Xa Mỹ Hương, ban raya Can Tho bahrau hu pagam meng 3 xa Phú Mỹ, Thuận Hưng saong Mỹ Hương, huyen Mỹ Tú, tinh Soc Trang klak. Xa hu rilo mikva urang bangsa Khmer diuk rai. Hadei tuk pagam, karja pakei yam tame tukvak ngak bruk bahrau.

Piah duh bruk siam di abih brei ka rahra, di bruk pagam jeng sa, kham marat, sa hatai di kapul urang jakar, urang pan bruk di jakar bhum palei, Pasak Duh bruk karja xa Mỹ Hương hu pasiam tukvak ngak bruk saong langyah harak gar karja pabak veik 30 minit yap var pagé saong biar harei. Sa-ai Sóc Kha, urang pan bruk di Pasak duh bruk karja di xa Mỹ Hương, brei thau:

“Hadei di pagam, dom rahra bhap bini mai ngak dom harak gar rilo jang, kayua yau nan ye, bruk tagok veik tukvak langyah harak gar jeng hu gah dang akaok di pasak duh bruk karja ndom biai haong dom urang pan bruk. Taong abih brei kein lagaih langyah salah blaoh samar drah dom harak gar ka rahra. Khol dahlak kham marat, sa hatai ngak bruk di drei piah duh bhap bini rahra siam abih saong samar drah di abih di nyu.”

Bruk pagam meng camreip akaok meti mada hu hadom kan kandah, rilo meng di nyu ieu lac mikva bangsa takik oh ka bhian randap saong harrak gar karja. Kayua yau nan ye, Pasak Duh bruk Karja di xa Mỹ Hương hu tagok tukvak duh bruk, caga urang jakar daong abih tung tian, pandar urang jakar, urang ndoan bangsa takik piah pato tacei daong rahra mbuan di thau. Ong Hứa Thượnh, urang daok di puk palei Bắc Dần, xa Mỹ Tú, brei thau:

“Harei ini, dahlak tagok mai di ini ngak harak khan menek ka anek. Tuk mai tal ini hu urang jakar, urang kong chuc xa pato tacei nan mbuan ngak saong biak samar”.

Salih mboh cambaih laih dalam bruk salih bahrau harak gar karja di xa Mỹ Hương daok ngak jeng bruk salih bahrau lagaih haong rahra. Meng bruk tagok tukvak ngak bruk, jhul khang daong dua sap bangsa, tal bruk pandar kong nghe, taong abih jeng nao tal jalan ngak karja duh ka bhap bini rahra. Amuk Trần Thị Thu Ngân, Phaok Yam ndok Pasak duh bruk karja xa Mỹ Hương, ndom lac:

"Bruk tagok ralo tukvak ngak bruk ieu lac sa di dalam dom jalan langyah lagaih, dil samu patakik bruk gar tavak, duh oh samu di akaok tukvak saong puac tukvak ngak bruk karja; brei kein lagaih piah rahra hu tukvak peih praong jang, rilo meng lac mikva nao ngak mbang atah, ramik tukvak piah mai bhum palei ngak harak gar karja mbaoh tangin chung thuc khau tin di drei, mbaoh tangin ka harak likau bruk, di rahra…"

Langiu di nan, Pasak Duh bruk karja di xa Mỹ Hương daok brei mbaoh meng di ini tal tuk tame bac thun bac bahrau, urang mai ngak mbaoh tangin mboh tra karja  , mbaoh tangin harak tame bac rilo. Piah ka dom adei anek saih hu kein lagaih tame thun bac bahrau, Pasak brei pambuak saong dom ndoan the xa padeng dom Kapul Ngak Harak gar karja nao tal yap sang bac piah taduan mek harak gar daong mikva takik hu bruk nao atah saong patakik kateik geik ka Pasak dalam anak tal:

Di dom salih hadei pagam tinh, ban, bruk ngak dalam bruk karja daong xa Mỹ Hương, ban raya Can Tho jeng sa labik hadah. Sa karja jaik rahra, rilo meng lac mikva bangsa Khmer daok dak harei dak hu ngak meng bruk ngak cambaih laih, ngak tathak bruk saong ngak abih tung hatian./.