Umo 95 thun,  hu 77 thun Đảng, 47 thun dalam bol bala,  Đại tá Nguyễn Hữu Tài, dahlau diah ngak Chủ nhiệm Chính trị Trung đoàn 209, Sư đoàn 312;  Phaok akaok Cục Quân huấn, Bộ Tổng tham mưu jeng daok kanal cambaih dom harei bilan mesruh metak  di mblang mesruh Điện Biên Phủ; abih di nyu nan lac kanal hadar ka Đại tướng Võ Nguyên Giáp, urang pabak dahlah pui ka ong jeng yau dom ayut sahabat, dom urang lin tuk nan.

Đại tá Nguyễn Hữu Tài daok hadar, akok bilan 4 thun 1945, tuk nan ong lac chủ nhiem chinh tri Trung đoàn 209, hu Đảng ủy Trung đoàn ba mai ngak bruk di Tiểu đoàn 154 piah gam haong chi huy ba akok tieu ndoan  peih bruk pacang mesruh di mbon ceik D1. Dalam sa mbang ngak bruk haong ong Hoàng Cầm, Trung đoàn trương mai Sở chỉ huy ginum biai pataom iek veik dua mbang taong kalin, ong Tài biak kanal dalam hatai bruk ndom puac biak gheih di Đại tướng, hu meyaom, hu tacei tabiak kan kandah, dom labaih, kurang…Min kadha ong hadal abih lac thaot binguk Đại tướng caik hatai pang saong tangi sua cambaih laih ka jalan nao, ka mbaok taneh, ka raidiuk di bộ đội..“Đại tướng biak caik hatai sangka tal bruk mbang menyum, pren yawa, labik mbang, ndih, padeih padeih di urang lin dalam labik  mesruh mbon ceik D1. Ngak bruk blaoh, Tổng Tư lệnh da-a khol dahlak daok veik huak lisei jala. Var huak biak bingi, hu rilo pabui hana, hu ia bai njam sabei saong abih di nyu lac bruk bui sambai chreih chrai di Tổng tư lệnh ngan haong urang jakar di labik mblang mesruh gilac mai veik.  Nan  lac tukvak biak bui sambai saong hadar dalam hatai  oh var hu ngan haong khol dahlak dalam bruk mesruh metak  biak rambah rambeip saong mbuan metai lahik.”

Daok ngan haong urang bol lin dahlau diah angan Quàng Văn Khỏ, daok di xã Mường É, huyện Thuận Châu, Sơn La, lac urang gam haong dân công, dam dara xung phong kandang jua daong ka bol lin lam lubang mbom angaok jalan  ceik Pha Đin, tuk hu taom gaok Đại tướng lac biak uan tabuan luac rai ong oh var hu. Ong Khỏ khan veik, hadei di jayah Điện Biên phủ, ong tame ngak lin, lac urang lin Trung đoàn 148 ngak bruk di Điện Biên. Dalam mbang Đại tướng mai rivang viek Điện Biên thun1955, ong Khỏ hu taom gaok, hu pang dom panuac pachreih ba, pato kakei di đại tướng:“Ong Gíap mai rivang, chap tangin yaok urang, pachreih ba kham merat bac da-a, pasram megru. Urak ini, peih paha Điện Biên paje, kol drei kham khik caga taneh ia, palei negar drei. Tuk nan 5.000 urang dang tui talei bak mblang Điện Biên piah hu taom Đại tướng”.

Oh lac urang jakar, urang lin, bo dalam baoh hatai bhap bini dom bangsa bhum can cu cách mạng Mường Phăng, TP Điện Biên Phủ, thaok binguk Đại tướng gheih ghang bo anit ranam, abih hatai sangka…jeng daok tamo. 

Thaok binguk saong dalikan ka Đại tướng oh lac pambuak pagam haong jalan lubang, kadai tuan daok, bilai pasang iek…di Sở Chỉ huy chien dich thun nan, bo daok hu mboh di dom mblang hamu praong, hu pabak ia pruh meng binek Loọng Luông, atau daok lac “ Binek Đại tướng” - Danak dak hu padang ngak meng blah thư bo Đại tướng vak payua Mentri Chính trị, Rajaei saong dom bộ, ngành Trung ương, hadei di mbnag nao rivang Mường Phăng thun 2004. Yaok mbang khan veik bruk ndem meyai di Đại tướng haong mikva dalam mbang mai rivang Mường Phăng, ong Lò Văn Nụi jeng mboh dalam hatai rilo bui sambai: “Wa Giáp tangi, wa mai ini daok sa adit Mường Phăng raong hu ha-oh? Khol dahlak javap calei lac hu, raong hu; Bhap bini Mường Phăng hu nao bac ha-oh? Hu noa bac abih gauk, oh hu thei klak akhar tapuk; bhap bini Mường Phăng eik lapa ha-oh? Oh eik wa lei. Blaoh abih gauk pah tangin saong wa tabiak nao…”

Yaom lac baoh hatai praong uranam nan ndih var kandang hadei di labaih sa abap patak pataom yaok mbang megei di baoh hatai daong ka taneh ia ka Điện Biên; min dom thaot binguk siam mekre di urang sa-ai kacua di bol bala bhap bini Viet Nam tuk halei jeng lac drap ar praong ngan haong bhap bini dom bangsa, ngan haong rairah harei ini saong harei hadei./.