Dalam dom thun tapa, gam haong ngak siam bruk khik iek, Đồn daok lac labik hadah dalam bruk khik kajap an ninh chính trị, khik caga sron mbon ka jalan tapen negar. Hu siam mekre yau nan, lac meng hu bruk pambuak gauk siam haong karja palei piah ba tabiak ngak hu jak jeng bruk “Sap kẻng bhum tapen negar”. Kadha vak: Patagok hu siam bruk “sap kẻng bhum tapen negar”di urang vak di rayo sap ndom VN. Da-a mikva saong taong abih gauk tui pang.

Daok jaik jalan tapen negar Việt nam- Cam Pua Chia, 2 xã Mỹ Quý Đông haong Mỹ Quý Tây hu maong lac labik pandiak ka bruk me-in mbia, co klaik, ba menuac tapa negar me-in mbia. Anak bruk yau nan, thun 2012, Đồn Biên phòng pabah mbang negar Mỹ Quý Tây hu pambuak bruk haong mBan chỉ huy quân sự, công an huyện Đức Huệ saong karja 2 xã ba tabiak bruk “sap kẻng bhum tapen negar”. Bruk nan tabiak rai hu bhap bini abih hatai pachreih tui saong bhian khan brei biên phòng thau tuk hu bruk rah tabiak. Trung tá Cao Xuân Hiền -  Chính trị viên, Đồn biên phòng pabah mbang negar Mỹ Quý Tây, Bộ đội biên phòng tỉnh Long An brei thau:  “Tapa pathau khan, jak ba, bhap bini thau cambaih makna di bruk “Sap kẻng bhum tapen negar”. Meng nan mikva abih drei pachreih tui, gam haong bộ đội biên phòng saong dom gah karei hu mbaok tame ngak biak siam bruk “Sap kẻng bhum tapen negar”. Kuhria meng di tuk peih tabiak tal urak ini, bruk an ninh trật tự hu khik kajap, dom bruk menyum alak, me-in mbia, taong gauk, ngak srau kadau puk palei trun daok takik”.

Tuk bahrau peih tabiak bruk, urang jakar đồn biên phòng abih drei tacei pato bhap bini jalan taong kẻng tui bruk ba tabiak, peih pasram ngak iek dom bruk piah ka bhap bini saong dom gah chức năng ngak njauk tui jalan ba tabiak. Tapa pasram ngak iek, bhap bini thau hu sap kẻng halei lac brei thau khuah patuh,, sap kẻng halei lac hu bruk srau kadau atau co - blah piah ba pandap tui tuk hu mbaok tame langyah. Ong Võ Văn Bình daok di ấp 3, xã Mỹ Quý Đông, huyện Đức Huệ brei thau: "Võ Văn Bình “Taong abih dom bruk rah tabiak dalam palei jeng hu mikva pachreih tui. Pagap yau hu bruk di sang ini, sang daih ye sap kẻng nan brei ka bhap bini thau piah pataom gauk mai daong ka sang nan. Blaoh bruk pambuak gauk di bhap bini haong karja , haong đồn biên phòng biak khang kajap".

Daok dalam labik 2 xã daok hu rilo kan kandah, rilo bhap bini mbuan njauk kol jhak pacuh pajarak, kayua yau nan ye dom urang lin bhain pambuak bruk haong gah chức năng di palei, pathau khan, jak ba mikva hu mbaok tame khik caga jalan tapen negar, khik iek cột mốc, khik ramik sron mbon puk palei, khik caga an ninh palei negar. Tal urak ini, meda lac jaik abih dom sang hu taneh pala drak jaik tapen negar Cam Pu Chia jeng hu tut angan khik iek labik cột mốc jaik tapen mblang hamu di sang drei, meng nan, sron mbon bhum tapen negar hu tani tanat, kol tội phạm trun biak rilo mboh di anak meta.

Urak ini, mikva maong iek urang jakar, urang lin Đồn Biên phòng Mỹ Quý Tây lac dom gauk gar di sang drei. Jeng kayua yau nan ye, tuk hu sarak bahrau di bộ đội biên phòng hu tabiak rai, jeng hu bhap bini pachreih tui saong abih hatai haong dom gah khik caga bhum tapen negar, khik kajap sron mbon, chủ quyền taneh ia. Padang jalan tapen negar Việt nam- Cam Pu Chia sron mbon, patagok./.