Di mbang nyaom biai ka 26 di Mban Pato tacei pakat negar pacang cakak taong mek ikan tasik chung hukum, oh pathau khan saong oh tui adat (IUU), rah tabiak bahrau ini, Dai ta Cao Anh Sơn, Phaok akaok Tong Yam ndok Kapul Ngak kong – Vien thong Bol lin Viettel brei thau: tal ini bruk pambuak dom co so du lieu duh ka bruk pasang iek pandar ikan hadang anak meta hu salah blaoh, mek VNFishbase ngak co so du lieu gok. Di akaok kadha ini, majam pasang iek di kapul caga tapen nagar Bien phong, majam pasang iek jalan gilai ikan di Mentri Ngak nong saong Alam langik gam haong dom majam pambuak hu pasamu, klah rabha du lieu di angaok sa majam yasa:

“Mentri Kong an jeng hu pambuak haong Viettel padang saong ba tame ngak majam pasang iek pablei tabiak, blei tame di angaok nen tang VNeID. Majam ini hu ngak atah di ini 2 adit. Ngak bruk ini dom rahra, po gilai hu harak brei ngak meda tut angan pablei tabiak, blei tame tapen tui jalan online di angaok VneID.”

Daok taong abih, dom jalan langyah ky thuat duh ka bruk pasang iek saong brei thau cambaih laih baoh kadha taong mek ikan hadang hu salah blaoh, brei kein lagaih hu makna ka bruk pasang iek bruk IUU. Asal kadha hu makna urak ini ndih dalam bruk padang ngak bruk di bhum palei, brei pasang iek catang, tani tanat, khik kajap bruk khan tabiak, pabak khau tin ka njauk saong ginup. Trung tuong Lê Quang Đạo, Phaok akaok Tong Tham muu Bol lin rahra Viet Nam pandar:

“Jabat pasang iek karja oh meda ngak ka bhum palei. Dom bhum palei brei ngak bruk pasang iek biak cambaih laih, tani tanat. Tal ini, du lieu lek taka ka gilai ikan hu jao ka kuk Kaya tasik pasang iek, ka labaih 79.000 gilai, khik kajap njauk – ginup – hacih – diuk. Mbang pasang iek taong abih ini brei ka hu ilamo khoa hoc, njauk, jang abih bhum palei brei tame bruk.”

Mentri Ngak nong saong Alam langik hu peih ngak dom kapul ngak bruk pasang iek di 5 bhum palei. Pasang iek pakat Rajaei jeng peih 2 kapul brei pasang iek di An Giang saong di Ban raya Ho Chi Minh. Asal kadha pasang iek rilo meng pataom tame bruk pasang iek gilai ikan tabiak tame pabah lamnge tasik, taong bhat bruk ngak chung gah harak gal, jeng yau pasang iek gilai ikan oh hu ginup kein lagaih bruk ngak, dalam nan hu kapul gilai “3 oh”.

Pambuak tal bruk taong bhat ngak chung gah harak gal hanh chinh dalam gah taong mek ikan tasik, Thieu tuong Đỗ Quang Phương, phaok akaok Kuk An ninh kinh te, Mentri Kong an brei thau, tukvak tapa hu peih bruk pasang iek, taong yaom bruk langyah di dom bhum palei, ngak cambaih laih makna dom harak gal daok kandaong, oh ka taong bhat bruk ngak chung hanh chinh tui adat. Daok bruk pambuak ngak bruk haong Uy mban chau Au, Mentri Kong an brei mboh jalan sahaneng ka bruk yasa saong cambaih laih lek taka.

"Dom kuhria mboh ka gah kaya tasik blei tame darak pasar EC jeng daok dalam bruk hu gah EC pasang iek. Kayua nan meyah khol dahlak oh pasang iek hu lek taka chuan di khol drei oh njauk harei ini EC ba tabiak sa paok lô, paguh ba tabiak sa lô blaoh njauk taong yaom oh pathau khan biak. Nan khol drei brei pasang iek veik taong abih gah pablei tabiak tame EC piah kuhria."

Thu tuong Rajaei Phạm Minh Chính ndom khang lac, bruk ngak chung taong mek ikan hadang oh tui hukum (IUU) hu dui atah rilo thun, ngak kan kandah trak tal angan je di negar. Thu tuong pandar pasang iek taong abih, brei ciuk bruk ngak di drei di yaok kapul, urang menuac, abih di nyu nan lac urang dang akaok pakat uy, karja palei; oh brei ka gilai ikan oh hu ginup kein lagaih hu tabiak tasik. Thu tuong jeng pandar jak ba taong abih majam politit saong dom jabat truyen thong tame ndom meyai ka bruk taong mek IUU, gam haong nan jhul khang bruk salih bruk ngak, brei bruk ngak karo kajap ka urang nao tasik.

 Mentri Ngak nong saong Alam langik brei thau hu salah blaoh pathau khan tukvak tui pandar di Uy mban chau Au (EC). Ini lac labik gah EC patui taong yaom, mbaoh tangin pandar kapul tapa Viet Nam ngak bruk, maong iek bruk talaih atau oh talaih “kat kanyik” IUU./.