Ong Nguyễn Tấn Mai (palei 2A, xa Bình Thắng, huyen Bù Gia Mập) tamlow tangaoh meng tuk menek tabiak, diu ong nao paik pa-aok blait labuh jaoh tangin ieu, takai ieu saong 2 tuk talang ka-ing. Sang ong hu 3 anek, anek kacua ruak meruai, anek kreh ye padeih bac nao ngak pah duah jien daong baoh sang, Kapul Daong urang jaoh jo, uranaih metuai saong urang ruak sang kathaot tinh Binh Phuoc jak ba gah ngak pahla padang baoh sang khang kajap hu abih tih yaom labaih 136 triệu đồng. Baoh sang ndung bak hatai anit ranam daong baoh sang ong mai patui veik kham merat dalam raidiuk.

Jeng dreih yau nan, sang ong Mai Quang Huy (palei Bù Tam, xa Hưng Phước, huyen Bù Đốp) lac sang kathaot, khan kandah ka sang daok. Ong gaok ruak trak, bhian nao sang iek ruak piah taong ruak, sang ong oh hu taneh piah ngak mbang, raidiuk biak kan kandah. Thau ka bruk rambah rambup di sang ong. Chi doan Jabat An ninh kinh te, Kong an tinh Binh Phuoc jak ba gah ngak pahla alin hadiah baoh sang Gul pataom 40m2, hu abih tih jien labaih 60 trieu dong. Ong Huy drut druai saong bui sambai tuk hu sangka, daong jien padang baoh sang bahrau praong laneing, khang kajap. Dan haong baoh sang ong Mai, ong Huy, tukvak tapa, yaok ribau baoh sang caong takre hu alin hadiah ka baoh sang kan kandah ka sang daok di tinh Binh Phuoc.

Tui ong Hà Anh Dũng, Akaok Uy mban Mat tran Negar Viet Nam tinh Binh Phuoc, haong asal kadha “Karja daong, rahra ngak po; Ndang pan akaok, Karja pasang iek, Mat tran Negar haong dom pakat chinh tri xa hoi daong”, tukvak 2019 - 2023, Kadung jien “Kayua urang kathaot” tỉnh daong padang labaih 5.000 baoh sang Gul pataom, hu yaom jaik 313 ty dong ka baoh sang kathaot kan kandah ka sang daok. Dalam thun ini hu padang salah blaoh 512 baoh sang. Dom baoh sang hu padang sit abih meng 50m2 ba tagok, anak meta hu ngak njauk hatai caong ka sang daok di rahra.  

Theo ông Hà Anh Dũng, Chủ tịch Ủy ban Mặt trận Tổ quốc Việt Nam

Akaok UB Bhap bini tinh Binh Phuoc Trần Tuệ Hiền ndom lac, ngak brei oh daok baoh sang taik tahak lac sa dalam dom jalan ngak praong di Ndang, Karja, bruk ngak hu makna praong dalam di taong abih pakat chinh tri, piah trun kathaot khang kajap saong padang palei pala bahrau, daong patagok kinh te, xa hoi bhum palei. Tal abih thun 20025, tinh kham merat ngak salah blaoh 717 baoh sang padang bahrau, pasiam veik sang daok ka baoh sang kathaot, jaik kathaot saong urang hu ngak phol.

Ngak Danak dak jalan ngak negar, paglaong raidiuk mikva bangsa takik, tinh sami samar peih ngak Danak dak 1 piah daong taneh daok, sang daok, taneh ngak mbang saong ia pandar ka 58 xa bhum bangsa takik saong bhum ceik, daong mikva hu tani tanat raidiuk, patagok bruk ngak mbang. Tal abih thun ini, Binh Phuoc daong sang daok ka 124 baoh sang, dalam nan padang bahrau ka 99 baoh sang saong pasiam veik sang ka 25 baoh sang. Dalam thun ini, padang salah blaoh 512 baoh sang, hu yaom padang bahrau 80 trieu dong sa baoh sang, haong abih tih jien labaih 40 ty dong.

Dang akaok tinh Binh Phuoc pandar dom bhum palai pasang iek, pan kajap harak baoh sang kathaot, jaik kathaot, baoh sang kan kandah, rahra khat lahik kayua rabuk ia sua, langik tasik salih karei, baoh sang hu urang hu phol haong cach mang gaok kan kandah ka sang daok piah hu jalan ngak, piah ka njauk urang menuac, njauk jalan ngak, siam lagaih, njauk hatai haong gauk dalam bol bhap rahra. Gam haong nan pasang iek siam lagaih beuk ngak piah brei oh daok baoh sang taik tahak ka baoh sang kathaot, jaik kathaot, urang hu ngak phol; paglaong bruk pasang iek bruk jak ba, daong jien saong ngak bruk, khik kajap oh hu bruk jhak halei rah tabiak.

Bruk ngak an sinh xa hoi, sangka raidiuk ka urang kathaot lac bruk ngak di sa pakat chinh tri saong dalam xa hoi, kayua nan, tinh paglaong prein ngak, jak ba prein ngak dalam rahra, ngak jeng bruk pakacah praong. Dalam nan, jak ba peih ngak, doanh nghiep daong jien, ba tangin tame brei oh daok baoh sang taik tahak piah patagok glaong abih bruk jak ba prein ngak dalam bol bhap rahra. Binh Phuoc daok pathau khan urang naih gheih, bruk siam, urang menuac bahra, bruk ngak lagaih, ngak tabiak bruk pakacah chreih chrai dalam jabat, kapul, puk palei piah danak dak pakacah “Ba tangin tame kayua urang kathaot – oh hu thei klak di lakuk” saong “Ngak brei oh daok sang taik tahak” hu prein pambak praong. /.