Mai meng bruk di anak mata, Kapul Liên hiệp kamei (LHPN) tinh Binh Thuan mada padang bruk ngak “Dakwah bhap bini gheih” gam haong “3 rup bruk, 3 jalan ngak gam haong puk palei”. Amuk Nguyễn Thị Ánh Nguyệt, Phaok Akaok Kapul Hội LH kamei tinh Binh Thuan khan lac, bruk brei salih isi kadha, cara bruk ngak di Kapul Hội pachreih dak harei dak ralo urang dalam kapul. Kuria tal akaok bilan 10 thun ini, taong abih dalam hu 691 dhan kapul hội, 3.655 kapul kumei, gam haong labaih jaik 278.000 urang dalam labaih 420.000 urang kumei, mboh labaih 66%.

“Piah tagok ralo urang yau ini, kapul njauk salih barau isi kadha cara bruk ngak; daom kadha bruk ngak ba mbiah tal dom kumei brei ka lagaih atau oh; gait khin hagait, gait khin mahu ilamu, khin thau gigah atau khin caong mahu piah patagok Konomi kinh te dalam sang. Mayah ngak hu ye yaok kapul nyaom mada pataom, pachreih hu ralo jang urang tame kapul. Di halei hu kumei di labik nan hu bruk ngak di kapul.”

Daok di Hospitol sang ieik ruak An Phước, gam haong bruk daong ba gauk, anit ranam gauk, hala siam papaok hala taik, taong abih 100% urang đảng, urang kapul doan vien, hội vien dan haong urang ngak di hospital pan tanging auk tui tame bruk ngak. Meng akaok thun tal ini, daong hu labaih 15 trieu dong brei ka 13 urang kan ruak nduac baoh thận. Daok kuria meng di thun 2013 tal ini, Sang ieik ruak An Phước mada jak bag auk rik pataom labaih 200 trieu dong, daong ka labaih 107 mbang urang kan daman ruak nduac baoh thận.

Bac si Lê Văn Anh, Phaok Yam ndok sang ieik ruak hospital An Phước khan lac, langiu bruk ngak yau nan, di sang ieik ruak daok hu binguk bruk ngak “Jak ba gauk padang binguk “Gilang darah hidiuk” haong labaih 300 ba rup ngak tui. Kuria eng meng akaok thun mai tal ini, hu brei daong jaik 40 angan darah ka labaih 20 mbang urang khin caong mai eik ruak capat di hospital.

“Mai meng khin caong di manuac urang ruak, brei ka ruak tabiak darah atau ruak dalam darah, blaoh gilang darah oh ginap darah dil daong brei, daok jak ba oh dil oh sumu, mai meng nan hu brei padang gilang darah hidiuk. Gilang darah hidiuk ieu hagait, nyu ieu lac dom urang di dalam sang ieik ruak, ieu lac dom urang đảng ba hatai tame bruk. Darah di drei mada daong ka urang ruak tapa truh ruak kik pandik harao nyu daok ieuk lac bruk bui sambai hatai di adei saai.”

Dhan kapul Chi bo Hoi LH kumei tinh dan haong Pakat Ndang Hospitol An Phước ieu lac 2 di dalam 78 kapul pakat đảng di Ndang bo Phon jabat haong urang ngak mbang blei salih tỉnh Binh Thuan. Muk Lê Thị Hải Duyên, Akaok pakat Ndang uy Phon jabat haong urang ngak mbang blei salih tinh Binh Thuan daok khan brei thau, bruk tut tangin tame ngak brei padang binguk pachreih gauk jak ba gheih dak harei dak tame jalan tani tanat; bruk ngak bam ai ralo janih siam lagaih dalam rai diuk, rah bhap bini hu njauk hatai jeng ye brei daong di dom pakat jabat jeng ye di dalam bhap bini rahra.

“Dom kapul dalam pakat Ndang uy Khối jeng ngak siam bruk taong yaom ieik glang brei ka bruk tame ngak dan haong daong panuac padang ndang, padang karja haong dom bruk ngak yau ye: thau dhar thau phon, bhap bini ngak phol ngak pah hala jak jeng. Blaoh tapa di nan jeng daong ngak siam dom bruk ngak politik, ngak siam dom bruk kadha pacah gauk ragam nagar di dom jabat, di dom labik ngak mbang.”

Thau cambaic laic bruk praong di jak ba gauk ngak dân vận, masa tuk wak meng anak, tinh Binh Thuan daok ngak siam jang bruk jak ba gauk, ngak siam bruk jak ba gheih dalam bhap bini rahra, ngak siam jalan jak ba gauk di jalan di Chu tich Ho Chi Minh ieu lac “Ieik praong ieik glaong bhap bini, jaik bhap bini, thau paham bhap bini, bac magru di bhap bini jeng ye thau bih drei ka bhap bini rahra”, “Pang rahra ndom mayai, lac urang thau, ngak urang jie”;… dom janih “Jak ba gheih” njauk brei pagam haong bruk bac magru haong ngak tui ilamu glao akaok di wa Ho Chi Minh dan haong dom bruk ngak politik di jabat, di kapul puk palei ba mai siam makre./.