Camereip,  bruk salih pandar taka so di bhum urang bangsa takik ngak hu jak jeng siam mekre, ba mai rilo lagaih pandar dalam bruk ngak, raidiuk, daok dang mbang ngui, ngak mbang pala drak, dak harei dak dui jaik gauk jang bhum palei pala saong ban raya, jhul pakhang bruk ngak mbang kinh te - xa hoi patagok.

Khu pho Tà Keo Vàm, phường Vĩnh Thông, tỉnh An Giang lac bhum palei hu rilo bhap bini Khmer diuk rai, meblah labaih 80%. Dahlau diah, “salih pandar taka so” lac dom baoh huroh akhar oh bhian mboh daong bhap bini pak ini ye urak ini taduan hu lagaih, siam mekre  meng bruk pandar taka so, dak harei dak kham merat ba drei tame ngak bruk nan. Sa baoh samart phone piah pambuak bruk, bo lac baoh tapuk di bhap bini bangsa takik ba tame pandar piah khik iek bilan pala drak yuak kuak, bayar jien, blei salih online. Meng dom bruk sit, mikva daok peih tabiak pambang  praong tabaik yam tame jaman taka so.

Tui ong Danh Hiền Sanh - Pho Bi thu Chi bo khu pho Tà Keo Vàm, urang ngak praong di khu pho jhul pakhang bruk pathau khan paglong jalan sahaneng di mikva ka dom bruk pambuak tal pandar cong nghe khaw tin, mang internet, kong nghe so dalam raidiuk, ngak mbang pala drak. Urang di Kapol pandar kong nghe bhap bini khu pho Tà Keo Vàm kham merat tame tal yaok baoh sang tacei pato pandar taka so, ung dung so yau: pambuak haong bhap bini rahra tapa mang xa hoi, bac harak mbao, ma-in bui sambai, blei kaya ndap nda online, pandar jitvu karja online, bayar jien ndien, jien ia…hu lagaih.

Mbiah tal ini, jaik abih baoh sang dalam khu pho hu pandar samart phone, khan lac n duah thau khaw tin di mang internet. Kadha nan ba mai siam lagaih rilo, daong urang ngak praong di khu pho peih bruk ginum biai, pataom bhap bini. Mikva rahra  mbuan hu thau khaw tin ka bruk chinh tri, kinh te, ilamo, xa hoi; samar taduan hu sarak tacei ba, sarak ka bruk bangsa di Đảng, Karja.

Oh padeih di nan, bhap bini Khmer daok ba tame pandar ilamo, kong nghe tame bruk ngak nong. Tapa bruk pandar taka so pambak praong tal hamu, daong urang ngak nong trun takik jien buh tame, patagok jien laba, paglong bruk ngak mbang kinh te.

Di mblang hamu that hijao juk di baoh sang, sa-ai Danh Chung, daok di Tà Keo Vàm daok pandar kapal ahaok oh hu urang peih pruh jru ka phun pala. Sa-ai khan lac:  “ urak ini caong takre ngak nong hu kein lagaih ye brei sahaneng karei, oh meda ba prein drei tame ngak. Jaman 4.0 lac urang ngak nong khang hatai pandar kong nghe so, ilamo, ky thuat, meng dan sumu bruk  ngak nong tui jalan birau”.  

Bruk salih pandar taka so bhum urang bangsa takik hu UB bhap bini tinh sangka  peih ngak, rik tame paglong raidiuk  bhap bini. Dom thun tapa, tỉnh An Giang  peih ngak siam Danak dak Patagok ung dung du lieu ka bhap bini, đinh danh saong mbaoh harak dien tu piah ba tame salih pandar ngak tui taka so vaktu meng thun 2022 - 2025, pamaong tal thun 2030; pandar kong nghe khaw tin peih ngak siam danak dak pakat negar patagok kinh te - xa hoi di bhum urang bangsa takik saong bhum ceik vaktu 2021-2025.  Ha tang dak harei dak ngak hu siam, internet pambuak talei peih catang tal 100% pakat xa, phuong, dac khu; internet di dong pambak tal 100% puk palei, pabak tui hatai caong pandar di bhap bini. Tỉnh paglong bruk khik iek karja dalam bruk ngak bangsa, peih ngak siam dom danak dak pakat negar.

Kein lagaih meng bruk pandar taka so camereip hu bhap bini dom bangsa mong mboh saong taong yaom glong ka bruk lagaih dalam raidiuk; dak harei dak hu rilo mac jamraih birau saong patagok blah web pablei salih online, paglong bruk ngak tabiak, kaya siam. Meda mboh, salih pandar taka so rik tame  paglong ilamo bac megru, peih tabiak jalan patagok di dom bhum urang bangsa takik./.