UB bhap bini tỉnh birau patabiak jalan peih ngak Danak dak pakat negar patagok kinh te - xa hoi  bhum urang bangsa takik saong bhum ceik  di tỉnh thun 2024. Tui nan, karja palei brei taneh daok ka 10 baoh sang; brei sang daok ka 124 baoh sang; daong salih bruk ngak ka 91 baoh sang; daong brei ia pandar ka 57 baoh sang; daong ia pandar pataom sa labik 5 danak dak. Tỉnh kham merat taong abih  palei hu jalan pasak hu tuh betong; buh jien tame ngak dom danak cơ sở hạ tầng  di bhum urang bangsa takik saong bhum ceik.

Gam haong nan, tỉnh daong cak rok patagok bruk ngak nong, ngak glai khang kajap gam khik iek glai saong paglong jien mek tame ka bhap bini; pato bruk ngak ka labaih 400 urang; duah bruk ngak, patagok jien mek tame  ka labaih 100 baoh sang urang bangsa takik saong baoh sang Kinh kathaot, jaik kathaot di xã biak kan kandah…

Labaih 95% urang kumei metian hu khan brei thau ilamu tui iek anek dalam tian, daong y tế, ndih tapui di labik y tế atau hu bruk daong di urang jakar y tế ; daong patagok dinh dưỡng ka taong abih uranaih lavang lavaih di bhum urang bangsa takik.

Tỉnh peih tal pasram,  paglaong ilamo, bruk ngak, pato ilamo phi vat the; daong roh duah, pasiam veik, khik ramik patagok ilamo phi vat the dom bangsa takik mbuan lahik; padang dom bruk ngak ilamo meng kan; dom kaplup kapol ilamo bhap bini di puk, palei bhum urang bangsa takik saong bhum ceik…

Langiu di nan, Bình Phước daok daong ứng dụng kong nghe thong tin ka urang jakar; daong palagaih ka urang hu angan je dalam bhap bini lac urang pambuak bruk chinh tri di bhum palei urang bangsa takik saong bhum ceik.

Piah peih ngak siam dom bruk ba tabiak, tui ong Điểu Nen, Akok Mban Bangsa tỉnh Bình Phước, tỉnh jhul khang pathau khan bruk kham merat di Danak dak pambak praong  tal dom pakat, dom gah, dom bhap bini saong urang bangsa takik piah salih jalan sahaneng dalam bruk ngak bangsa, sarak bangsa, trun kathaot di bhum urang bangsa takik, pamedaih  jalan sahaneng eng drei kham merat yam tagok di urang bangsa takik, abih di nyu lac baoh sang kathaot, jaik kathaot bhap bini bangsa takik.  

Meng jien di kadung Karja pakat negar daong  ka bruk ngak danak dak, kadung jien tỉnh, huyện buh tabiak dahlau saong jak ba, pablak tame phun jien karei njauk tui hukum ba tabiak; paralo bruk jak ba phun jien piah peih ngak, brei jak ba ginup, sumu tui bruk ba tabiak; pakhang bruk jak ba phun jien meng kadung karja tinh saong dom phun jien rik tame njauk hukum di D.N saong jak ba jien daong di dom kapol nyaom, urang dalam saong langiu tỉnh; phun jien brei dahlau, jien rik tame di bhap bini, urang mbang tui sarak.

Bình Phước buh jien tame ngak dom bruk praong saong khang kajap, pataom tame dom xã, palei biak kan kandah; langyah dom bruk daok haduh hatai, njauk ngak drah abih; brei daong  baoh sang kathaot, dom nyaom urang bangsa takik raidiuk kan kandah abih. Brei ngak cambaic laic, dân chủ, patagok  bruk ngak po saong hu mbaok tame ngak, brei hu bruk di mikva bangsa jeng yau bhap bini; patagok jalan sahaneng kham merat yam tagok di bhap bini bangsa takik.

Langiu di nan tỉnh daok patagok bruk salih pandar số saong kong nghe khaw tin dalam bruk pasang iek, tui iek, taong yaom bruk ngak di Danak dak di dom pakat, dom gah; pacang caga, samar duah mboh  saong langyah catang dom bruk ngak suan, tham nhũng, palai pajua dalam peih ngak Danak dak.

Meng rilo jalan peih ngak sumu gauk, thun 2023, tỉnh Bình Phước trun hu 1.344 baoh sang kathaot lac bhap bini bangsa takik, ba dom baoh sang kathaot lac mikva bangsa takik dalam tỉnh trun daok 574 baoh sang. Tỉnh jeng hu langyah bruk ngak brei ka labaih 4.000 urang saong pato bruk ngak ka 3.979 urang bangsa takik./.