URANG KAYA IKAN HO DI PEI NEGAR
Thứ hai, 11:02, 14/07/2025 Urang lang: MINH KIEN Urang lang: MINH KIEN
CHAM.VOV.VN - Di Bhum taneran kraong Cuu Long, bruk raong ikan ho piah pablei yaom lac oh ka hu rilo min tapi nyu brei siam lagaih ka kinh te glaong, daong ngak rilo gah kaya dalam nagar. Di tinh Dong Thap, labik raong ikan ho di ong Trần Văn Bảnh daok di xa Trung Hòa (klak), urak ini ieu lac xa Mỹ Tịnh An, biak karei, lac bruk naih gheih di bhum saong janih kaya dalam ia ini. Urang vak Nhật Trường hu kadha ndom ka “Urang kaya ikan ho di Pai Nagar.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Yaom mada umo labaih 70 thun, min bruk ngak yaok harei gam saong ong Trần Văn Bảnh biak jal val, ong brei caik rilo tukvak piah iek glang bruk raong ikan ho di dom danao raong tal yaok ribau drei. Ong brei thau, dahlau daih baoh sang ong hu raong rilo janih kaya dalam ia taba di dom danao raong vil taom dar sang. 15 thun dahlau, tuk Pasak Negar Pajaih Kaya dalam ia Meraong Negar peih ngak iek dahlau bruk raong ikan ho di bhum palei, ong hu mbaok tame bruk ini.

Dahlau di abih ong raong dom rituh drei pajaih iek dahlau. Hadei di nan, mboh ikan ho hu rilo lagaih, mbuan si raong, takik ruak, jien buh tabiak oh rilo yau nan dak tuk dak peih praong bruk ngak. Tal tukvak ini, ong taha Trần Văn Bảnh hu ngak po 3 baoh danao raong ikan ho di sang drei saong yaom 1,5 ha, palao raong ikan anek jaik 3.000 drei.

 Tukvak blaoh tapa, tapol ikan ho ini praong tagok samar, hu brei kuac mek rilo mbang hu drei trak abih 50 kg, drei sit abih jeng labaih 10kg. Tui bruk njuel trak blaoh yaom kaom pablei ikan mek ralo meng 450-550 ribau dong/kg, kayua yau nan meng tapol ikan ho, ong hu mek tame sang jien ty. Bruk njauk ndom mayai lac tapol ikan ho di ong hu buh jien tame tani tanat, njauk tukvak jalan ngak tui ilamo ky thuat, khik kajap hu ginup hadah, tanut dalam, ia piah salih hu tani tanat piah tapol ikan cakrok patagok yau bhian. Ong Hai Bảnh lac urang ngak dahlau saong hu jak jeng dalam bruk raong ikan Ho praong dalam bhum palei.

Thun 2017, ong Trần Văn Bảnh pambuak saong dom gah pambuak bruk peih praong bruk raong ikan ho di labik Láng Biển (xa Tân Thuận Bình, tinh Dong Thap) saong danao ia praong jaik 06 ha. Di ini, tapol ikan ho di ong palao raong labaih 5.500 drei saong daok di 10 kg/drei, srap gap yam tame tukvak pablei tabiak. Di tukvak ini, ong Trần Văn Bảnh lac urang po di tapol ikan hu “praong” abih di gah Pei. Daok ka bruk raong kaya dalam ia ini, ong Trần Văn Bảnh khan brei thau: “Ikan ho ye raong suai atah tukvak, nan yaok harei drei brei mbang 1 mbeng mada jeng hu 2-3 harei brei mbang sa mabng jeng hu. Ruak ye dahlak hulin oh ka mboh nyu ruak hagait, meng akaok bilan hajan hu kurang oxy ye nyu matai, daok tukvak karei ye nyu oh matai. Ikan mbang nyec dalam ia saong drei jeng hu brei mbang veik pandap mbang asar meng kong nghiep. Gah piah pablei tabiak ye jeng hu min bo drei oh mada pablei sa mbang rilo tan pajaih yau dom janih ikan karei.”

Tui ong Phan Minh Luận – po labik pablei salih ikan ia taba di xa Long Định, tinh Dong Thap – bruk raong ikan ho di ong Trần Văn Bảnh hu ngak praong, siam lagaih abih dalam bhum, rilo meng lac tapol ikan patagok dalam labik jaik yau lac tu nhien. Tukvak tapa, tapol ikan ho ini hu ong blei mai piah pabak ralo ka darak pasar dalam negar. Ong Luận ndom meyai lac: “Cei Hai Bảnh lac urang ngak dahlau bruk raong ikan ho jak jeng di bhum taneran kraong Cuu Long saong dalam negar Viet Nam drei. Ndom ka jalan raong ikan ye cei biak njauk lagaih ka halau ia, tanut ia, bruk brei mbang… Tapol ikan di cei biak bangi kayua tukvak raong ikan suai atah, raong pajaih hoang da. Ikan oh mbang jru cavao, daok dalam labik hacih sa-at nan ikan hu kalik bangi, ralo biak bangi. Dom labik raong ikan di cei biak tani tanat.”

Ong Trần Văn Bảnh lac sa urang jakar, urang ndang padeih bruk ngak. Dalam jaik 10 thun tapa, tuk padeih ngak mbiah tal ini, yaom lac thun umo praong, prein yava oh daok kajap min ong biak tari taring ngak mbang duah jien, chreih raong ikan ho mek ralo. Langiu di nan, ong daok buh jien tame 3 sang pachreih palua cim yen saong chruh ciim yen mek hu yaok bilan jaik 10 kg chruh cim yen. Ong sahaneng lac, dahlau diah drei ngak bruk rahra, urak ini padeih bruk brei ngak mbang duah jien piah gam hu jien mek tame ka baoh sang, gam pasram padhit prein yava saong ngak urang naih gheih ka anek taco bac magru tui. Kayua nan, bruk raong ikan ho, ong jeng buh jien tame, raong patui veik yau sa bruk hatai takre tuk thun umo praong./.

Urang lang: MINH KIEN

Viết bình luận

TIN CÙNG CHUYÊN MỤC

Video

ĐƯỢM TÌNH DUYÊN QUÊ
KADHA DAOH: NGÀY VỀ KATÊ
13/10/2023
KADHA DAOH " LANG CHAM ON BAC"
10/08/2023
ROYA YEU THUONG
17/03/2023
KADHA ADAOH: SAMBO BAR TANEH LAN AM (MÀU ĐẤT NUNG)

KADHA ADAOH: SAMBO BAR TANEH LAN AM (MÀU ĐẤT NUNG)

CHAM.VOV4.VN - Peih mbaok danak dak, daa mikva saong taong abih gauk tui pang kadha daoh “Sambo mau taneh lan am” kayua ca si Thanh Pháp paneh saong daoh peih akaok ka danak dak daoh tamia hu angan “Lam Ndong – Anit ranam, uak drei pahadah harei hadei”

16/08/2025

URANG PANG DANAK DAK (THÍNH GIẢ VỚI CHƯƠNG TRÌNH)