Anek naih ruak angan N.H.K., umo 2 thun, daok di tinh Ba Ria - Vung Tau, hu sang ieik ruak di palei payua tagok Sang ieik ruak Nhi đồng 2 TP.HCM dalam tuk ruak biak trak, jaik si metai kayua ruak pandiak tabiak darah. Di tuk taong ruak, urang ruak daok njauk halang darah gam gam. Langiu di njauk rambuac taigan, urang ruak daok gaok kan kandah di hatai baoh, thận saong laka tuỵ biak trak, ngak ka taglaoh dalok ta-aok rilo mbang. Hadei di 42 harei taong ruak, anek ruak angan K nan mboh thit ruak saong hu brei tabiak di sang ieik ruak.

TS.BS Nguyễn Minh Tuấn, Akaok Khoa Ruak pandiak tabiak darah, Sang ieik ruak Nhi đồng 1 brei thau, dom urang ruak tame sang ieik ruak suai hu ruak dahlau dalam rup biak trak yau nan ye soc mabuk pandiak tabiak darah, dalam rup mabuk ruak, abih di nyu nan lac njauk mbuan si ruak ka baoh tai gan:

“Ruak bhian dinyu kayua manuac urang oh caik hatai atau kayua bruk pasang ieik ruak tuk camriep ka oh mboh njauk. Bruk ini meda kayua ruak barau tamuh ruak pandiak tabiak darah ka oh mbuan si mboh cambaih, mbuan maluk haong dom janih ruak karei yau ye pandiak siêu vi, pandik tarakaong, ruak ndaih baoh, ruak tangin takai cambuai pabah… kayua yau nan ye, tuk uranaih mboh pandak, abih di nyu nan lac di harei ka dua, amaik ame njauk ba uranaih nao ieik ruak piah duah mboh ruak samar drah”.

Di Sang ieik ruak ruak Nhiệt Đới TP.HCM, dalam bilan 10 hu mboh 397 urang ruak pandiak tabiak darah tame sang ieik ruak, glaong abih lac dalam 10 bilan akaok thun. Tal urak ini, bahrau mateh akaok bilan 11, dom urang ruak tame sang ieik ruak ndih taong ruak tagok tal labaih 236 urang. Dom bac si dr kuhria dom urang ruak meda daok tagok dalam dua adit anak tal. Khoa taduan mek urang ruak – caga khik capat ka prein yawa Cấp cứu – hồi sức tích cực – pacang caga jru mek ka uranaih jeng taduan rilo urang ruak pandiak tabiak darah trak dalam dom bilan jaik di ini.

Gauk gar sang anek naih ruak angan Minh Khôi, adei umo 7 thun (daok di Ban Thủ Đức) ruak pandiak tabiak darah trak daok taong ruak di Khoa ieik ruak capat Cấp cứu – hồi sức tích cực – pacang caga njauk jru mek uranaih – Sang ieik ruak Nhiệt đới brei thau, dahlau di tuk tame sang ieik ruak meng 4 tal 5 harei, uranaih mboh pandiak, kaglaoh dalok ta-aok saong pandik hatian. Dalam tuk ieik ruak, dom bac si mboh darah di uranaih biak bier, gam haong mboh ruak biak trak hadei di tuk ieik dalam, uranaih hu payua tame khoa hồi sức. Uranaih mboh mabuk pandiak tabiak darah hadei di nan, tuk prein yawa oh mek jru miễn dịch di uranaih salih. Mayah oh taong ruak hu dil samu, cuang kandah biak trak damak. Saai Lê Thị Hồng Thuý, anai sa hatain di kamuan Minh Khôi khan gilac: 

“Kamuan nao bac mai blaoh pandiak, tame sang ieik ruak di melam harei adit, harei ini mboh kamuan khang kadang biak rilo paje, tok daok pandiak. Harei dahlau tuk nao dut ieik ruak ye thau lac njauk ruak pandiak tabiak darah blaoh ba tame ini. Kamuan mboh pandiak tarakaong, pandiak. Bac si lac prein yava kamuan jeng tani tanat, harei ini kamuan mbang hu, ndih hu”.

Tui TS. BS Phan Tứ Quý, Akaok khoa daong ieik ruak drah capat Cấp cứu – pabak veik siam ka prein – pacang paga jru mek uranaih Sang ieik ruak Nhiệt Đới, yaom lac jaik abih bilan hajan, min jamaok haong anek lăng quăng jeng daok rilo, yau nan ye mbuan tamuh ruak pandiak tabiak darah. Oh lac uranaih, urang praong thun jeng njauk caik hatai haong ruak pandiak tabiak darah, abih di nyu nan lac dalam dom bilan puac thun. Tui bác sĩ Quý, baoh sang njauk caik hatai tal dom janih ruak di uranaih piah samar drah duah mboh ruak mayah mboh uranaih ruak pandiak tabiak darah. Tuk ruak trak, dom janih ruak bhian gaok lac pandiak glaong, glaih glar dalam rup, huyet ap tagok glaong saong mboh dom labik barah di mangaok rup pabhap:

“Daok dom uranaih pandiak 3, 4 harei gam gam ye rahra njauk caik hatai tal ruak pandiak tabiak darah. Tuk uranaih pandiak meng 1 tal 2 harei, njauk ba nao tal labik y te jaik di abih piah ka dom bac si meda taong yaom, ieik ruak, pato tacei jalan ka gauk gar dalam sang dom janih ruak trak, meda ba tame sang ieik ruak atau brei taong ruak di sang”. 

Langiu di dom jalan pacang caga ruak pandiak tabiak darah, bruk hu yaom glaong njauk ngak di abih lac duah pametai anek lăng quăng, ndih dalam tuol mùng/màn, cuk aw cuk talipha atah pacang plaih di jamaok kaik gam di tuk harei,.. rahra meda njauk klauk jru vaccine pacang caga ruak pandiak tabiak darah./.