Oh lac hu ralo tuai damuai mai rivan iek, bei lan am di palei ngak, tukvak jaik ini, kaya lan am Cam Hamu Craok Bau Truc daok hu palei ralo angaok online yau Facebook, Zalo saong dom bah web pablei salih online. Bruk pablei kaya online peih tabiak jalan ngak mbang birau, daong lan am Cam hu pablei ka rilo urang tuai daok rilo tinh, ban dalam negar.

Sang sa-ai Đổng Thị Mỹ Trinh, palei Hamu Craok Bàu Trúc, lac sa dalam dom baoh sang naih gheih ngak lan am tui hatai caong takre di urang blei angaok darak pasar. Ngak lan meng lavik hu tapa 5 rai rah ye, baoh sang sa-ai ngak tabiak rilo janih lan am meng kan saong lan am my nghe ka darak pasar. Sa-ai  Đổng Thị Mỹ Trinh khan lac:

“Meng dahlau muk di dahlak ba gaok glah noa pablei grauk labik, pah radaih pajeng…Urak ini, dahlak pablei tapa online Facebook, zalo…"

Oh lac baoh sang di sa-ai Trinh, urak ini khu pho Bau Truc hu 2 HTX saong11 labik ngak lan am, pablei salih gam ngak yulit. Langiu di nan pablei tapak ka tuai mai rivang iek, jaik abih dom labik hu pambak tame mang XH piah yaih khan saong pablei. Ta-eng HTX lan am Cam Bau Truc, jien mek tame meng pablei kaya online meblah labaih 30% jien mek tame  di palei ngak.

“Tui kong nghe harei ini, dahlak pablei online Tittok, shopee biak mbuan lagaih…

Njauk ndem tal, birau ini, tapa danak dak mbaoh harak di klau gah Pasak Daong padang bruk ngak mbang hadah krah pakat negar – Mentri Khoa học saong Công nghệ, Liên đoàn Pablei salih saong Kong nghiep Việt Nam gam dom po ngak mbang pablei salih, HTX, baoh sang ngak mbang pablei salih di palei ngak, kaya lan am Cam Bau Truc hu ba tagok blah web Droppii, peih tabiak jalan pablei kaya ngaok internet. Lac urang ranaih umo patui bruk ngak meng kan mai di baoh sang drei, sa-ai Lộ Minh Huyền Trân, palei Bàu Trúc khan lac:

“Mikva thau pandar MXH di facebook, zalo piah pablei kaya hu biak ralo. Ini lac jalan pablei salih piah mikva duah jien tame…

Bruk pandar taka so oh lac daong ka mikva duah jien tame bo daok khik ramik saong patagok bruk ngak meng kan mai. Ong Đàng Chí Quyết, Bí thư Chi bộ palei Bàu Trúc, xã Ninh Phước khan lac:

“Tapa pandar kong nghe taka so, mikva palei ngak pablei kaya lan am angaok Facebook, online…hu tuai daok atah blei biak lagaih.”

Gam haong jalan sahaneng, ong Quyết brei thau, tapa pandar kong nghe so, palei salih online daong patrun ralo jien pajeng ba, urang ngak, tui nan ba mbuan lagaih ka tuai daok atah palih ruah blei. Meng tuk  nghe thuat ngak lan am di urang Cam taduan hu angan drap ar ilamo oh mboh di meta pakat negar, tuai damuai hu mai rivang dak harei dak rilo. Hu bruk kham merat, padang ngak hadah krah oh padeih di dom urang gheih tangin ngak lan, gam hu bruk daong di dom gah chuc nang saong doianh nghiep, bruk jhul pakhang bruk pandar kong nghe khaw tin saong salih pandar taka so hu jeng “gei kandeik” khang, daong dom kaya lan am Cam Bau Truc  dak harei dak hu danei angan atah, brei mboh labik dang di darak pasar saong daok miat miat haong thun bilan./.