba drei tame di dom labik yu lit bhap bini di bangsa Cam, tuai damuai hu caik dalam hatai rilo gheih mekre dalam tuk Kate./.