Jaik panah klau luac mbon Trum, xa Tâm Thắng, huyen Cư Jút, hu sa baoh sang bahrau praong 90 m² gheih ghang makre di ong Y Tem Kpơr. Di bein puk cakak baoh sang, dom talei phun kaphe juk hijau daok palaik baoh. Ong Y Tem khan, baoh sang di ong mada dahlau ieu lac baoh sang kan kathaot di abih dalam mbon palei, gam saong tujuh pabah mbang, jien tame sang sa janih di dom sào kaphe saong ngak pah tagok trun. Kayua hu danak dak Jalan ngak pakat nagar brei patruh patrun kathaot, jien mek tame jeng ye raidiuk di sang danaok salih mbaok hadah yaok harei. Meng akaok thun 2022 tal ini, sang ong hu brei jao lamo ine, daong peih ngak bein kaphe, saong jaik ini di abih padang sang daok. Taong abih di nyu jeng prein khang daong sang ong Y Tem yam tagok:

“Dahlau sang kathaot, raidiuk rambah, sang danaok meng kadai tong meng kayau meng kajang. Meng hu danak dak patrun kathaot, sang dahlak hu daong lamo binai ine 20 trieu dong, blaoh 70 trieu jeng ngak sang, tuk ini karo biak paje. Sang danaok oh daok huac hangin tanrah njiak yak ia hajan oh karo mbang angui raidiuk. Urak ini glang lamo ka nyu manek, iek kaphe, sang dahlak truh kathaot blaoh. Dhar phol Ndang, Karja.”

 Oh atah di mbon Trum, mbon palei Ea Pô jeng daok salih harei harei kayua hu sarak trun kathaot di karja. Kreih palei hu sang bahrau padang di muk H’Buan Kbuôr, bangsa Randaiy, jeng tamuh ralo paga vil taom dar. Muk H’Buan khan, meng di baoh sang kathaot di abih dalam mbon palei, meng hu daong lamo binai ine saong 70 trieu dong ngak sang, gam ba abih prein yava dalam sang, muk hu sang danaok karo kajap, mbang angui tani tanat. Sang bahrau ngak blaoh, lamo ine jeng matian, saong njauk janih kadha di Ndang, Karja. Muk H’Buan chreih sambai lac:

“Sang barau hu 6 sào taneh, dalam nan pah 2 sào, drei nyim jien daong brei pala kaphe, urak ini brei paik. Dom thun blaoh hu karja daong lamo, daong jien ngak sang, urak ini mboh hu tanat karo. Thun ini caga hu meng 4–5 tạ kaphe, blaoh jeng mboh jaik si manek, taong abih dalam sang pataom prein ngak mbang patagok kinh te, meng baoh sang kathaot yam tagok truh kathaot blaoh tagok oh daok kathaot.”

Tâm Thắng ieu lac sa xa ngak hamu ngak apuh, atah di pasak tinh Dak Nong labaih 110 km, hu 19 palei mbon gam saong labaih 30% bangsa takik hu 16.400 urang. Ong Trần Thế Quang, Bi thu Ndang uy xa khan lac, meng thun 2021-2025, xa hu daong jaik 3 ty dong jien meng danak dak patrun kathaot piah daong ka urang kurang sang daok, anek athur raong, ndap nda ngak mbang. Kayua hu yau nan, baoh sang urang kathaot meng 5,3% trun daok 1,9%, daong ka xa nao tal hujung tanut palei ngak nong barau thun 2024 saong jeng sa labik hadah ka bruk trun kathaot bhum atah bayah di tinh Dak Nong:

“Di dalam tuk daok ngak, khol dahlak tuk halei jeng pok praong glaong urang bhap bini rahra jeng ye hu gait urang mbang ngui meng sarak karja. Patui di nan, hadei di bhap bini taduan hu phun daong di karja Nagar, pandar njauk tui jalan brei, ngak hu siam. Langiu di nan khol hulin akau daok brei ieik pasang di mat tran saong dom papul piah khik siam bruk ngak njauk jeng ye caga ngak chung ngak palai kayua, yaom kaom mek hu oh tapak hu glaong.”

Biak di mata brei mboh, Danak dak Jalan nagar brei patagok kinh te - xa hoi bhum urang bangsa takik saong bhum cek di huyen Cư Jút daok taong tame dalam tal mikva urang bangsa daok kan daman. Ini jeng ieu lac sa jalan ngak njauk, ngak biak daong ngak tapak tame bruk praong dalam patagok kinh te - xa hoi saong patruh iek patrun kathaot di Dak Nong. Tal tuk karja dua pakat padang jeng, bruk ngak danak dak njauk brei pataom prein ngak siam, ngak biak ngak njauk meng pakat meng ala./.