Bruh lama meng kan di Biên Hòa ieu lac sa baoh sang gah bol lin praong yang ka dua di gah Meraong nagar, hadei di Bruh Gia Định dan haong bruh lama yang ka sa di Meraong nagar daok kandaong mbiah tal ini. Dawang baoh sang ini praong 18 ha, min tapi kayua kalin kan masuh matak jaman kalin haong Prang daok sit jang 1/8 dut haong dahlau. Urak ini, num mek ini daok kandauk lakuk di dom baoh sang praong glaong baoh sang barau ngak jaman barau jeng ye tukik urang hu nao mai.

Văn miếu Patau akhar huruh Trấn Biên (daok di Ban Biên Hòa) ieu lac baoh patau akhar huruh petama camemreip di gah meraong Đàng Trong, jaman Putau Nguyễn. Nyu ieu lac sa labik gam haong sajarah peih paha nagar gah maraong di mukei. Thun 2015, di Văn miếu Trấn Biên hu tagok jeng ye ba tame pandar Bein tượng urang hu angan je min tapi urak ini, kayua oh sangka ieik glang, rami ramik bhian yau nan mboh nyu trun yaom. Ong Quản Minh Cường – Phaok Bi thu Tinh uy, Akaok urang jakar Rajaei tinh Dong Nai ieu jabat ieik glang nyu, ieu lac Taong Kong ti Dofico Dong Nai njauk ieik glang tani tanat:

“Mayah oh ngak hu njauk baya ka tỉnh chip, ngak jeng ye ngak ka bahu ngak siam. Brei ka hareik tamuh, danieng karaik, ini ieu lac inum krem ilamu sajarah njauk khik ramik siam makre. Urang Korea, urang Cina bluh yawa ialamu tame piah brei jeng ngak mbang padang ekonomi, pato padar ilamu bangsa, kambuan khanat ilamu bangsa.”

Ong Trần Quang Toại – Akaok Pahasa Sajarah tinh Dong Nai brei thau: Oh karo urak ini dalam khik ramik, patagok yaom ilamu inum krung, ilamu tame jalan jaka karja. Tui patacei di Mintri ilamu, Pathit dan haong Jirah rivang, bruk sangka ieik glang hu brei jao dat.

Pagap ye dom inem krgun ilamu hu dak angak caik angan jao ka pakat ieik glang tui pakat tỉnh atau pakat huyen. Tui ong Toại, bruk jao brei glang ieik ka dom pakat ieik glang mboh lagaih. Min tapi mboh oh lagaih kayua pakat mala ye mboh jaka ieik glang gah inum krun ilamu oh ganap ilamu piah thau, ini lac oh lagaih brei ka bruk ngak. Pagap ye Inum krun Kubo Mộ cự thạch Hàng Gòn (daok di xa Hàng Gòn, Ban Long Khánh), hu umur labaih 2.000 thun, roh duah mboh meng thun 1927. Ong Toại lac, urak ini Ban Long Khánh hu brei jao ieik glang inum krun ini, mada hu buh jien padai bruk prein yawa yaok rituh ty jien dong min tapi jeng mboh daok yau balau:

 “Ban Long Khánh hu Jabat bilik ilamu Phòng văn hóa barau hu oh ka tal 10 urang ngak bruk, urang dang akaok pan ralo bruk ieik glang karei, barau pah sa urang ieik caga haja. Mayah oh rami ramik ieik glang saneng Kuhria ye gah ilamu oh ganap urang, ngak yau habar ganap prein piak khik ramik iei glang ilamu inum krun.”

Piah ganap jien ndo piah daong ka gah ngak ilamu, So Ilamu, Padhit gan haong Jirah rivang tinh Dong Nai barau brei harak khin mek jien brei ka 5 labik inum krun ilamu, ilamu - sajarah.

Jien blei harak brei ka uranaih meng 5.000 – 10.000 dong, urang praong meng 10.000 – 20.000 dong. Jien khik gac tui labik tui karei, meng 35 tal 50 dan haong 100%. Bruk khin lakau yau ini si jeng harak adat brei patagok HĐND tỉnh ieik glang. Ông Nguyễn Hồng Ân – Phaok Yam ndok So Ilamo, Padhih saong Yulit tinh Dong Nai brei thau lac:

“Jien pablei harak mek tame mai meng labik di inum krun jeng ieu lac sa bruk piah buh jien tame veik gac brei ka labik inum krun, bayar jien gom jien ia, jien ieik caga, pahacih jeng ye pasiam pagheih mblang win taom dal labik inum krun. Caik hatai brei ka bruk pandar jien ini njauk brei pandang pahadah bruk pandar jien daong ka ilamu inum krung siam makre dak siam jang.”

Bruk caga khik ramik, paglaong pasiam dom yaom kaom dom inum krun ilamu ieu lac sa jalan siam, njauk. Min tapi, njauk ngak njauk ngak siam jeng ye njauk caik hatai, buh prein yawa jien padai ka njauk piah hu ralo kein lagaih, mayah oh khik rami ramik dom inum krun njauk adat njauk hukum njauk tui ilamu ye drei oh ngak njauk siam dalam caga khik ramik siam makre ilamu bangsa drei./.