Di dom baoh darak pasar meng kan di Ban Raya HCM, pandap panda Trung Quoc hu mnoh bak saong ginup janih, meng khan ao, takhok kalik juak, my pham tal pandap panda kaya mbang, pandap menyum, har meneng, mì paok… hagait jeng hu.

Biak rilo janih pandap yaom lap jang pandap di Viet Nam meng 20-35%, pandap panda siam gheih, mong mek meta, pabak hu hatai caong khin di urang pandar.

Di darak An Đông (Quan 5), dom kajang pablei khan ao, kadung teik binah prong lac pandap Trung Quoc. Tui urang pablei salih, dom pandap panda ini hu rilo janih, mong iek mek meta, yaom lap nan ye urang blei pandar biak takre.

Ngan haong yaom jien meng 250.000- 350.000 đồng, urang blei pandar meda blei hu blah ao, blah khan pandap Trung Quoc, asal khan bai mboh biak laneng lanoi. Dalam tuk nan, meyah blei pandap dalam negar ngak tabiak ngan haong asal khan bai jeng yau nan min yaom di nyu meng 350- 450.000 dong sa blah.

Daok di darak pasar Bà Chiểu, quan Bình Thạnh, dom janih khan ao di Trung Quoc pablei haong yaom oh samu sa meteh yaom pandap panda Viet. Sa-ai Lê Khánh Quỳnh 25 thun daok blei ao thun di darak ini ngan haong yaom 40.000/sa blah, khan brei thau:

“Pandap panda ini yaom lap laghaih haong kadung jien di drei, asal pandap di nyu oh dut samu haong pandap hu yaom meng 300-400.000 đồng sa blah ao min nyu grap takre. Drei saneng urang blei pandar oh sangka nyu lac pandap Trung atau pandap Việt bo urang blei sangka tal yaom kaom, asal di nyu.Meyah pandap Trung Quốc yaom lap, asal siam jang ye urang blei pandar jeng palih ruah pandap Trung Quốc”.

Di darak pasar Thị Nghè di quan Bình Thạnh, binah prong pandap kadung teik pak ini pablei nan jeng lac pandap Quảng Châu -Trung Quoc. Pandap ini pablei rilo dalam darak saong dom labik di gah langiu vin taom dhar darak, kadung teik tangin hu yaom meng 190.000 tal labih 400.000 sa baoh. Pandap panda hu ngak biak gheih, rilo gah, talei katung bak prong, jalan jik khang kadang saong bhian ngak mblah thaik thaok dom angan je prong yau Gucci, Channel, Coach …

Kajang pandap di sa-ai Châu di darak pasar ini pablei kadung teik pandap Quảng Châu- Trung Quoc. Sa-ai khan brei thau, pandap ini biak gheih, yaom lap, asal di nyu grap tanat nan ye pablei biak nduac, daok pandap panda ngak tabiak dalam negar biak kan pablei.

“Pandap panda Quảng Châu gheih mekre, mong iek mek meta, jalan jarum akaok marai gheih. Binah prong urang blei pandar thei jeng sua tangi pandap Quảng Châu nan ye brei mek mai pablei biak hu. Daok pandap Việt Nam, dom kadung yek, mbop sit yaom meng 100.000-120.000 ye jalan jarum akaok merai mboh biak jak nan ye drei oh mek mai pablei. Drei mek pandap Quảng Châu jeng nduac jang”.

Oh lac tok khan ao saoh, kadung teik bo di darak pasar meng kan jeng hu rilo pandap panda kaya mbang, pandap menyum di Trung Quoc jeng yau dom janih phụ gia, topping ngak te ia tasau saong har meneng, keo, mì paok… Dom janih pandap ini sambo màu mboh biak mek meta saong lap jang pandap panda di Viet Nam biak rilo.

Amuk Lê Thị Giàu- Akaok Hoi dong quan tri Kong ti Co phan pandap panda Bình Tây ndom lac, darak pasar dalam negar daok meriak gauk biak catang haong pandap panda di Trung Quoc. Pagap yau, yaok paok mì mbang chip di doanh nghiep amuk pablei yaom jaik 5.000 đồng sa paok min pandap di Trung Quoc pablei tok 3.000 dong sa paok.

Akaok thun tal ini, pandap panda pablei tabiak negar langiu di Bình Tây tagok 35%, min di darak pasar dalam taneh aia gilac trun 20%. Bruk ini brei mboh lac pandap panda di doanh nghiep daok njauk lah di pandap Trung Quoc angaok mblang di drei. Amuk Giàu caong khin:

“Urak ini, pandap panda Trung Quoc daok meriak gauk di taong abih dom gah pablei pandap oh njauk lac di darak pasar meng kan saoh. Pandap panda di Trung Quoc angaok darak pasar biak rilo, meng pandap pandar blei pandar, pandap panda blei caik dalam sang, kaya mbang… yaom biak lap. Drei njauk hu jalan ngak piah pacang khik urang blei pandar, jalan ngak piah daong ka doanh nghiệp meng hala paga ilamu, jien je… piah meriak gauk ka nyu siam gheih. Ta-eng doanh nghiep jeng njauk salih bahrau ilamu jalan ngak, ngak tabiak pandap panda siam jang ngan haong yaom lap jang saong dak padang angan je piah meriak gauk”./.