Oh daok kan kandah, oh ngak ginuh glac anek tacaow di bruk raok nao mai tuk nao taduan jien hưu, atau ngak harak bi-ar bảo hiểm, ong Nguyễn Văn Minh pak xã Ea Ning, huyện Cư Kuin urakni eng drei pasang iek panuac dalam tài khoản gilang pariak saong dom danak dak sarak ka urang jakar padei hưu di tài khoản online hu mbaoh angan haong gilang pariak saong bảo hiểm xã hội tỉnh. Ong Nguyễn Văn Minh khan lac, meng tuk hu urang dalam kapul kong nghe sok bhap bini mai daong ngak saong pato jalan pandar ngak bruk tapa online ni ong mboh biak lagaih.

“Oh cang njauk nao tal labik atau dom harei drei jan war njauk ngak harak brei adat ka urang karei mek angan drei meng mek hu jien padeih padei bruk. Meng di harei jeng hu adat nan, mbiah tal harei ye hu jien tame kat drei. Kon dahalak hu lin pandar jeng randap oh daok cang nao chruak jien mbaok tra blaoh pasang thaik QR mboh biak lagaih”.

Oh tok nao taih ba-mbang yaok baoh sang, kapul kong nghe so bhap bini pak xã Ea Ning, huyện Cư Kuin daok pabha urang maong iek pak aduk sa ba-mbang UB Bhap bini xã piah daong ba, pato mikva ngak. Ong Lê Khánh Tùng, urang mai ngak bi-ar harak, khan lac. Tapa bruk pato tani tanat di kapul kong nghe so bhap bini, mikva mbuan ngak tui dom bi-ar harak hành chính online.

“Ngak bi-ar harak online yau ni biak gheih, hu urang jakar xã tacei pato ngak biak gheih ghang, sami samar lagaih ralo ka bi-ar, tukvak”.

Gam haong kham marat, ba abih hatai daong di kapul ngak kong salih lek số bhapbini rahra, dak harei dak hu ralo bhap bini rah ra urang di Đắk Lắk thau pandar. Bruk ngak di kapul ngak kong salih tui lek số mada hu jeng ye daok hu daong pachreih jhul khang janih salih tui lek taka số di bhum palei. Ong Nguyễn Văn Mạnh, urang daok di dalam kapul salih tui lek so bhap bini rahra, xã Ea Ning, huyện Cư Kuin khan:

“Dom urang asar di dalam kapul salih bruk tui lek taka số brei ka bhap bini, ba hatai brei tame ngak, pan tangi brei pato tacei ka urang bhap bini di dom labik daok palei pala. Tapa di nan patagok hu siam dalam bruk salih tapa tui lek so di bhum palei”.

Tui ong Nguyễn Tuấn Hà, Phaok akaok thường trực UB Bhap bini tỉnh Đak Lak, tal ni abih tỉnh padang ngak hu jaik 2.000 kapul kong nghe so bhap bini pak dom palei, mbuon, puk sang haong 11.700 urang. Ni ieu lac “dom tangin pambuak atah” di mban tacei pato salih taka sok dom pakat hu labik pusak di bruk ba kong nghe sok, jalan angui taka sik mai saong mikva.

“Kapul bhap bini ni hu ralo urang dalam nan hu prein pusak nan urang jakar, dom labik doanh nghiệp rik prein tame ngak bruk salih taka sok. Đak Lak marat ngak tui dom yam, bhian ngak, halar tian ngak piah daong rahra”.

Piah patagok siam makre glaong jang di dom kapul ngak kong lek số rahra bhap bini, masa tuk wak dang anak, tỉnh Đắk Lắk daok chul khang dom janih pato padar, patacei jak ba, pagaong prein ngak gah salih lek số brei ka urang dalam kapul. Tui di nan, pambuak bruk haong dom jabat jaik taphia, dalam nan hu jabat viễn thông padang dom janih pandar jamariak pandar janih yau ye telephon brei ka bhap bini rah ra. Tui di nan daong paglaong paralo urang dalam bhap bini rah ra pandar lek tui ngak kong, drah awal mek hu angan bhap bini lek số. /.