Yaok harei necar, harei adit, yaok tuk 8 page mboh dom uranaih di palei Năm Chánh uk í ới ieu gauk, tangin pan talak, tangin pan capi sa dang talei plaong chait nao tal sang ông Trần Sóc piah bac magru. Sang bac brei pato tapak di dawang mblang praong bilik pasak di dalam baoh sang, paban kik phling ragam ginang caing hu brei rami ramik gheih siam tapak tape. Tal urakni, dom adei daok tapak njauk labik di drei. Dom sap ragam ragu peih tagok jeng lac tuk khol dahlak akau thau lac dalah apui chreih ranam di dom adei, gam saong dom hatai jai anit ranam di urang pato magru ngak jeng bui sambai chreih chrai anit ranam brei ka tal bac ragam raguini. Ông Trần Sóc khan brei thau:

“Yau ye thau mbiah, meng di sit akau mboh phling ragam ragu bhap bini blaoh paje, meng kan harei lakhah sang halei jeng hu. Kayua yau nen ye, akau huac hadei di ini hu nyu taba nyu halai yau nen ye duah jalan piah khik ramik. Tuk nan akau biak kan daman ngak yau habar ngak hu.”

Capi meng talei ieu lac asal sa janih phling ragam ragu bhap bini Khmer Nam Bộ. Meng jaman kan dalau, janih ragam ragu bhap bini tuk halei jeng ndam gam saong ilamu raidiuk di bangsa Khmer, tuk halei jeng hu mbaok di dalam harei praong harei raya harei lakhah caga.

Tapi min, di dalam rai diuk barau, dom janih ragam ragu bhap bini meng talei, ragam Mahori di urang Khmer daok dang oh karo di anak ribuk druh jaleih, urang main taha dak harei dak daok takik nao oh khik truh. Dang di anak bruk kadha yau nan, ông Trần Sóc, suuh suon di urang bangsa main ragam ragu praong taha dang di anak bruk kan kandah, jum pataom jeng ye ba apui ranam ragam ragu bhap bini brei ka dom adei palei dalam phum sóc. Ông brei pato ragam ragu bhap bini, pato yaok baoh kadha ragam ragu bhap bini, pato tapak harei tame bac akaok meti yaom mada daok ralo bruk kadha barau. Mada hu harei gam gru pato saong anek saih taeih kik nao daok di mala dhan kayau bac daom baoh kadha ragam ragu barau, pachram dom ragam kan tangin piah uak ka daka harei dak jeng lagaih. Ông Trần Sóc khan brei thau lac:

“Cam mareip bac capi satalei, taong abih lapan anek saih gam bac yau gauk. Hadei di nan thei lagaih gah capi halei ye tui bac ragam ragu bhap bini nan, pagap ye adei halei hu tangin main Khưm ye tapa nyu, adei halie chreih capi sa talei ye main capi sa talei, hu ganap 3 baoh capi sa talei. Tuk pasram jeng ieik glang tui hatai di dom adei chreih lagaih gah halei ye brei tui gah nan ka nyu sanang lagaih ka nyu njauk ragam ragu bhap bini meng hu. Kan hu kan di dom harei camareip.”

Oh klak hatai ranam di urang pato, dom adei bac mabng menyum hu dom ragam ragu. Mada hu dom harei daok lahe, dom adei hu urang kuar ginang, kua gar pan talak, teik capi sa talei jak gauk daok di mala phun kayau main ragam ragu bhap bini drei bac blaoh. Ragam ragu bhap bini di dom adei main pang mboh anit ranam gam biak chreih. Adei Lâm Thiện khan brie thau lac:

“Cammareip khol adei bac magru oh thau hagait. Dom daei biak bui smbai jeng ye kham bac magru. Tuk lahe lahoi adei gam saong dom ayut sahabat paguon gauk main saong gauk blaoh ka nyu pang bingi jang.”

Mada ndom mayai lac, jaman khol adei ieu lac yau ye asal pajaih ameh brei ka bruk khik ramik ragam ragu bhap bini bangsa Khmer. Dom kadha dom adei bac magru yau ye janih khik ramik ilamu ragam ragu bhap bini di muk kei caik mai. Drap ar ilamu ragam ragu bhap bini mboh biak praong kayua hu urang pambuak talei. Caong khin lac, dom hatai anit ranam ilamu mada daong brei kham marat, pachreih hatai tame bruk khik ramik ragam ragu bhap bini ilamu bangsa Khmer thun bilam meng anak tal./.