Sang ong Lê Huy Toàn (daok di palei 15, xa Khánh Lâm, huyen U Minh) hu ramik tame daok di baoh sang hu daong brei meng Danak dak “Paglaong prein pacang caga haong dom prein pacang caga haong dom njauk bala di langik tasik palaih trun dom labik mbuan gaok kan kandah di bhum tapen tasik Viet Nam” hu dom bilan paje. Urak ini ong Toàn jeng daok bui sambai, kayua hu sa baoh sang khang kadang lac sa bruk caong meng dahlau mai di anek ame ong. Sang ong Toàn lac sang kathaot, ong nao ngak pah raong 2 anek sit. Jeng yau nan, rilo thun tapa ong oh ka ngak hu sang. Ong Lê Huy Toàn brei thau:

" Dahlau daih dahlak hu sa baoh sang kathaop sang gak, nyu taik tahak, hu karja daong padang ngak sang bahrau dahlak biak uan tabuan. Dahlak bhian nao ngak mbang atah, 2 anek sit daok pak sang jeng sahanang hatai jang, abih di nyu lac dalam bilan hajan rabuk ini. Biak thau dhar phol, dom urang ngak pahla ngak phol daong brei saong urang pan akaok dom pakat hu daong brei, bruk mbang ngui dalam sang jeng tani tanat jang. Dahlak meda kham merat ngak mbang piah tabiak truh kathaot".

Atah di sang ong Toàn oh hadom, sang amuk Đỗ Thị Ảnh jeng sahanang hatai daok di dalam baoh sang hu daong padang ngak, ngan haong abih tih jien 135 trieu dong. Dalam nan, sang hu daong 80 trieu, daok 55 trieu dong lac jien đối ứng piah padang ngak. Mboh mikva dalam palei hu dom baoh sang khang kadang piah tani tanat raidiuk, ong Lê Quốc Chánh, Akaok Mban ngak bruk mat tran palei 15, xa Khánh Lâm jeng chreih chrai ndom lac:

"Daong padang ngak baoh sang ka urang kathaot ieu lac sa sarak biak hu hu angan hu makna. Mikva kathaot, gaok kan kandah ka sang daok biak caong hu sa baoh sang khang kadang piah tani tanat raidiuk. Abih di nyu lac bilan hajan rabuk, meng nan bo mikva bak chreih chrai. Danak dak jeng hu yaom glaong dalam bruk padang ngak palei pala bahrau, dalam nan, hu asal kadha ka sang daok".

Di huyen U Minh, Danak dak Paglaong prein pacang caga haong dom prein pacang caga haong dom njauk bala di langik tasik palaih trun dom labik mbuan gaok kan kandah di bhum tapen tasik Viet Nam” daong 130 baoh sang kathaot bhum tapen tasik padang ngak sang. Rahra meda pilih ruah padang mẫu sang 3A atau 5A. Mẫu sang 3A, hu yaom 80 trieu dong, dalam nan, phun jien dalam danak dak daong brei 40 trieu, tinh Ca Mau buh tabiak meng kadung jien piah daong brei 40 trieu dong; Daok mẫu sang 5A hu yaom meng 105 -135 trieu dong. Ong Lê Hồng Thịnh, Phaok akaok UB Bhap bini huyen U Minh brei thau:

"Bruk peih ngak danak dak hu daong biak rilo di Mban tacei ba tinh saong kapul chuyen vien di Danak dak. Tal ini, dom danak dak jeng hu padang ngak  tui njauk jalan ba tabiak, danak dak ngak salah blaoh dahlau di tukvak masa kuhria dahlau hu jao brei. Tuk camereip, dom danak dak hu patagok dom siam lagaih, daong ka mikva hu sang daok tani tanat. Hu prein pacang caga haong bala langik biak kan kandah yau urak ini. Tapa nan, jeng rik biak praong tame danak dak trun kathaot di huyen, abih di nyu lac bruk pacang caga bala langik tasik".

Danak dak Paglaong prein pacang caga haong dom prein pacang caga haong dom njauk bala di langik tasik palaih trun dom labik mbuan gaok kan kandah di bhum tapen tasik Viet Nam” kayua Kadung jien Langik hijao daong oh bayar gilac tapa Danak dak Patagok Lien hop quoc. Danak dak ba mai ka rilo baoh sang kathaot bhum tapen tasik huyen U Minh, Ca Mau dom baoh sang khang kajap. Tapa nan, oh lac daong mikva hu labik daok tani tanat, labik daok hu salamat dalam bilan hajan rabuk bo daok daong ka bhum palei ngak siam lagaih dom danak dak bruk ngak negar patruh eik patrun kan kathaot khang kajap, Padang ngak alei pala bahrau./.