Tui jalan dak rai sajarah, urang Lor mai tame bhum taneh gah Meraong jeng yau Bei Gon – Cho Lon di abap 17, Cho Lon akaok mereip tok hu sa labik darak prong jang dom baoh darak karei dalam bhum, hu padang tagok mai meng bhap bani urang Yuan saong urang Lo akaok mereip mai daok di ribaong Tau Hu – Ben Nghe.

Harei ini, labik phuong Cho Lon (dalam nan phuong 11, 12, 13, 14 di Quan 5 klak) oh lac pasak ngak mbang pablei salih bak manuac urang blaoh daok lac labik khik ramik rilo yaom ilamo, dak rai sajarah, brei mboh cambaih laih bruk pambuak gauk nao mai di bhap bani gah Meraong. Dom canah jalan o kapal co daong ka bruk nao mai mbuan laghaih, takik rah tabiak bruk gar radaih, palaghaih ka bruk ngak mbang pablei salih.

Phuong Cho Lon yau ye sa labik pataom rilo darak pasar abih di Ban raya  Ho Chi Minh. Labik ini hu dom baoh darak daneiy angan yau darak Kim Bien, Phung Hung, Ha Ton Quyen, Xa Tay… Langiu di nan daok hu dom canah jalan pablei salih meng kan yau canah jalan ndong y Hai Thuong Lan Ong, jalan long đen Luong Nhu Hoc…

Amuk Diệc Quần Yến, po kuan kadai pablei jru Dưỡng Ký, phuong Cho Lon, klah rabha: “Kuan di sang dahlak peih ngak mbang di ini labaih 60 thun, tapa dua rai rah meng ame dahlak tal dahlak taduan khik. Khaol dahlak bhian pablei salih dom janih jru meng kan. Ini jeng lac bruk ngak hu pambuak pagam haong baoh sang dahlak meng lavik mai. Cho Lon oh tok lac labik caik pablei salih, bo daok lac labik piah khik ramik ilamo, adat cambat tanarakun meng kan mai di bhap bani urang Lor. Hu patui veik khik kuan pak ini nan lac kadha hadah mbaok hadah meta saong jeng lac jalan ngak piah ka dahlak rik daong tame bruk khik ramik binah halei inem krung biak karei di canah jalan ndong y”.

Langiu di phuong Cho Lon daok hu angan lac labik nyaom pataom, pambuak bruk nao mai ilamo  Yuan – Lor biak karei, brei mboh cambaih laih tapa dom inem mek ka kien truc nghe thuat hu yaom dak rai sajarah meng lavik mai. Yaok sa kong trinh nan lac sa inem brei mboh ka bruk cak rok patagok di bhap bani urang Lor, gam duh ka hatai jia, gam ngak jeng mbok meta ilamo biak karei. Dom nyaom darak ini oh lac tok khik ramik dak rai meng kan, bo daok lac hadah tanjak ka bruk duah thau ka inem krung ban yao di tuai damuai tuk mai rivang ma-in ban raya.

Cho Lon meng lavik mai hu jeng pasak ilamo di bhap bani urang bangsa Lor di ban raya Ho Chi Minh. Labik ini daok khik ramik hu ilamu sang danaok kien truc nyaom kapul pahasa, baha, kalan yaok rituh thun, ndung bak yaom ilamo dak rai sajarah, my thuat biak karei yau: Nyaom kuan Tue Thanh, Nyaom kruan Nghia An, Nyaom kuan Nhi Phu, Nyaom kuan Hai Nam, Nyaom kuan On Lang, Nyaom kuan Nghia Nhuan, Nyaom kuan Le Chau – Sang kakuh amuk akei jang pariak, Nyaom kuan Ha Chuong...".

Dom kong trinh ini oh tok lac labik peih ngak hatai jia di bhap bani blaoh daok lac labik piah pachreih tuai damuai urang jirah di dalam nagar saong langiu negar. Rilo rịa roya meng kan yau Tet Nguyen tieu, adat kakuh Ong Bon, adat kakuh Quan Cong… hu peih ngak dalam prong prang, hu jeng ndap nda rrivang sirah ilamo biak karei, rik daong meyaih khan thaik binguk Cho Lon.

Ong Lâm Minh Huy, Akaok mban khik iek Nyaom kapul pahasa Hai Nam, brei thau: “Khaol dahlak mong iek bruk khik ramik inem krung nan lac bruk ngak di drei saong lac kadha ngak brei hadah mbaok hadah meta. Dom nyaom kuan tuk halei jeng khik ramik janih ilamu kien truc biak karei, adat cambat saong ilamu meng kan, taphia di nan pambuak bruk haong karja puk palei piah taduan raok tuai damuai mai rivang sirah, duah thau ka rai diuk ilamo, hatai jia di bhap bani urang bangsa Lor”.

Tapa dom rai rah, Cho lon jeng daok lac labik pablei salih prong saong lac nyaom pataom ilamo Viet – Hoa biak karei. Oh tok lac pasak pablei salih, labik ini daok khik ramik inem krung dak rai sajarah, hu jeng gang jameng ilamo, bruk ngak mbang pablei salih di ban raya Ho Chi Minh./.