HTX thanh long Thuận Tiến hu pdang tagok di bilan 10/2016. Yaom lac tabiak rai suai jang duk haong rilo HTX karei dalam tỉnh Bình Thuận, min 11 urang tuk camereip di HTX hu pilih ruah ka drei jalan nao karei, nan lac pala thanh long hacih tui jalan VietGAP saong oh pagam pambak rilo tame darak pasar Trung Quốc. Ong Trần Đình Trung, Akaok Kapul Khik ramik HTX thanh long Thuận Tiến khan lac: “Thau meng tuk padang HTX lac brei pala thanh long tui jalan hacih saong salamat, nan ye tuk ba tangin tame pala thanh long di mangaok taneh praong 30 ha, HTX tuk halei jeng ngak catang tui jalan di VietGAP. Meng nan, baoh thanh long paik blaoh tuk halei jeng khik hu hacih, bingi, pabak hu hatai caong di dom gah pambuak bruk blei”.

Akaok thun 2017, meng baoh thanh long mek hu tanut chuẩn VietGAP, hu bruk daong di Socencoop saong danak dak Mutrap kayua Liên minh châu Âu daong, HTX thanh long Thuận Tiến mek hu chứng chỉ GlobalGAP. Hadei di nan, HTX hu mbaok tame Nyaom darak pakat dunya Fruit Logistica 2017 di PasakNyaom darak Parang iek Berlin (negar Đức).

Meng hadei di nyaom darak nan, hu biak rilo labik kakei blei biak rilo, min HTX oh taduan panuac kayua oh pabak hu abih. Hadei di nan, HTX brei pambuak bruk pala ngak haong dom HTX karei dalam tỉnh piah hu rilo baoh thanh long pabak ka hatai caong di darak pasar.

Urak ini, tuk HTX mbaoh tangin pablei haong sa labik pambuak bruk tame darak pasar châu Âu haong yaom tani tanat 23.000 đồng sa kg, HTX pataom dom urang dalam HTX mai ginum biai, brei thau cambaih dom yaom jien sahui yau ye: kho bãi, tame paok, khik ramik…, yaom daok veik lac 19.000 - 20.000 đồng sa kg ye urang dalam HTX hu mbang tapak. Meng bruk tantu, cambaih laih saong ba mai kein laba ka urang dalam HTX, nan ye yaok thun, HTX blei tame 300 tấn thanh long siam mek hu tanut chuẩn piah pablei tapa dom darak pasar kan tame yau châu Âu, Australia, Mỹ. HTX hu rik daong patagok jien mek tame tani tanat ka dom urang dalam HTX meng 35% tagok tal 50% sa thun saong tagok taneh pala thanh long meng 30 ha tuk camereip tagok labah 70 ha.

Yam ndok Trần Đình Trung brei thau, meng salih jalan ngak tui jalan pala thanh long hacih, salamat, HTX meng khik ramik saong padang hu darak pasar tani tanat, paglaong raidiuk ka mikva. Bahrau di abih, HTX thanh long Thuận Tiến hu tame dalam HTX Hệ Sinh thái pala ngak saong pablei pandar khang kajap Bình Thuận saong jeng hu mbang pablei tapa darak pasar Australia, Ấn Độ.

Anak tal, HTX brei peih praong jang 20 ha thanh long tui tanut chuẩn GlobalGAP haong sản lượng 30 tấn sa thun piah pabak hatai caong biak catang ka bruk salamat pandap mbang di dom darak pasar kan tame.

Thun 2020, HTX thanh long Thuận Tiến mek hu chứng nhận OCOP thanh long ralow mbong patih 4 patuk saong thanh long ralow bhong meriah mek hu 3 patuk. Langiu di nan, HTX thanh long Thuận Tiến daok hu mbaoh tangin pambuak bruk haong rilo doanh nghiệp xuất khẩu haong yaom tani tanat ka dom urang dalam HTX meng 22.000 - 23.000 đồng sa kg. Abih di nyu nan lac, HTX daok mek hu chứng nhận Organic 10 ha. Tal thun 2022, HTX hu peih praong jang dom HTX thanh long karei dalam tỉnh. Jeng dalam thun ini, HTX thanh long Thuận Tiến hu 10 ha chứng nhận Ngak nong hữu cơ châu Âu saong labaih 13 ha hu harak chứng nhận GlobalGAP. Langiu di nan, HTX thanh long Thuận Tiến daok mek hu Harak chứng nhận tut angan pandap kayua Cục Sở hữu trí tuệ pabak brei,  HTX tuk halei jeng pandar ilamu công nghệ glaong dalam pala - ngak, yau ye: salih gom LED, jalan pruh ia sit sit saong hu pambuak bruk haong Kapul urang ngak nong pathau khan ka urang nong salih hu jak jeng...

Meng dom bruk ngak hu praong yau nan, HTX Thanh long Thuận Tiến lac HTX camereip abih di tỉnh hu Kapul urang ngak nong Việt Nam pakat negar pasang iek, pilih ruah saong pok meyaom lac HTX hadah krah pakat negar thun 2023./.