Tui amuk Nguyễn Thị Thu Phương, Yam ndok Công ty Cổ phần Damaca Nguyên Phương, meng tuk pandap hu pok brei angan OCOP 4 patuk, darak pasar pablei tabiak hu peih praong. Pandap hu mbaok di abih tinh, ban dalam nagar. Puac thun 2023, ndap nda asal mắc ca pakat glaong Đắk Lắk hu pablei tabiak tui jalan chính ngạch pablei tapa darak pasa Nhật Bản… Urak ini, gam haong bruk paglaong angan ndap nda, urang ngak mbang blai salih patui veik paglaong bruk mayaih khan pandap panda tabiak dom darak pasa hu kein laba.

     "Ndap nda di Damaca Nguyên Phương hu mbaoh di labaih 47 tinh, ban di negar Japan. Daok di darak pasar Korea ye jeng ba hu dom paok ndap nda camreip pablei tapa. Urak ini, kol dahlak hulin jeng daok ngak bruk haong dom darak pasar hu kein yau ye darak pasar Cina, dom darak di dom taneh ia Ả Rập ye caong maong dalam tukvak masa anak tal meda taduan hu bruk siam lagaih meng darak pasar”.

        Sa dalam janih ndap nda hu angan dalam danak dak piah caik angan 5 baoh patuk di Đắk Lắk brei tame taong yaom OCOP pakat nagar di masa anak tal, Cà phê maja angan Kiên Cường di Công ty TNHH sa angan Kiên Cường, Ban. Buôn Ma Thuột, tỉnh Đắk Lắk mada tapa masa paganap rup drei. Ông Hoàng Mạnh Cường, akaok urang ngak mbang brei thau, thun 2021, kopi maja Kiên Cường hu UBND tỉnh Đắk Lắk brei tanut OCOP 4 patuk. Ruong ini thau lac janih ndap nda nyu mada mek hu angan piah tame darak pasar… Tapi min oh padeih di nan, gam tui caong khin yaom kom ndap nda harei dak hrei tagok glaong piah pablei tabiak langiu nagar. Urak ini Kopi maja Kiên Cường ndah pablei tapa Japan, Korea, Philipin dan Australia.

         “Dak harei drei njauk dak ngak siam jang bruk ngak labik dang di drei angak darak pasar. Yang ka 2, di dalam pandar ndap nda dak harei dak hu ralo urang caik hatai tal dom janih siam di ndap nda tui tanut brei angan di nyu. Brei angan ndap nda OCOP ieu lac sa janih khan cambac lac haong darak pasar lac, po di nyu hapah kham marat tantu ngak siam njauk tui hatai urang caong khin. Tui di nan njauk hu ndap nda darak pasar siam gheih jang”.

       Tỉnh Đắk Lắk tal ini hu 237 janih ndap nda angan OCOP yaom meng 3 - 4 patuk, 2 janih ndap nda mada hu angan 5 patuk. Tui ông Nguyễn Hoài Dương, Akaok Sở ngak Nông haong Patagok Bhum palei tỉnh, brei thau ini lac nyu daok tukik tui sa baoh bhum palei hu ralo kein lagaih brei ka gah ngak nông yau ye di Đắk Lắk. Piah brei ka ralo kein lagaih jang di masa meng anak, Sở ngak Nông haong Patagok Bhum palei mada pagam haong dom labik piah daong ka dom po OCOP patagok yaom kaom ndap nda hu mbiah, jeng ye dom janih ndap nda barau brei ngak njauk tui tanut jalan yaom kaom angan OCOP pakat nagar.

        “Sở Ngak nong tuk halei jeng hu danak dak, cara, jalan thuan piah gam haong pakat palei daong dom dom labik ngak mbang caik hatai ba kuhria ngak tui tanut brei angan, hu gok asal khik siam karo kajap alam, njauk tui tanut brei di dom nagar yau ye Japan atau di Eropa Châu Âu”.

    Maong mboh lac dom po  OCOP Đắk Lắk ba hatai eng dang ngak tui jalan ba ndap nda ngak nông di “danao kawei” palei drei uak tabiak “ia tasik praong”. Đắk Lắk jeng caong khin ndap nda di drei hu angan khang kajap yau ye kopi, mamriak kalu, kakao, padai brak, maka…mek hu angan OCOP 5 patuk piah kein lagaih jang tame ginum biai ngak mbang blei salih jaman barau bo Việt Nam ieu lac sa baoh piah yam tame dan haong pablei di darak pasar dunya./.